Bala Nəzərov

Vikipediya, azad ensiklopediya
Naviqasiyaya keçin Axtarışa keçin
Bala Nəzərov
Doğum tarixi
Doğum yeri
Vəfat tarixi (84 yaşında)
Elm sahəsi Cərrahiyyə
Elmi dərəcəsi -
Elmi adı Tibb elmləri namizədi
İş yerləri Xəzər Dəniz Səhiyyə İdarəsinin “Paris Kommunası” adına hövzə, Balaxanıda 5 saylı ambulatoriyada, Lerik rayon səhiyyə şöbəsinin, Bakı şəhəri 5 saylı birləşmiş xəstəxanasının, 13 saylı tibbi-sanitar hissəsinin, Bakı şəhəri Semaşko adına 1-saylı kliniki xəstəxanaya, “Zakfederasiya” adına poliklinikasının, Xəzər Gəmiciliyinin poliklinikasında
Təhsili
Mükafatları

1941-1945-ci illər Böyük Vətən müharibəsində Almaniya üzərində qələbəyə görə medalı  1941-1945-ci illər Böyük Vətən müharibəsində şücaətli əməyə görə medalı  1941-1945-ci illərdə Böyük Vətən Müharibəsində Qələbənin 20 illik yubileyi medalı  Vladimir İliç Leninin anadan olmasının 100 illiyi ilə əlaqədar rəşadətli əməyə görə medalı Qırmızı Əmək Bayrağı ordeni (SSRİ)

Azərbaycan SSR-in əməkdar həkimi

Bala Sərxuş oğlu Nəzərov (10 avqust 1921, Balaxanı, Bakı qəzası26 noyabr 2005) — Tibb elmləri namizədi. Azərbaycan SSR-nin Əməkdar həkimi (1964).

Həyatı[redaktə | mənbəni redaktə et]

Bala Nəzərov 1921-ci ildə Bakının Balaxanı kəndində anadan olmuşdur. Atası və əmisi xalq düşməni kimi 20 il azadlıqdan məhrum edilmiş, iki dayısı isə güllələnmişdir. Buna baxmayaraq, 1939-cu ildə orta məktəbi bitirdikdən sonra N.Nərimanov adına Azərbaycan Tibb İnstitutuna daxil olmuş və 1943-cü ildə müalicə profilaktika fakültəsini bitirmişdir.

Tibb İnstitunun 4-cü kursunda oxuyarkən Xəzər Dəniz Səhiyyə İdarəsinin “Paris Kommunası” adına hövzə poliklinikasında həkim-cərrah kimi fəaliyyətə başlamışdır. İnstitutu bitirdikdən sonra Balaxanıda 5 saylı ambulatoriyada baş həkim, hövzə xəstəxanasında ordinator işləmişdir.

Azərbaycan Respublikası Səhiyyə Nazirliyi tərəfindən dağ rayonları xəstəxanalarında cərrahiyyə şöbələri yaratmaq məqsədilə 1946-1948-ci illərdə Bala Nəzərov Gədəbəy və Lerik rayonlarına göndərilmişdir. Bala Nəzərov 1950-ci ildə Lerik rayon səhiyyə şöbəsinin müdiri vəzifəsinə təyin edilir. Həmin rayonun Şingədulan və Veri sovetliklərində 25 çarpayılıq xəstəxana açılmasına müvəffəq olmuşdur.

1951-ci ildə Bala Nəzərov Bakı şəhəri 5 saylı birləşmiş xəstəxanasının baş həkimi vəzifəsinə təyin olunmuşdur. 1955-ci ildən 5 saylı birləşmiş xəstəxananın əsasında təşkil olunmuş 13 saylı tibbi-sanitar hissəsinin (indiki 26 saylı Birləşmis Şəhər Xəstəxanası) baş həkimi işləməyə başlayır.

1966-cı ildə isə Bakı şəhəri Semaşko adına 1-saylı kliniki xəstəxanaya (indiki Kliniki Tibbi Mərkəz) baş həkim təyin olunmuşdur. Həmin vaxt xəstəxanada 1915-ci ildə tikilmiş və tamamilə yararsız vəziyyətdə olan bir mərtəbəli baraklar hal-hazırda mövcud olan korpuslarla əvəz olunmuşdur.

1988-ci ildən 1996-cı ilə qədər “Zakfederasiya” adına poliklinikasının baş həkimi, 1996-cı ildən həyatının sonuna qədər Xəzər Gəmiciliyinin poliklinikasında həkim cərrah vəzifəsində işləmişdir

2005-ci ildə vəfat etmişdir.

İstinadlar[redaktə | mənbəni redaktə et]