Bayram Hüseynzadə

Vikipediya, azad ensiklopediya
Naviqasiyaya keç Axtarışa keç
Bayram Hüseynzadə
Şəxsi məlumatlar
Doğum tarixi 25 dekabr 1974(1974-12-25) (49 yaş)
Doğum yeri
Partiya
Təhsili
Fəaliyyəti jurnalist, baş redaktor, Prorektor[d]
Elmi fəaliyyəti
Elmi dərəcəsi
  • siyasi elmlər üzrə fəlsəfə doktoru[d]
Təltifləri Azərbaycan Respublikasının əməkdar jurnalisti

Bayram Hüseynzadə (25 dekabr 1974, Kükü, Şahbuz rayonu) — əməkdar jurnalist,[1] Bakı Universiteti (1997–1998) və Azərbaycan müəllimi qəzetinin (2007–2017) baş redaktoru, siyasi elmlər üzrə fəlsəfə doktoru, Bakı Mühəndislik Universitetinin tərbiyə işləri üzrə prorektoru.

Həyatı[redaktə | mənbəni redaktə et]

Bayram Əvəz oğlu Hüseynzadə 1974-cü il 25 dekabr tarixində Naxçıvan Muxtar Respublikasının Şahbuz rayonunun Kükü kəndində anadan olub. 1992-ci ildə orta məktəbi bitirdikdən sonra Bakı Dövlət Universitetinin jurnalistika fakültəsinə daxil olub. 1997-ci ildə Bakı Dövlət Universitetinin jurnalistika fakültəsini, 2005-ci ildə Azərbaycan Respublikası Prezidenti yanında Dövlət İdarəçilik Akademiyasının rəhbər kadrların idarə olunması fakültəsini bitirib. 1998–2001-ci illərdə BDU-nun aspirantura şöbəsində təhsil almışdır. Azərbaycan Respublikasının Prezidenti yanında Ali Attestasiya Komissiyasının 8 dekabr 2009-cu il tarixli qərarı ilə siyasi elmlər üzrə fəlsəfə doktoru elmi dərəcəsi almışdır.[2]

Ailələlidir. 3 övladı var.

Karyerası[redaktə | mənbəni redaktə et]

1997–1998-ci illərdə "Bakı Universiteti" qəzetinin baş redaktoru vəzifəsində çalışmışdır. 1998–2013-cü illərdə Azərbaycan Respublikası Təhsil Nazirliyinin mərkəzi aparatında baş mütəxəssis, sektor müdiri və ictimaiyyətlə əlaqə şöbəsinin müdiri vəzifələrini icra edib. Dövlət qulluğundakı səmərəli fəaliyyətinə görə 2005-ci ildə Dövlət qulluğunun müşaviri ixtisas dərəcəsi verilib. 2007-ci ildən 2017-ci ilədək "Azərbaycan müəllimi" qəzetinin baş redaktoru vəzifəsində çalışmışdır. 2017-ci ildən Bakı Mühəndislik Universitetinin tərbiyə işləri üzrə prorektoru vəzifəsində fəaliyyət göstərir. YAP Nərimanov Rayon Təşkilatı Siyasi Şurasının, YAP Təhsil Nazirliyi İlk Ərazi Təşkilatı İdarə Heyətinin üzvüdür. 2017-ci ildən Yeni Azərbaycan Partiyası Bakı Mühəndislik Universiteti İlk Ərazi Təşkilatının sədridir.[2]

Fəaliyyəti[redaktə | mənbəni redaktə et]

4 kitab redaktoru, 500-ə yaxın məqalənin müəllifidir. Jurnalistika sahəsindəki səmərəli fəaliyyətimə görə 2000-ci ildə "Qızıl qələm" mükafatına layiq görülmüşdür. Azərbaycan Respublikası Prezidentinin 15 iyul 2015-ci il tarixli sərəncamı ilə "Əməkdar jurnalist" fəxri adı verilmişdir.[1]

İstinadlar[redaktə | mənbəni redaktə et]

  1. ↑ 1 2 "Azərbaycan Respublikasının kütləvi informasiya vasitələri əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2022-01-20 tarixində arxivləşdirilib. İstifadə tarixi: 2022-11-21.
  2. ↑ 1 2 "Bayram Hüseynzadə (Ph.D). Bakı Mühəndislik Universiteti". beu.edu.az. 2022-11-22 tarixində arxivləşdirilib. İstifadə tarixi: 2022-11-22.
Mənbə — "https://az.wikipedia.org/w/index.php?title=Bayram_Hüseynzadə&oldid=6991088"