Dünya Humanitar Sammiti
| Dünya Humanitar Sammiti | |
|---|---|
| worldhumanitariansummit.org | |
 Vikianbarda əlaqəli mediafayllar |
Dünya Humanitar Sammiti[1] (DHS; ing. World Humanitarian Summit) — Birləşmiş Millətlər Təşkilatı tərəfindən 23 və 24 may 2016-cı il tarixlərində Türkiyənin İstanbul şəhərində keçirilmiş sammit.[2] Sammit Birləşmiş Millətlər Təşkilatının Baş katibi Pan Gi Munun[3] təşəbbüsü olmuş və Birləşmiş Millətlər Təşkilatı Humanitar Məsələlərin Əlaqələndirilməsi Ofisi (BMT HMƏO) tərəfindən təşkil edilmişdir.
Pan Gi Mun 2012-ci ilin yanvarında açıqladığı beş illik fəaliyyət gündəliyində daha qlobal, hesabatlı və möhkəm humanitar sistem inkişaf etdirmək planını ortaya qoymuşdur. Onun gündəliyinin əsas aspekti "humanitar fəaliyyətlə məşğul olan geniş spektrli təşkilatlar arasında biliklərin mübadiləsinə və ümumi qabaqcıl təcrübələrin yaradılmasına kömək etmək üçün Dünya Humanitar Sammitinin çağırılması idi".[4]
Sammitin məqsədi çoxsaylı böhranlara daha effektiv reaksiya vermək üçün humanitar yardım sənayesində əsaslı islahatlar aparmaq idi.[3] Dünya liderlərinin zirvəyə gələrək silahlı münaqişələr və fəlakətlərdən əziyyət çəkən milyonlarla qadın, kişi və uşağın əzablarına son qoymaq üçün görəcəkləri tədbirləri elan etmələri gözlənilirdi.
Sammitə 173 ölkədən 9,000 iştirakçı, o cümlədən 55 dövlət və hökumət başçısı, yüzlərlə özəl sektor nümayəndəsi, vətəndaş cəmiyyəti və qeyri-hökumət təşkilatlarından minlərlə insan toplaşmışdır.[5]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ "İlham Əliyev İstanbulda Dünya Humanitar Sammitində çıxış edib". president.az. Azərbaycan Prezidentinin Rəsmi internet səhifəsi. 2023-11-14 tarixində arxivləşdirilib. İstifadə tarixi: 2023-11-14.
- ↑ "World Humanitarian Summit 2016". International Council of Voluntary Agencies. 2021-10-19 tarixində arxivləşdirilib. İstifadə tarixi: 2023-11-14.
- ↑ 1 2 Chonghaile, Clár Ní. "Ban Ki-moon: 'Close the gap between the world that is and the world that should be'". The Guardian. 9 February 2016. 2 May 2019 tarixində arxivləşdirilib. İstifadə tarixi: 14 November 2023.
- ↑ "Archived copy" (PDF). March 28, 2016 tarixində orijinalından (PDF) arxivləşdirilib. İstifadə tarixi: June 29, 2017.
- ↑ "World Humanitarian Summit - Chair's Summary: Standing up for Humanity - Committing to Action". Reliefweb. 24 May 2016. 26 May 2016 tarixində arxivləşdirilib. İstifadə tarixi: 14 November 2023.
Xarici keçidlər[redaktə | mənbəni redaktə et]
- World Humanitarian Summit Official Website
- World Humanitarian Summit Twitter Page | WHSummit
- Impossible Choices Campaign