Benedetto Menzini

Vikipediya, azad ensiklopediya
Jump to navigation Jump to search
Benedetto Menzini
Doğum tarixi 1646
Doğum yeri Florensiya, İtaliya İtaliya
Vəfat tarixi 7 sentyabr 1704(1704-09-07)
Vəfat yeri Roma, İtaliya İtaliya
Milliyyəti italyan
Fəaliyyəti bəstəkar

Benedetto Menzini (d.1646, Florensiya — ö.7 sentyabr 1704, Roma) — italyan şairi.

Həyatı[redaktə | əsas redaktə]

Benedetto Menzini 1646-cı ildə yoxsulluq içində dünyaya gəlmişdir. Keşiş olmuş, natiqlik üzrə dərs demişdir. Papa XII İnnokentiXI Klimentin qayğısı sayəsində hörmət və firavanlıq qazanmışdır. O, şüurlu olaraq marinizmdən uzaqlaşır. Onun "Poeziya sənəti" adlı kitabı Bualonun əsəri kimi klassisizmin əsas müddəalarının şərhinə həsr olunmuşdur. Bir klassisist kimi Mendizini sənətkarın vəzifəsini "dərin həqiqətləri aydın və yüksək formada əks etdirməkdə" görmüşdür. Tasso və Kyabrera kimi sənətkarların ədəbi irsinə əsaslanan ədib italyan klassisizminin nəzəriyyəçisi və qanunvericisi kimi şöhrət tapmışdır. Onun 1680-ci ildə çap olunmuş "Lirik şeirlər" kitabında klassisizm ədəbiyyatına məxsus meyllər aydın şəkildə nəzərə çarpır.

Benedetto Menzini 1704-cü ildə vəfat edib.

Yaradıcılığı[redaktə | əsas redaktə]

Mendzininin aşağıdakı şeiri incə müşahidələri, lirizmi ilə seçilir.

Dinlə; qamışlığa qurultu düşüb –
Yağış yağacaqdır, o verib xəbər,
Qaranquş alçaqdan uçur nə qədər,
Qulağa ağır bir qarıltı düşüb.
Suda ala balıq çəkir həyəcan,

Duyur, su içəcək doyunca, bəli,
Bir bax! Qu tükləri var, bir də saman,
Fırlanır, burulur, gəzir burağan,
Nə xoşdu azadlıq hey orda-burda
Toz-torpaq fırlanır cəhrə tək hər an.
Mənim Restanionum gəzmə bağlarda,
Tez qaç öz yuvana şimşək çaxmadan,
Göy deyir: pozulma var ruzigardan.

Xarici keçidlər[redaktə | əsas redaktə]