Cahangir Əliyev (jurnalist)

Vikipediya, azad ensiklopediya
Jump to navigation Jump to search
Cahangir Əliyev
Cahangir Həsənəli oğlu Əliyev
Amasıya rayon Partiya Komutəsinin I katibi
1974 — 1981
Sələfi Məhərrəm Bayramov
Xələfi Zərbəli Qurbanov
Şəxsi məlumatlar
Təhsili Azərbaycan Pedaqoji İnstitutu
Doğum tarixi 5 may 1931(1931-05-05)
Doğum yeri Düzkənd, Amasiya rayonu, Ağbaba mahalı, Ermənistan SSR, SSRİ
Vəfat tarixi 2010(2010-Şablondakı doğum və ya ölüm tarixində texniki yanlışlıq var!-00)
Vəfat yeri Bakı, Azərbaycan
Atası Həsənəli

Mükafatları "Tərəqqi" medalı — 2005

Cahangir Əliyev (azərb. Cahangir Həsənəli oğlu Əliyev‎; d. 5 may 1931, Düzkənd, Amasiya rayonu, Ermənistan SSR, SSRİ – ö. 2010) — Amasıya rayon Partiya Komutəsinin I katibi (1974-1981), "Sovet Ermənistanı" qəzetinin baş redaktoru (1981-1984), Ermənistan Ali Soveti Rəyasət Heyətinin sədr müavini (1982-1985), Ermənistan KP MK-nın üzvü (1976-1984), Ermənistan SSR Ali Sovetinin deputatı (IX-X çağırış).

Həyatı[redaktə | əsas redaktə]

Cahangir Əliyev 1931-ci il mayın 5-də Qərbi Azərbaycanın Ağbaba mahalında, Amasiya rayonunun Düzkənd kəndində anadan olmuşdur. Azərbaycan Pedaqoji İnstitutunu bitirdikdən sonra əmək fəaliyyətinə Düzkənd məktəbində müəllim kimi başlamışdır. O, 1952-54-cü illərdə rayon komsomol komitəsinin ikinci, sonra isə birinci katibi işləmişdir.[1]

1956-1962-ci illərdə Amasiya rayonunda çıxan “Kolxozçu tribunası” qəzetinin redaktoru vəzifəsinə irəli çəkilmiş, rayon partiya komitəsinin büro üzvü seçilmişdir.[2]

1962-64-cü illərdə Bakı Ali Partiya Məktəbində oxuyub ali siyasi təhsil aldıqdan sonra rayonlararası “Şirak” qəzetinin redaktor müavini, daha sonra Amasiya Rayon Partiya Komitəsində təbliğat–təşviqat şöbəsinin müdiri vəzifəsində işləmişdir.[1]

1965-ci ildə Amasiya Rayon Soveti İcraiyyə Komitəsinin sədri təyin olunmuşdur. Dörd il bu vəzifədə işlədikdən sonra onu Ermənistan KP MK-nın təbliğat və təşviqat şöbəsinə məsul işə irəli çəkmişlər.[1]

1974-cü ilin dekabrında Cahangir Əliyev Amasiya Rayon Partiya Komitəsinin birinci katibi seçilmişdir. Səkkiz ilə yaxın həmin vəzifədə çalışdığı dövrdə o, əhalisinin 85 faizdən çoxunu azərbaycanlıların təşkil etdiyi bu ucqar dağlıq rayonda iqtisadiyyatın inkişafı, mədəni-quruculuq işlərinin genişlənməsi, yeni-yeni təhsil ocaqlarının tikilməsi, əhaliyə səhiyyə xidmətinin yaxşılaşdırılması istiqamətində çox böyük işlər görmüşdür. C.Əliyevin təşəbbüskarlığı, təşkilatçılıq qabiliyyəti, idarəetmə bacarığı əhali və respublika rəhbərliyi tərəfindən yüksək qiymətləndirilmişdir. O, IX-X çağırış (1975-1985-ci illər) respublika Ali Sovetinə deputat seçilmiş, Ermənistan Ali Soveti Rəyasət Heyəti sədrinin müavini (1982-85-ci illər), respublika KP MK üzvü olmuşdur.[1]

1981-ci ildə C.Əliyev Ermənistan KP MK, Ali Soveti Rəyasət Heyəti və Nazirlər Sovetinin orqanı olan “Sovet Ermənistanı” qəzetinin baş redaktoru təyin edilmişdir. Ermənistanda Azərbaycan dilində respublika səviyyəsində nəşr olunan bu yeganə qəzet Cahangir müəllimin redaktorluğu dövründə daha məzmunlu və oxunaqlı olmuş, həm peşəkarlıq, həm də milli varlığımızın ən önəmli məsələlərini gündəmə gətirməsi ilə oxucu auditoriyasını genişləndirmişdir.[1] 1984-cü ilin dekabrına qədər bu vəzifədə çalışmışdır.[2]

Cahangir müəllimin ömrünün son 25 ili doğma Azərbaycanla, xalqımızın tarixinin çox məsuliyyətli, sevincli – kədərli günləri ilə bağlı olmuşdur.[1]

1985-ci ildən Bakıya köçən C.Əliyev əvvəlcə Azərbaycan KP MK aparatında, mətbuat bölməsində işləmiş, 1991-ci ildən isə Xalq qəzetində çalışmışdır.[1]

Mükafatları[redaktə | əsas redaktə]

İstinadlar[redaktə | əsas redaktə]

  1. 1 2 3 4 5 6 7 "Həmkarımızın xatirəsinə". Xalq qəzeti (azərb.). anl.az. 2010. İstifadə tarixi: 2015-06-10.
  2. 1 2 Əsgər Əsgərov (2010). "Bir ünvan itirmişəm..." Xalq qəzeti (azərb.). anl.az. İstifadə tarixi: 2015-06-10.
  3. ""Azərbaycan mətbuat işçilərinin təltif edilməsi haqqında" Azərbaycan Respublikası Prezidentinin 21 iyl 2005-ci il tarixli, 924 saylı Sərəncamı". Azərbaycan Respublikası Milli Televiziya və Radio Şurasının saytı (azərb.). ntrc.gov.az. 2014. İstifadə tarixi: 2015-06-10.

Ədəbiyyat[redaktə | əsas redaktə]

  1. "Həmkarımızın xatirəsinə", Xalq qəzeti. - 2010. - 16 yanvar. - Səh. 6.
  2. Əsgər Əsgərov, "Bir ünvan itirmişəm...", Xalq qəzeti. - 2010. - 23 fevral. - Səh. 7.