Culfa maili düzənliyi

Vikipediya, açıq ensiklopediya
Jump to navigation Jump to search

Culfa maili düzənliyi - Arazboyu düzənlikƏlincə çayın aşağı axınının sol sahilindən başlayaraq, şərqdə Yaycı düzünədək, şimalda isə Darıdağın ətəklərinədək olan hissələri əhatə edir[1].

Haqqında[redaktə | əsas redaktə]

Bu düzənlik Araz çayı səviyyəsindən başlayaraq, 1200 m mütləq yüksəkliyə qədər davam edir. Düzənlikdən əkin sahəsi kimi az istifadə olunur. Əsas səbəbi düzənliyin bəzi sahələrinin daşlarla örtülü olmasıdır[1]. Zəif parçalanmış Culfa düzünün şimal və şimal-şərq hissəsində sel çöküntüləri üstünlük təşkil edir, çaqıl daşları geniş yayılmışdır. Bunun başlıca səbəbi Darıdağın cənub ətəklərində əmələ gələn və tez-tez baş verən sellərdir. Culfa düzünün cənubcənub-qərb hissəsində çay çöküntüləri üstünlük təşkil edir. Bu sahədə ArazınƏlincəçayın qədim terrasları aşkar müşahidə edilir. Gülüstan kəndi yaxınlığında maili düzənliyin səthi qismən alçalır və bir növ çaybasar landşaftını xatırladır[2].

Bitki örtüyü[redaktə | əsas redaktə]

Culfa düzünün əsas bitkisi yovşan, gəvənşoranlardır. Bundan başqa müxtəlif otlar, taxılkimilər, cənub-qərb hissədə çayır-çəmənlikləri, tikanlar və s. yayılmışdır. Son illərədək ancaq otlaq kimi istifadə edilən Culfa düzünə Arazdan su çıxarılmış və əkin sahələri genişləndirilmişdir[2].

İstinadlar[redaktə | əsas redaktə]

  1. 1,0 1,1 Feyruz Bağırov. Naxçıvanın təbii sərvətləri. Naxçıvan - 2008. səh. 13
  2. 2,0 2,1 Səfərəli Babayev. Naxçıvan Muxtar Respublikasının coğrafiyası. Elm-1999