Came məscidi (Toronto)
| İslam | |
| Came məscidi | |
|---|---|
 | |
| Xeyir-duası | 1968[1] |
| Yerləşməsi | |
| Ölkə | |
| Ştat | Ontario |
| Şəhər | Toronto |
| Memarlıq | |
| Üslubu | keçmiş presviterian kilsəsi |
|
|
|
| Saytı | |
| isnacanada.com/locations/jami-mosque-toronto | |
Came məscidi – Kanadanın Toronto şəhərində yerləşən məscid. Hay-Parkın şərqində yerləşir. Şəhərin ən qədim islam mərkəzidir və "bütün Toronto məscidlərinin anası" adlandırılır.[2][3]
Məscid binası 1930-cu ildə presviterian kilsəsi kimi tikilmişdir.[2] 1969-cu ildə Torontonun alban və boşnaklardan ibarət müsəlman icması binanı satın almış[2] və burada şəhərin ilk islam mərkəzini qurmuşdur.[3]
Tarixi[redaktə | mənbəni redaktə et]
Məscidin camaatı 1961-ci ildə qurulmuşdur və ilk görüşü bir dəri mağazasında baş tutmuşdur. Məscidin yerləşdiyi tikili 1930-cu ildə Con Frensis Braun tərəfindən Hay-Park Presviterian Kilsəsi kimi tikilmişdir. 1969-cu ildə Toronto Müsəlman Cəmiyyəti Səudiyyə Ərəbistanı kralı Feysəl ibn Əbdüləziz Əl Səudun ayırdığı qrant sayəsində tikilini satın almış və Torontonun ilk daimi məscidinə çevirmişdir.[4]
İlk dövrlərdə məsciddə ibadət edənlər arasında bir çox Təbliğ camaatı üzvləri olsa da, Qucarat müsəlmanlarının Torontonun şərqinə axın etməsindən və 1981-ci ildə Mədinə məscidinin qurulmasından sonra onların sayı azalmışdır.[5]
Mübahisələr[redaktə | mənbəni redaktə et]
Məscidin imamı olmuş İbrahim Hüseyn Malabarinin 2004-cü ildə Əbdülrəhman Əl-Sudeysi Şimali Amerika İslam Cəmiyyətinin konfransına dəvət etməsi mübahisəyə səbəb olmuş, Bney-Brit bu barədə narahatlığını bildirmişdir. Belə ki, Əl-Sudeys daha əvvəllər yəhudilər haqqında "insan irqinin çirkabı, dünyanın siçavulları, peyğəmbərlərin qatilləri, meymun və donuzların nəvələri" kimi ifadələr işlətmişdi.[6]
2017-ci ildə məscidin Kəşmirdə hindlərlə döyüşən pakistanlı militanlara dəstək üçün pul toplama kampaniyası apardığı üzə çıxmışdır. Nəticədə, kampaniyanı təşkil edən Şimali Amerika İslam Cəmiyyəti xeyriyyə təşkilatı statusunu itirmiş və 500.000 dollar məbləğində cərimə olunmuşdur.[7][8]
İstinadlar[redaktə | mənbəni redaktə et]
- ↑ Kernaghan, Tom G. OAK, Jami Mosque served changing community Arxivləşdirilib 2011-07-14 at the Wayback Machine
- ↑ 1 2 3 Doors Open Toronto, "Jami Mosque", 2009
- ↑ 1 2 Jami Mosque: About us Arxivləşdirilib 2017-02-01 at the Wayback Machine
- ↑ Architectural Conservatory of Ontario. "Jami Mosque". 2023-12-14 tarixində arxivləşdirilib. İstifadə tarixi: 5 aprel 2024.
- ↑ Masud, Muhammad Khalid. "Travellers in faith: studies of the Tablīghī Jamāʻat", p. 227
- ↑ Ali Sharrif. "No-show sheikh rattles Jewish-Muslim relations". NOW Magazine. 2004-06-01. 2023-06-16 tarixində arxivləşdirilib. İstifadə tarixi: 5 aprel 2024.
- ↑ Stewart Bell. "CRA suspends, fines major Islamic charity over concerns it may have 'provided resources' to armed militants". Global News. 2018-10-01. 2024-01-15 tarixində arxivləşdirilib. İstifadə tarixi: 5 aprel 2024.
- ↑ McLean, Jesse. "Star Investigation: Federal audit raises concern that Canadian charity funded terror". The Toronto Star (ingilis). 2013-07-25. ISSN 0319-0781. 2023-06-16 tarixində arxivləşdirilib. İstifadə tarixi: 5 aprel 2024.