Betunq Kerihun Milli Parkı

Vikipediya, azad ensiklopediya
Jump to navigation Jump to search
Betunq Kerihun
Parkda nəsli kəsilməkdə olan borneo orangutanı yaşayır
Parkda nəsli kəsilməkdə olan borneo orangutanı yaşayır
BTMB kateqoriyası — II (Milli park)
WLE Austria Logo (no text).svg
Sahəsi
  • 8.000 km²
Yaradılma tarixi 1995
Yerləşməsi
1°13′15″ şm. e. 113°21′11″ ş. u.
Ölkə  İndoneziya
Betunq Kerihun xəritədə
Betunq Kerihun
Betunq Kerihun

Betunq Kerihun Milli Parkı (ind. Taman Nasional Betung Kerihun) —İndoneziyada, Borneo adasında, Qərbi Kalimantan əyalətində milli parkdır. Malayziya ilə sərhəd boyunca, Kapuas çayının mənbəyində yerləşir. Ərazisi 8000 km²-dir, 1995-ci ildə yaradılıb.

Ərazisi üçün dağlıq və təpəlik, 150 m-dən 1800 m-ə qədər yüksəkliklər, dik yamaclar xarakterikdir. Ən yüksək nöqtələri: Kerihun (1.790m) və Lavitdir (1.767m). Park iki ekobölgənin — Borneo dağlıq və Borneo düzənlik rütubətli meşələrin ərazisində yerləşir. Aran meşələrində dipterokarp üstünlük təşkil edir, yüksəkliklərdə palıdşabalıd ağacları ilə əvəz olunur. Burada ən az 97 növ orxideya və 49 növ palma ağacı var.

Parkın faunası 300 növ quş (bunlardan 25-i Borneo üçün endemikdir), 162 növ balıq və 54 növ məməli ilə təmsil olunur. Betunq Kerihun, nəsli kəsilməkdə olan Borneo oranqutanının evidir. Burada həmçinin başqa 7 primat növünə də rast gəlinir: (lat. Hylobates muelleri), (lat. Presbytis frontata), (lat. Presbytini), (lat. Macaca nemestrina), (lat. Macaca fascicularis), (lat. Nycticebus) və (lat. Cephalopachus bancanus).

Betunq Kerihun təbiət qoruğu 1982-ci ildə Kənd Təsərrüfatı Nazirliyinin sifarişi ilə 600.000 hektar ərazidə yaradılmışdır. 1992-ci ildə ərazi 800 min hektara qədər genişləndirildi və 1995-ci ildə qoruq milli park statusu aldı. Meşələrin qanunsuz qırılması və brakonyerlik parkın təbiəti üçün ciddi təhdiddir. Hər ay Qərbi və Mərkəzi Kalimantan meşələrindən 10-15 oranqutan İndoneziyanın böyük şəhərlərinin bazarlarına gətirilir.

İstinadlar[redaktə | mənbəni redaktə et]

  • "Национальный парк Бетунг Керихун" (ingilis). ЮНЕСКО. 2012-05-12 tarixində arxivləşdirilib. İstifadə tarixi: 2011-03-25.