Bir qolun tarixçəsi

Vikipediya, azad ensiklopediya
Jump to navigation Jump to search
Bir qolun tarixçəsi
Fotoqrafiya
Müəllif(lər) Rasim Mövsümov (Mövsümzadə)
Janr Araşdırma
Orijinalın dili Azərbaycan dili
Ölkə Azərbaycan Azərbaycan
Cild Yumşaq üz qabığı
Səhifə 84
Tiraj 500

Bir qolun tarixçəsi — idman yazarı, "Ballon d'Or" ("Qızıl top"), "The Best FIFA Football Awards", "Golden Foot" ("Qızıl Ayaq") və "World Soccer Awards" kimi nüfuzlu beynəlxalq mükafatların jüri üzvü Rasim Mövsümovun (Mövsümzadə) araşdırma mövzusunda yazdığı kitab.

Haqqında[redaktə | əsas redaktə]

Kitab 2013-cü ildə AFFA-nın dəstəyilə nəşr olunub. Bu araşdırma kitab Azərbaycan futbolunun fəxri Anatoli Banişevskinin 1966-cı ildə İngiltərədə keçirilmiş dünya çempionatında SSRİ yığmasının heyətində Portuqaliya ilə 3-cü yer uğrunda oyunda vurduğu, amma başqalarının adına yazılan qoldan bəhs edir.[1][2][3][4][5][6][7]

Kitabda Anatoli Banişevskinin SSRİ yığmasının heyətində rəsmi və qeyri-rəsmi oyunlarda vurduğu qolların siyahısı, həmçinin 1966 FİFA Dünya Kubokunun qrupları, keçirilmiş bütün oyunların nəticələri təqdim olunub. Bundan başqa, kitabda mundialın rəsmi afişası, turnirdən və sözügedən oyundan çəkilmiş fotoşəkillər yer alıb.

Mükafatları[redaktə | əsas redaktə]

"Bir qolun tarixçəsi" kitabı Azərbaycan İdman Jurnalistləri Assosiasiyası (AİJA) tərəfindən 2013-cü ilin idman üzrə ən yaxşı kitabi seçilib.[8][9][10]

Bundan başqa, müəllif Rasim Mövsümov (Mövsümzadə) həmin 2013-cü ildə Türkiyədə "Yılın Yabancı Spor Yazarı" ("İlin ən yaxşı əcnəbi idman yazarı") nominasiyasında "Futbol Oscarı" mükafatına layiq görülüb.[11][12][13]

Kitabxanalarda[redaktə | əsas redaktə]

“Bir qolun tarixçəsi” kitabı Azərbaycan Milli Kitabxanasında[14][15], İsveçrədə FIFA Dünya Futbol Muzeyi və Paraqvayda CONMEBOL Cənubi Amerika Futbol Muzeyinin kitabxanalarında, ABŞ-ın Texas ştatındakı Milli Futbol Şöhrət Zalının arxivində, həmçinin Londonda dünyanın ən böyük kitabxanası hesab edilən Britaniya Milli Kitabxanasında və Kiyevdə V. İ. Vernadski adına Ukrayna Milli Kitabxanasında saxlanılır.[16]

"Anatoli Banişevski 60"[redaktə | əsas redaktə]

Rasim Mövsümov (Mövsümzadə) həmçinin 2006-cı ildə nəşr olunan "Anatoli Banişevski-60" kitabçasının müəllifidir.[17]

İstinadlar[redaktə | əsas redaktə]

  1. “Bir qolun tarixçəsi” adlı kitabı nəşr olunmuşdur
  2. "Bir qolun tarixçəsi" adlı kitab nəşr olunub
  3. Bir qolun tarixçəsi adlı kitab nəşr olundu
  4. «Bir qolun tarixçəsi» adlı kitab nəşr olunub
  5. Banişevskinin vurduğu, amma başqasının adına yazılan qoldan bəhs edən kitab nəşr edilib
  6. «Bir qolun tarixçəsi»
  7. Bir qolun tarixçəsi
  8. AİJA 2013-cü ilin laureatlarını seçdi
  9. [1]
  10. [2]
  11. “Futbol Oscarı” mənimdir!
  12. “Futbol Oscarı” alan yeganə azərbaycanlı: Rasim Mövsümov
  13. Futbol Plus Dergisi Yılın Futbol Oscarları
  14. Mövsümzadə Rasim. Bir qolun tarixçəsi. B.: 2013.- 84 səh.
  15. 1118. Mövsümzadə, R. Bir qolun tarixçəsi [Mətn /Rasim Mövsümzadə.- Bakı, 2013.- 84 s., portr., fotoşək.; 21 sm.- 4 man., 500 nüs.- [Ar2013/591]]
  16. Гол з багатьма (не)відомими…
  17. “ANATOLİ BANİŞEVSKİ-60” KİTABÇASI ÇAP OLUNMUŞDUR