Birminqem (Alabama)

Vikipediya, açıq ensiklopediya
Keçid et: naviqasiya, axtar
Şəhər
Birmingem
ing. Birmingham
Birmingham AL Montage.jpg
Red Mountain şəhər mərkəzi; Birminqem Botanika bağlarında Torii; Alabama Teatrı; Birmingem İncəsənət Muzeyi; Bələdiyyə binası; Maliyyə Mərkəzi.
Bayraq Gerb
Bayraq Gerb
Ölkə ABŞ
Status Alabama
Region Birminhem-Quver-Kalman
Koordinatlar 33°31′29″N 86°48′46″W / 33.52472°N 86.81278°W / 33.52472; -86.81278Koordinatlar: 33°31′29″N 86°48′46″W / 33.52472°N 86.81278°W / 33.52472; -86.81278
Yaradılıb 19 dekabr, 1871
Sahəsi 384.71 km² (quru:378.11 km²) (su:6.60 km²)
Mərkəzin hündürlüyü 196 m
Əhalisi 212,237 nəfər (2012)
Sıxlığı 1,453.24 nəf./km²
Saat qurşağı UTC−06:00
Telefon kodu 205
Poçt indeksi 35201 - 35298
Rəsmi sayt https://www.birminghamal.gov/
Xəritəni aç/bağla
Birminqem (Alabama) is located in ABŞ
Birminqem (Alabama)

Birmingem (ing. Birmingham) – ABŞ-ın cənub-şərqində, Alabama ştatının mərkəzi hissəsində şəhər. Birminhem-Quver-Kalman aqlomerasiyasının mərkəzi.[1]

Əhalisi[redaktə | əsas redaktə]

Əhalisi 231,6 min (2005; o cümlədən afroamerikalılar 70%-dən çoxdur), şəhərətrafı ilə 939 min.[1]

Coğrafiyası[redaktə | əsas redaktə]

Appalaç dağlarının ətəyindədir. Avtomobil və dəmiryolları qovşağı. Beynəlxalq aeroport. Blek-Uorrior çayı sahilində port. Su yolu vasitəsilə Mobil portu (Meksika körfəzi) ilə əlaqəsi var.[1]

Tarixi[redaktə | əsas redaktə]

1871-ci ildə dəmiryol xətlərinin kəsişdiyi yerdə, dəmir filizləri, yüksəkkeyfiyyətli kokslaşan kömür, dolomit və flüslu əhəngdaşı yataqlarının yaxınlığında salınmışdır; adını İngiltərənin ən iri metallurgiya mərkəzinin adından götürmüşdür. 19-cu əsrin sonlarından Birmingem rayonunda  mədən və metallurgiya sənayesi sürətlə inkişaf edirdi. 1907-ci ildə “Yunayted Steyts Stil” şirkəti tərəfindən Birmingemdən qərbdə tam tsiklli metallurgiya kombinatı (ABŞ-ın cənubunda ən iri) inşa olunmuşdur. 1960-cı illərdə afroamerikalılar hərəkatının mərkəzlərindən biri idi. 1979-cu ildə ABŞ tarixində ilk dəfə Birminqemin meri vəzifəsinə ağ irqə mənsub olmayan R. Arrinqton seçilmişdir.[1]

Memarlığı[redaktə | əsas redaktə]

Birminqemın ən iri təhsil və elmi mərkəzi Alabama Universitetidir (1969); Samford Universiteti (1841), Birmingem Cənub kolleci (1898), Mayls kolleci (1905), Kütləvi kitabxana (1909), İncəsənət muzeyi (İntibah dövrünə aid rəngkarlıq əsərləri kolleksiyası) fəaliyyət göstərir. Red-Mauntin dağlarında şəhərin simvolu olan tanrı Vulkanın çuqundan 17 m-lik heykəli (pyedestalının hündürlüyü 48 m) qoyulmuşdur (C. Moretti, 1904).[1]

İqtisadiyyatı[redaktə | əsas redaktə]

İqtisadiyyatında xidmət sferası, o cümlədən səhiyyə (qadın sağlamlığının mühafizəsi üzrə ölkənin aparıcı müəssisələri və s.), maliyyə və işgüzar xidmətləri (ABŞ-ın 500 ən iri korprasiyalarından 6-sının mənzil qərargahı şəhərdə yerləşir) mühüm yer tutur.[1]

Sənayesi[redaktə | əsas redaktə]

Birmingem aqlomerasiyasında işləyənlərin təqribən 10 %-i sənayedə məşğuldur. Qara metallurgiya (idxal olunan xammal əsasında; polad tikişsiz borular və s. istehsalı), təyyarəqayırma, “Daymler-Kraysler” və “Honda” şirkətlərinin avtomobilyığma zavodları, qaldırıcı-nəqliyyat avadanlıqları, sement istehsalı, yeyinti sənayesi (o cümlədən sallaqxanalar) müəssisələri var.[1]

Qalereya  [redaktə | əsas redaktə]

Birmingem səması

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 Birminqem (Alabama) // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2013. — IV  cild. — Səhifələrin sayı:  608. — Səh.: 138-139. — 25 000 nüsx. — ISBN 978-9952-441-03-1.