Bulvar (otel)

Bulvar otel
Baku Marriott Hotel Boulevard
40°22′32″ şm. e. 49°53′01″ ş. u.
Ölkə	Azərbaycan
Şəhər	Bakı
Yerləşir	Ağ Şəhər
Tikilmə tarixi	2015
Aidiyyatı	"Absheron Hotel Group"
Memarlıq quruluşu	Modern
Vəziyyəti	Fəaliyyət göstərir
Bulvar Hotel
Vikianbarda əlaqəli mediafayllar

"Baku Marriott Hotel Boulevard" — Azərbaycan Respublikasının paytaxtı Bakı şəhərində yerləşən beşulduzlu otel. Azərbaycanın ən böyük hotelidir.

Ərazisi

Otel Bakı buxtasında, Ağ Şəhərdə yerləşir.

Fəaliyyəti

Bu otel "Absheron Hotel Group"a daxil olan dördüncü hoteldir. Otel həm də "Marriott" brendinin xüsusi portfeli sayılan məxsusi otel və kurortların cəmləndiyi "Autograph Collection"un rəsmi üzvüdür.

İnşası

Otel müasir üslubda inşa olunmuşdur. Burada kafe, mağaza, biznes mərkəzi, kitabxana da var.

"Bulvar Hotel"də müxtəlif beynəlxalq, regional və yerli əhəmiyyətli tədbirlər keçirmək üçün şərait yaradılıb. Kompleksdə 5 iclas otağı var. Bu otaqlarda müxtəlif görüşlər, təlimlər, təqdimatlar təşkil etmək mümkündür.

Hotelin ziyafət zalında 1000-dən çox qonağın iştirakı ilə müxtəlif formatlı tədbirləri təşkil etmək mümkündür. Ziyafət zalının sahəsi 1300 m²-dir və avadanlıqla təchiz edilmişdir.

Hotelin sağlamlıq mərkəzi fitnes və SPA xidmətləri təklif edir. Burada 25 metrlik qapalı üzgüçülük hovuzu və müasir avadanlıqla təchiz olunmuş idman zalı fəaliyyət göstərir.

Hoteldə 818 nömrə var. Hotelin pəncərələrindən Xəzər dənizinə və Bakı bulvarına açılan mənzərəni seyr etmək mümkündür. Otaqların interyeri məşhur memarlıq şirkətləri tərəfindən dizayn edilib.

Hoteldə 3 restoran var:

• "The White City Lounge";
• "The Green House Kitchen";
• "Black City Cafe".

Fasiləsiz xidmət göstərən restoranların hər birinin ayrı-ayrılıqda açıq havada da xüsusi sahələri var. Restoranların nadir bədii konsepti tanınmış dizayn şirkəti tərəfindən yaradılıb. İnteryeri hotelin tarixini, müasir dizaynla uyğunlaşdırılmış irsini və kosmopolit dinamikliyini özündə cəmləşdirir.

Açılışı

Azərbaycan Respublikasının Prezidenti İlham Əliyev və xanımı Mehriban Əliyeva 15 may 2015-ci ildə hotelin açılışında iştirak etmişlər.

Xarici keçidlər

• boulevardhotelbaku.com — rəsmi saytı