Bakıda Amerika Universiteti

Vikipediya, açıq ensiklopediya
Jump to navigation Jump to search

Bakıda Amerika Universiteti
ing. American University of Baku

Yaranma tarixi 17 yanvar 199519 avqust 2000
Tip qeyri-dövlət
Şəhər Bakı
Ölkə Flag of Azerbaijan.svg Azərbaycan
Ünvan Bakı şəhəri, Zahid Xəlilov küçəsi, 540-cı məhəllə.[1]
Vebsayt aub.edu.az

Bakıda Amerika Universiteti[2] (ing. American University in Baku) və ya qısaca BAUAzərbaycan Respublikasının paytaxtı Bakı şəhərində fəaliyyət göstərmiş, özündə təhsilin amerikan modelini təcəssüm etdirən ingilisdilli[3] keçmiş qeyri-dövlət ali təhsil müəssisəsi[2] və və elmi-texniki tədqiqatlar mərkəzi[3].

Tarixi[redaktə | əsas redaktə]

Universitet Azərbaycan Respublikasının dünya standartlarının tələblərinə uyğun ingilis dilli yüksək ixtisaslı mütəxəssislərə kəskin ehtiyacını nəzərə alaraq Azərbaycan Respublikası Nazirlər Kabinetinin 17 yanvar 1995-ci il tarixli, 008 nömrəli Qərarı ilə yaradılmışdır.[2] Həmin Qərara görə ABŞ ali məktəblərinin professor-müəllim heyəti cəlb edilməklə Universitetdə tədrisin ingilis dilində aparılması məqsədəuyğun hesab edilmişdir.[2] Bundan başqa həmin Qərara əsasən aşağıdakıların həyata keçirilməsi nəzərdə tutulmuşdur:

  • Universitetin binasının tikintisinin sponsorların vəsaiti hesabına maliyyələşdirilməsi;
  • Azərbaycan Respublikası Beynəlxalq Bankı tərəfindən Universitetin tikintisi və inkişafı layihəsinin həyata keçirilməsi ilə bağlı investisiyalar üçün müvafiq hesabın açılması;
  • Universitetin tələbə şəhərciyinin tikintisi üçün Qanlıgölün qərb sahilində 30 hektar torpaq sahəsinin ayrılması məsələsinin Bakı Şəhər İcra Hakimiyyəti tərəfindən həll edilməsi;
  • Səhiyyə Nazirliyi tərəfindən Bakı şəhəri Tbilisi prospekti, 9 nömrəli ünvanda yerləşən və tikintisi başa çatdırılmamış qastroenteroloji mərkəzin Universitetə şəhər kollecinin yerləşdirilməsi üçün icarəyə verilməsinin təmin edilməsi;
  • Müdafiə Nazirliyi tərəfindən Bayılda yerləşən yataqxanasının Universitetə icarəyə verilməsi;
  • Səhiyyə Nazirliyi tərəfindən Universitetin ABŞ-dan gələn müəllimlərinə tibb xidmətini təmin etməsi;
  • Rabitə Nazirliyi tərəfindən Universitetdə hökumət rabitəsi telefonunun və lazımi miqdarda şəhər telefonlarının qoyulmasının təmin edilməsi;
  • Təhsil Nazirliyi tərəfindən normal-tədris prosesinin təmin edilməsi məqsədilə, Bakı Politexnik Texnikumu binasının bir hissəsini Universitetə icarəyə verilməsi.

19 avqust 2000-ci ildə fəaliyyəti dayandırılmışdır.[4]

Kampusu[redaktə | əsas redaktə]

Universitetin tələbələri amerikan nümunəsi üzrə inşa edilmiş tələbə şəhərciyində - Kampusda yüksək səviyyəli ali təhsil almaq imkanına malik olmuşlar.[3] Bu Kampus Amerika və Avropa universitetlərinin oxşar tələbə şəhərciklərinin yaxşı ənənələrini özündə birləşdirir.[3]

Treninq Mərkəzi[redaktə | əsas redaktə]

Universitetin Treninq Mərkəzi 1998-ci ilin payızında - BAU-nun yerləşdiyi şəhərciyə (Kampusa) köçməsindən sonra fəaliyyətə başlamışdır.[3] Mərkəzin fəaliyyətinin məqsədi universitet əməkdaşlarının potensialından və texniki imkanlarından istifadə etməklə Azərbaycan vətəndaşlarına müxtəlif sahələrdə biliklərini artırmaq və təkmilləşdirməkdə xidmətlər göstərməkdən ibarət olmuşdur.[3]

Treninq Mərkəzində aşağıdakı axşam dərsləri keçirilmişdir:[3]

  • İngilis dili;
  • Kompüter kursları;
  • Biznes kursları.

