Cəfər Cəfərov (teatrşünas)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Cəfər Cəfərov.
Cəfər Cəfərov
Şəxsi məlumatlar
Doğum tarixi 20 sentyabr 1914(1914-09-20)
Doğum yeri
Vəfat tarixi 19 sentyabr 1973(1973-09-19) (58 yaşında)
Vəfat yeri
Dəfn yeri
Partiya
Təhsili
  • Moskva Dövlət Pedaqoji Universiteti[d]
Fəaliyyəti alim
Elmi fəaliyyəti
Elm sahəsi Teatr
Elmi dərəcəsi Sənətşünaslıq elmləri doktoru
Elmi adı Professor
Təltifləri "Azərbaycan SSR əməkdar incəsənət xadimi" fəxri adı — 1973

Cəfər Haşım oğlu Cəfərov (20 sentyabr 1914, Bakı[1] – 19 sentyabr 1973, Bakı) — azərbaycanlı teatrşünas, ədəbiyyatşünas və estetik, ictimai xadim, sənətşünaslıq doktoru (1961), Azərbaycan MEA-nın müxbir üzvü (1962), Azərbaycan SSR Əməkdar incəsənət xadimi (1973).[2][3][3][4]

Haqqında[redaktə | mənbəni redaktə et]

Cəfər Cəfərov 1914-cü il sentyabrın 7-də Bakıda kiçik bir tacir ailəsində anadan olub. O, ilk təhsilini Bakıda alıb. 1930-cu ildə Bakı Pedaqoji Texnikumunu bitirib. 2 il müəllim işlədikdən sonra 1932-ci ildə Moskvadakı A.Bubnov adına Pedaqoji İnstitutun Ədəbiyyat fakültəsinə daxil olub. 1937-ci ildə ali təh­silini başa vuraraq Bakıya qa­yıdıb.[2][5]

Əmək fəaliyyəti[redaktə | mənbəni redaktə et]

Ali təhsilini başa vurduqdan sonra Bakıya qayıdan Cəfər Cəfərov "Ədəbiyyat" qəzetinin Tənqid şöbəsinin müdiri vəzifəsini icra edib. 1937–1938-ci illərdə Akademik Milli Dram Teatrında ədəbi hissə müdiri, 1938–1939-cu illərdə Cəfər Cabbarlı adına "Azərbaycanfilm" kinostudiyasında Ssenari şöbəsinin müdiri, 1939-cu ildə isə Azərbaycan Yazıçılar İttifaqının məsul katibi olub.[2]

Cəfər Cəfərov hökumətdə müxtəlif məsul vəzifələrdə çalışıb. Belə ki, o, 1947-1954-cü illərdə Azər­baycan KP MK-da şöbə müdiri, mədə­niy­yət na­zirinin müavini vəzifələ­rini icra edib.[2]

O, sonrakı illərdə Bakı Dövlət Uni­ver­si­tetində, Azərbaycan Dövlət Pedaqoji Universitetində, Azərbay­can Döv­lət İncəsənət İnstitutunda pedaqoji fəaliyyət gös­tərmək­lə yanaşı, "Pravda" qəze­tinin Azər­bay­can üzrə müxbiri olub. 1959-cu ildən ömrünün sonunadək Azərbaycan Memarlıq və İncəsənət İnstitutu Teatr və kino şöbəsinin müdiri olub. Burada bir sıra teatrşünas alimlərin yetişdirilməsinə, kino və teatr sənətinə aid tədqiqatlar aparılmasına rəhbərlik edib.[2]

Hərbi xidmətdə[redaktə | mənbəni redaktə et]

Cəfər Cəfərov 1940-cı ildə hərbi xidmətə çağ­ı­rı­lıb O, II Dünya mühari­bə­sinin ilk gün­lərindən 1947-ci ilə kimi ordu sıralarında xidmət edib. Xidmətdə olduğu vaxt "Krım cəbhə­si" qəzetinin redaktoru iş­ləyib, İraq və İrana ezamiyyətə göndərilib.

Teatr sahəsində fəaliyyəti[redaktə | mənbəni redaktə et]

Cəfər Cəfərov tənqidi fəaliyyətə 1930-cu ildən başlayıb. O, Hüseyn Ərəblinskinin, İsmayıl Hidayətzadənin, Həqiqət Rzayevanın, Mehdi Məmmədovun, Tofiq Kazımovun, Abbasmirzə Şərifzadənin, Rza Təhmasibin yaradıcılıqları barədə elmi məqalələr, monoqrafiyalar yazıb. Akademik Milli Dram Teatrının tarixini fundamental şəkildə araşdırıb və həmin mövzuda bir neçə kitab çap elətdirib. Azərbaycan və bir sıra rus teatrlarının ən maraqlı tamaşalarına resenziyalar yazıb.

Cəfər Cəfərov "Rejissor sənəti", iki cilddə Azərbaycan və iki cildə rus dillərində "Seçilmiş əsərləri", "Azərbaycan Dram Teatrı" kitablarını, "Cavid və teatr", "Mirzə Fətəli Axundazdənin dramaturgiyası", "Mirzə Fətəli Axundzadə və teatr", "Vilyam Şekspirin dramaturgiyası" elmi əsərlərini yazıb.

Vəfatı[redaktə | mənbəni redaktə et]

Cəfər Cəfərov 1973-cü il sentyabrın 19-u Bakıda vəfat edib. Məzarı Fəxri xiyabandadır.[2][3][6]

İstinadlar[redaktə | mənbəni redaktə et]

  1. ↑ 1 2 Джафаров Джафар Гашум оглы // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
  2. ↑ 1 2 3 4 5 6 "Cəfərov Cəfər Haşım oğlu" (Azərbaycan). science.gov.az. 21.09.2024 tarixində arxivləşdirilib.
  3. ↑ 1 2 3 "lib.az - "7 Sentyabr" tariximizdə". lib.az. İstifadə tarixi: 2024-04-29.
  4. ↑ "Cəfər Cəfərov: Teatrşünas, ədəbiyyatşünas və incəsənət xadimi". teatro.az (az.). İstifadə tarixi: 2024-04-29.
  5. ↑ www.anl.az https://www.anl.az/down/meqale/525/2014/oktyabr/394351.htm (#bare_url_missing_title). İstifadə tarixi: 2024-04-29.
  6. ↑ "Fəxri Xiyabanda dəfn edilənlər - Azerbaijan.az". azerbaijan.az. İstifadə tarixi: 2024-04-29.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Cəfər_Cəfərov_(teatrşünas)&oldid=7598646"