Baloğlan Süleymanov

Vikipediya, azad ensiklopediya
Jump to navigation Jump to search
Baloğlan Süleymanov
Baloğlan Süleyman oğlu Süleymanov
Doğum tarixi 5 avqust 1960(1960-08-05)
Doğum yeri Keçikli, Zəngilan rayonu
Vəfat tarixi 25 oktyabr 1993 (33 yaşında)
Vəfat yeri Dərzili, Cəbrayıl rayonu
Mükafatları "Azərbaycan Bayrağı" ordeni

Süleymanov Baloğlan Süleyman oğlu — ölümündən sonra 16.09.1994-cü ildə "Azərbaycan bayrağı" ordeni ilə təltif edilib.

Həyatı[redaktə | əsas redaktə]

Baloğlan Süleymanov Azərbaycanın Zəngilan rayonundakı Keçikli kəndində 5 avqust 1960-cı ildə anadan olub[1]. 1975-ci ildə səkkizillik məktəbi bitirib, sənədlərini rayondakı 144 nömrəli texniki peşə məktəbinə verib. Traktorçu-maşinist diplomunu aldıqdan sonra "1 May" kolxozunda traktorçu-mühəndis, rayon rabitə qovşağında mexanik işləmişdir. 1992-ci ilin yanvar ayından könüllü olaraq milli orduya yazılır. Əvvəlcə tank komandiri, sonra isə kəşfiyyat qrupunun bölük komandiri vəzifəsini icra edir.

25 oktyabr 1993-cü ildə Cəbrayıl rayonunun Dərzili kəndində qəhrəmancasına həlak olur.

"Azərbaycan bayrağı" ordeni ilə təltif edilib.

Tərtər rayonunun Köçərli kəndində dəfn olunub.

Ailəli idi. Üç uşağı yadigar qalıb.

Mükafatları[redaktə | əsas redaktə]

Azərbaycan Respublikasının Prezidenti Heydər Əliyevin 16 sentyabr 1994-cü il tarixli 203 saylı Fərmanı ilə Azərbaycan Respublikasının torpaqlarının erməni işğalçılarından müdafiə edilməsində göstərdiyi xüsusi xidmətlərə, şəxsi igidlik və şücaətlərə görə Starşina Süleymanov Baloğlan Süleyman oğlu (ölümündən sonra) "Azərbaycan Bayrağı" ordeni ilə təltif edilmişdir[2].

İstinadlar[redaktə | əsas redaktə]

  1. ATV (01.08.2020). "Tərtərdə şəhid Baloğlan Süleymanov anılıb" (azərb.). Youtube.com. İstifadə tarixi: 2020-08-02.
  2. Azərbaycan Respublikası Müdafiə Nazirliyinin hərbi qulluqçularının təltif edilməsi haqqında Azərbaycan Respublikası Prezidentinin Fərmanı (azərb.)