Məktəbi[redaktə | əsas redaktə]

1998-ci il sentyabrın 1-dən Bakıda Amerika Universitetinin nəzdində xüsusi məktəb fəaliyyətə başlamışdır.[3] Bu məktəb (I-XI siniflər) gəlirsiz özəl təhsil müəssisəsi idi. Məktəbin işi Texas Beynəlxalq Təhsil Konsorsiumu tərəfindən əlaqələndirilirdi.[3]

Məktəbin 3 bölməsi vardır:[3]

  • amerikan (ABŞ məktəblərinin tədris proqramları bazasında);
  • azərbaycan (müasir dövlət proqramları bazasında);
  • rus (müasir dövlət proqramları bazasında).

Azərbaycan və rus bölmələrində şagirdlərə ümumtəhsil proqramlarından başqa həftədə 10 saat intensiv ingilis dili, həftədə 5 saat geniş kompüter təhsili, həmçinin dolğun məzmunlu estetik təhsil proqramları tədris edilmişdir.[3]

Uşaqların Erkən İnkişaf Mərkəzi[redaktə | əsas redaktə]

Uşaqların Erkən İnkişaf Mərkəzinin proqramı müxtəlif inkişaf səviyyəli uşaqlar üçün işlənib hazırlanmışdır:[3]

  • Pre-kinderqarten (3-4 yaşında olanlar) 20 uşağa 2 müəllim;
  • Kinderqarten (5 yaşında olanlar) 20 uşağa 2 müəllim;
  • Pre-skul (5-6 yaşında) Uşaqların ümumi inkişafı proqramı məqsədi idi.

Mərkəzin tədris planı yalnız uşağın məhdud vərdişləri yerinə yetirməsi məşqinə yox, həm də onun intellektinin və şəxsi düşüncəsinin inkişafına istiqamətləndirilmişdir.[3]

Xarici əlaqələri[redaktə | əsas redaktə]

Xüsusi mübadilə proqramı universitet tələbələrinə öz təhsillərini ABŞ-ın hər hansı bir ali məktəbində davam etdirmək imkanı vermişdir.[3] BAU 32 Amerika universitetini özündə birləşdirən Texas Beynəlxalq Təhsil Konsorsiumu ilə müqavilə səviyyəsində əməkdaşlıq etmişdir. Yəni Universitetin bütün təhsil proqramları xüsusi olaraq Konsorsium tərəfindən hazırlanmış və BAU-nun akademik bölməsinə bütünlüklə Konsorsium nəzarət etmişdir. Həmin proqramlar üzrə dərs deyən yüksəkixtisaslı pedaqoji-müəllim heyəti birbaşa ABŞ-dan Konsorsium tərəfindən göndərilmişdir.[3]

İstinadlar[redaktə | əsas redaktə]

  1. AMERICAN UNIVERSITY IN BAKU. unesco.org  (ing.)
  2. 2,0 2,1 2,2 2,3 "Bakı şəhərində Amerika Universitetinin yaradılması haqqında" Azərbaycan Respublikası Nazirlər Kabinetinin 17 yanvar 1995-ci il tarixli, 008 nömrəli Qərarı  (azərb.)
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 BAKIDA AMERİKA UNİVERSİTETİ. mekteb.edu.az  (azərb.)
  4. "Bakıda Amerika Universitetinin yaradılması haqqında" Azərbaycan Respublikası Nazirlər Kabinetinin 1995-ci il 17 yanvar tarixli, 8 nömrəli qərarının qüvvədən düşməsi barədə Azərbaycan Respublikası Nazirlər Kabinetinin 19 avqust 2000-ci il tarixli, 145 nömrəli Qərarı. e-qanun.az  (azərb.)