Balaş Abbaszadə

Vikipediya, açıq ensiklopediya
Keçid et: naviqasiya, axtar
Balaş Abbaszadə
Balaş Əlizaman oğlu Abbaszadə
Doğum tarixi 1950(1950-Şablondakı doğum və ya ölüm tarixində texniki yanlışlıq var!-00)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Bakı
Vəfatı 7 may 2005(2005-05-07)
Vəfat yeri Flag of Azerbaijan.svg Azərbaycan, Bakı
Uşağı Gündüz Abbaszadə[1]
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşələri yazıçı, jurnalist
İxtisası tarixçi-müəllim
Təhsili ali

Balaş Abbaszadə (tam adı: Balaş Əlizaman oğlu Abbaszadə; d. 1950, Bakı, Azərbaycan SSR, SSRİ - ö. 7 may 2005, Bakı, Azərbaycan) — tarixçi-müəllim; yazıçı, jurnalist. Azərbaycan Jurnalistlər Birliyinin üzvü (1990); pedaqoji elmlər doktoru[1].

Həyatı[redaktə | əsas redaktə]

Balaş Abbaszadə 1950-ci ildə Bakı şəhərində anadan olub.

Azərbaycan Dövlət Universitetinin Tarix fakültəsini bitirib.

1980-ci illərdə Xanlar (indiki Göygöl) rayonunda məktəblərarası tədris-istehsalat kombinatının direktoru, daha sonra həmin rayonda məktəb direkotru sonralar isə Maarif Nazirliyində əmək tərbiyəsi ilə bağlı şöbənin inspektoru, eləcə də şöbə rəisi vəzifəsində işləmişdir[1].

1989-1996-cı illərdə Azərbaycan Respublikası Milli Məclisi sədrinin köməkçisi işləmişdir[2]. Bu dövrə Heydər Əliyevin köməkçisi vəzifəsi də daxildir.

1996-cı ilin mayında, Milli Məclis sədrinin köməkçisi işləyərkən qondarma ittihamla həbs olunmuş və Bakı Şəhər Məhkəməsinin 3 aprel 1997-ci il tarixli hökmü[3] ilə uzunmüddətli həbs cəzasına məhkum edilmişdir. Təyin olunmuş cəzanın təxminən üçdəbirini çəkəndən sonra o, prezidentin əfv fərmanı sayəsində 1999-cu il iyulun 11-də azadlığa buraxılmışdır[1]. Daha sonra həyatını təsisçisi olduğu Sirdaş qəzetinin fəaliyyətinə həsr edib. Azərbaycan və rus dillərini mükəmməl bilirdi.

7 may 2005-ci ildə vəfat edib.

Yaradıcılığı[redaktə | əsas redaktə]

Müntəzəm olaraq dövri mətbuatda müxtəlif mövzulu yazılarla çıxış etmişdir. 1990-cı ildə Azərbaycan Jurnalistlər Birliyinin üzv qəbul olunmuşdur[1].

1992-ci ildə "Sirdaş" adlı müstəqil qəzet təsis eləmişdir[1]. Qəzetinin ayrı-ayrı buraxılışları yüz min nüsxə tirajla rus, fars, türk və erməni dillərində çap edilərək müvafiq ərazilərdə yayılırdı. Bu dillərdə Xocalı Soyqırımı həqiqətləri ilə bağlı yazılar dərc edilmiş və bu müxtəlif ölkələrdə pulsuz paylanmışdır. Devizi "Özünü tanı və özünü tanıt!" olan maarifçi missiyalı həmin qəzetə görə Balaş "Qızıl qələm" mükafatı almışdır[1]. Azərbaycanda Heydər Əliyev haqqında yazılmış ilk kitabın (Günəş kimi parlaq) müəllifidir. Bundan başqa Heydər Əliyevə həsr olunmuş "Qətiyyətin təntənəsi" kitabının baş məsləhətçisi olub.

Elmi fəaliyyəti[redaktə | əsas redaktə]

2 il ərzində namizədlik və doktorluq dissertasiyalarını yazıb rusca müdafiə eləmişdi. Namizədlik dissertasiyasını Kiyevdə, doktorluq dissertasiyasını isə Daşkənddə müdafiə edib[1].

Əsərləri[redaktə | əsas redaktə]

Həm Azərbaycan və həm də rus dillərində çap olunmuş 10-dək publisistik kitabın, bir neçə metodik vəsaitin, tədris proqramının, sayı-hesabı bilinməyən qəzet-jurnal məqaləsinin müəllifi idi.

Kitabları[redaktə | əsas redaktə]

  • "Günəş kimi parlaq" Heydər Əliyev şəxsiyyəti mətbuat prizmasında...
  • "Söz İstəyirəm"
  • "Прерванная встреча" (rus dilində)
  • Bir portretin nağılı... (jaurnalist Tahir Paşazadə haqqında kitab) Bakı, "Ozan", 2010. (Eldar Sadıq ilə birlikdə)[4][5]

Mükafatları[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 Dərdi dərd çəkən bilər... (Yaddaşımın küncündən...)
  2. Tarix üçün... tarix haqqında
  3. "Azadlıqdan məhrumetmə cəzasına məhkum edilmiş bir sıra şəxslərin əfv edilməsi haqqında" Azərbaycan Respublikası Prezidentinin 10 iyul 1999-cu il tarixli, 152 nömrəli Fərmanı.  (azərb.)
  4. Mənalı ömrün unudulmaz məqamları
  5. "Bir portretin nağılı..." kitabı