Balasadıq

Vikipediya, azad ensiklopediya
Jump to navigation Jump to search
Balasadıq
Balasadıq Sadıq oğlu Aslanov
Doğum tarixi
Doğum yeri Mərdəkan, Bakı, Azərbaycan SSR, SSRİ
Vəfat tarixi (73 yaşında)
Vəfat yeri Bakı, Azərbaycan
Fəaliyyəti ssenarist

Aslanov Balasadıq Sadıq oğlu - şair, ssenarist, 1988-ci ildən Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Balasadıq 1929-cu il oktyabrın 21-də Bakının Mərdəkan qəsəbəsində kolxozçu ailəsində anadan olmuşdur. Burada orta məktəbi bitirmişdir (1936-1946). Ailə vəziyyətinə görə təhsilini davam etdirə bilməmişdir. Əmək fəaliyyətinə Əzizbəyovneftdə çilingər kimi başlamış (1946-1952), sonra Bakı Radio zavodunda elektrik qaynaqçısı (1952-1969), "Azərbaycanfılm" kinostudiyasında aktyor şöbəsinin rəisi (1969-1988), həmin studiyanın dublyaj qrupunda rejissor assistenti-redaktor, "Oğuz eli" qəzeti redaksiyasında poeziya və nəsr şöbəsinin müdiri vəzifələrində işləmişdir (1990-2003). Azərbaycan klassik və müasir ədəbiyyatını, eləcə də dünya xalqları əbədiyyatını mütaliə yolu ilə dərindən öyrənmişdir. Ədəbi aləmə 1963-cü ildən dövri mətbuatda çap etdirdiyi şeirlərlə gəlmişdir. İlk mətbu şeirləri - "Yaylağa payız düşür", "Nəğmələr dinən zaman" "Ədəbiyyat və incəsənət" qəzetində dərc olunmuşdur (1963). "Azərbaycan", "Ulduz" jurnallarında, "Ədəbiyyat və incəsənət", "Azərbaycan gəncləri" qəzetlərində müntəzəm çıxış etmişdir. "Atəşgahda möcüzə" (1997) kitabı kütləvi tirajla buraxılmışdır. "Karvan yolu" pyesi tamaşaya qoyulmuşdur. SSRİ Xalq artisti Zeynəb Xanlarovaya həsr edilmiş tammetrajlı bədii filmin ("Gün doğandan gələn səs") ssenarisinin şərikli müəllifidir.

2003-cü il mayın 23-də Bakıda vəfat etmişdir.

Əsərləri[redaktə | mənbəni redaktə et]

  1. Nəğmə istəyir anam. Bakı: Gənclik, 1968, 68 səh.
  2. Mənim tale ulduzum. Bakı: Yazıçı, 1989, 74 səh.
  3. Meyxanalar. Bakı: Yazıçı, 1993, 275 səh.
  4. Şerlər. Tehran: 1993, 100 səh. (şərikli).

Filmoqrafiya[redaktə | mənbəni redaktə et]

  1. Atası yandı (film, 1986)