Camal Məmmədxanov
Bu məqalədəki və ya bölmədəki məlumatlar köhnədir. |
Camal (Camali) Məmmədxanov | |
---|---|
Camal İslam oğlu Məmmədxanov | |
![]() | |
Doğum tarixi | 25 dekabr 1938 |
Doğum yeri | |
Vəfat tarixi | 31 dekabr 2024 (86 yaşında) |
Milliyyəti | Azərbaycanlı |
Uşaqları | |
Elmi dərəcəsi | |
Elmi adı | |
İş yeri | |
Təhsili | |
Elmi rəhbəri | İbrahim İbrahimov |
Camal (Camali) İslam oğlu Məmmədxanov (25 dekabr 1938, Bakı – 31 dekabr 2024) — azərbaycanlı alim; fizika-riyaziyyat elmləri doktoru, professor.[1]
Həyatı
[redaktə | vikimətni redaktə et]Camal (Camali) İslam oğlu Məmmədxanov 25 dekabr 1938-ci ildə anadan olmuşdur, 1946-cı ildə Bakının Mərdəkan qəsəbəsində orta məktəbə getmiş, 1956-cı ildə Bakı şəhər 46 saylı orta məktəbi başa vurmuşdur.
Atası İslam Kərim oğlu Məmmədxanov 1904-cü ildə Füzuli rayonunun Qoçəhmədli kəndində anadan olmuş, Böyük Vətən müharibəsində iştirak etmiş və müharibə əlili olmuşdur. İslam Məmmədxanov 1932-ci ildə Azərbaycan Tibb Institutunu bitirmiş və respublikanın bir çox rayonlarında cərrah kimi fəaliyyət göstərmiş, 1977-ci ildə dünyasını dəyişmişdir.
Camal Məmmədxanov 1954–1956-cı illərdə həmin məktəbin Komsomol Komitəsinin katibi olmuşdur. 1956-cı ildə Azərbaycan Dövlət Universitetinin (indiki Bakı Dövlət Universiteti) fizika-riyaziyyat fakültəsinə daxil olmuş, 1961-ci ildə həmin fakültənin fizika-mexanika şöbəsini bitirmişdir. Universitetdə təhsil aldığı dövrlərdə idmanla məşğul olmuş və gənclər arasında üzgüçülük üzrə respublika çempionu olmuşdur. 1961-ci ildə Azərbaycan Milli Elmlər Akademiyasında mexanika-riyaziyyat ixtisası üzrə fəaliyyətə başlamışdır.
31 dekabr 2024-cü ildə vəfat edib.[2]
Elmi fəaliyyəti
[redaktə | vikimətni redaktə et]1964-cü ildə Leninqrad şəhərində dissertasiya müdafiə edərək elmlər namizədi adına layiq görülmüşdür. Camal Məmmədxanov elmi araşdırmalarını davam etdirərək 1984-cü ilin mart ayında müvəffəqiyyətlə müdafiə edərək elmlər doktorlu adını qazanmışdır.
1976-cı ildən bu günə qədər Bakı Dövlət Universitetində çalışan Camal Məmmədxanov universitetin professorudur. Fəaliyyət göstərdiyi illər ərzində 12 elmlər namizədi, 1 elmlər doktoru yetişdirmişdir.
100-dən çox məqaləsi dərc edilmiş və dünyanın aparıcı dövlətlərinin təhsil ocaqlarında (ABŞ, Almaniya, Yaponiya, İngiltərə, Rusiya və s.) tərcümə edilərək çap olunmuşdur. Rusiya, Bolqarıstan, Çexiya, Macarıstan və Türkiyədə keçirilən simpoziumlarda çıxış etmişdir.
Şəxsi həyatı
[redaktə | vikimətni redaktə et]Oğlu Anar Məmmədxanov Parni iz Baku KVN teatrının qurucu üzvü və daha sonra millət vəkili idi[3], qızı Naidə Məmmədxanova isə filologiya elmləri doktorudur.
İstinadlar
[redaktə | vikimətni redaktə et]- ↑ Həsənzadə, Misranə. ""Məşhur tələbə yoldaşım": Anar Məmmədxanovun tələbə yoldaşı danışır - "18 yaşlı Anar dövlət başçısına sübut etdi ki..." - LAYİHƏ". modern.az (az.). İstifadə tarixi: 2024-01-07.
- ↑ "BDU-nun professoru vəfat etdi". Oxu.az (az.). 2025-01-01 tarixində arxivləşdirilib. İstifadə tarixi: 2024-12-31.
- ↑ "Anar Məmmədxanovun anım günüdür". Oxu.Az (az.). 2021-04-23. 2021-05-02 tarixində arxivləşdirilib. İstifadə tarixi: 2024-01-07.
- Vikipediya:Köhnəlmiş məqalələr
- 25 dekabrda doğulanlar
- 1938-ci ildə doğulanlar
- Bakıda doğulanlar
- 31 dekabrda vəfat edənlər
- 2024-cü ildə vəfat edənlər
- 86 yaşında vəfat edənlər
- Son bir ildə vəfat etmiş şəxslər
- Fizika-riyaziyyat elmləri doktorları
- Professorlar
- Bakı Dövlət Universitetinin müəllimləri
- Bakı Dövlət Universitetinin məzunları
- Əlifba sırasına görə alimlər
- Azərbaycan riyaziyyatçıları
- Azərbaycan alimləri