Cavad Nurbəxş

Vikipediya, açıq ensiklopediya
Keçid et: naviqasiya, axtar
Cavad Nurbəxş
Nur Əli Şah II
fars جواد نوربخش
Portret
200
Doğum tarixi: 10 dekabr 1926(1926-12-10)
Doğum yeri: Kirman, İran
Vəfatı: 10 oktyabr 2008 (81 yaşında)
Vəfat yeri: Flag of England.svg İngiltərə, Oksford

Cavad Nurbəxş (fars جواد نوربخش, ing. Javad Nurbakhsh); (10 dekabr 192610 oktyabr 2008) — 1953-cü ildən 2008-ci ilədək Nemətullahiyyə təriqətinin Qütbü və ya Piri, görkəmli sufi şairi və mütəfəkkiri, təsəvvüf barəsində 30-dan artıq kitabın müəllifi.

Həyatı[redaktə | əsas redaktə]

Cavad Nurbəxş 1926-cı ildə İranın Kirman şəhərində anadan olub. O, Tehran universitetinin tibb fakultəsini bitirərək, 1952-ci ildə həkimlik diplomu almış, 1962-ci ildə Parisin Sorbonna universitetinin aspiranturasına dəvət olunmuşdur. Sonradan o, Tehrana qayıdır və orada öz təhsilini psixiatriya üzrə bitirir. Doktor Cavad Nurbəxş 1977-ci ilədək Tehran universitetinin professoru olmuş və psixiatriya bölməsinə başçılıq etmişdir. 1978-ci ildə o İranı tərk edərək İngiltərəyə köçmüşdür.

Akademik fəaliyyətindən başqa, doktor Cavad Nurbəxş görkəmli sufi Ustadı, şair və mütəfəkkir olmuşdur. O, 16 yaşında Nemətullahi təriqətində müşərrəf olunmuş, 20 yaşında isə şeyx məqamına layiq görülmüşdür. 1953-cü ildə təriqətin piri Munis Əli Şah tərki-xirqə olduqdan sonra, doktor Cavad Nurbəxş Nur Əli Şah II adı ilə Nemətullahi təriqətin piri olmuş və 10 oktyabr 2008-ci ilədək təriqətə rəhbərlik etmişdir. İngiltərəyə köçəndən sonra da, doktor Cavad Nurbəxş Həqiqət axtarışında olanları təriqətə cəlb eləməyə davam etmişdir. Onun ömrü ərzində Nemətullahi təriqəti Qərbdə ən tanınan təriqətlərdən biri olmuş, Amerikada, Avropada, Avstraliyada, Afrikada təriqətin çox sayda xanəgahları açılmışdır.

Doktor Cavad Nurbəxş 10 oktyabr 2008-ci il tarixində İngiltərədə, Oksfordda dünyasını dəyişib və Benberi şəhəri (Oksfordşir) yaxınlığında yerləşən malikanəsində dəfn olunmuşdur. Nemətullahi təriqətində doktor Cavad Nurbəxşin qütbü-varisi, onun böyük oğlu doktor Əlirza Nurbəxş (Rza Əli Şah) olmuşdur.

İstinadlar[redaktə | əsas redaktə]

http://portal.sufism.ru/index.php/nimatullahi/2009-11-06-23-05-47

Həmçinin bax[redaktə | əsas redaktə]

Xarici keçidlər[redaktə | əsas redaktə]