Boris İohanson

Boris İohanson
rus. Борис Владимирович Иогансон
Doğum tarixi	25 iyul 1893(1893-07-25)
Doğum yeri	Moskva, Rusiya İmperiyası
Vəfat tarixi	25 fevral 1973 (79 yaşında)
Vəfat yeri	Moskva, SSRİ
Dəfn yeri	Novodeviçye qəbiristanlığı
Milliyyəti	rus
Vətəndaşlığı	Rusiya İmperiyası  SSRİ
Fəaliyyəti	rəssam, siyasətçi
Təhsili	Moskva boyakarlıq, heykəltəraşlıq və memarlıq məktəbi
Janrı	süjetli-tarixi, döyüş
Stili	sosialist realizmi
Mükafatları

Boris Vladimiroviç İohanson (13 [25] iyul 1893, Moskva, Rusiya İmperiyası – 25 fevral 1973(1973-02-25), Moskva) — sovet rəssamı, pedaqoq, professor. SSRİ Rəssamlıq Akademiyasının prezidenti (1958—1962). SSRİ xalq rəssamı (1943). Sosialist Əməyi Qəhrəmanı (1968). Sov.İKP üzvü. (1943).

Həyatı

Boris İohanson 25 iyul 1893-cü ildə Moskvada anadan olub. 1943-cü ildə SSRİ xalq rəssamı adı ilə təltif olunmuşdur. 1943-cü ildən Sov.İKP-nın üzvü olmuşdur. 1958—1962-ci illərdə SSRİ Rəssamlıq Akademiyasının prezidenti, 1965—1968-ci illərdə SSRİ Rəssamlıq İttifaqı İdarə Heyətinin birinci katibi olmuşdur. "Sovet məhkəməsi" (1928), "Tələbələr" (1928) və s. əsərlərində sovet gerçəkliyini əks etdirmişdir. 1930-cu illərdə tarix mövzusunda bir sıra əsərlər çəkmişdir: "Kommunistlərin dindirilməsi" (1933), "Köhnə Ural zavodunda" (1937) və s. İohanson 1950-ci ildə "Komsomolun 3-cü qurultayında V.İ.Leninin çıxışı" tablosunu yaratmışdır. Əsərlərinin çoxu Tretyakov qalereyasında saxlanılır. Boris İohanson 25 fevral 1973-cü ildə doğulduğu Moskvada vəfat etmişdir.

Mənbə

• Azərbaycan Sovet Ensiklopediyası. IV cild; Bakı: 1980; səh 493.