Danimarka Həmkarlar İttifaqları Konfederasiyası

Vikipediya, açıq ensiklopediya
Jump to navigation Jump to search
Danimarka Həmkarlar İttifaqları Konfederasiyası
LO
dan. Landsorganisationen i Danmark

Növü Həmkarlar ittifaqı
Yaranma tarixi 3 yanvar 1898
Mərkəzi Kopenhagen
Sədri Harald Börstinq
lo.dk
LO binası

Danimarka Həmkarlar İttifaqları Konfederasiyası (dan. Landsorganisationen i Danmark - LO) — Danimarkanın ən böyük milli həmkarlar ittifaqları birliyi.[1] Mərkəzi ofisi Kopenhagen şəhərində yerləşir.

Tarixi[redaktə | əsas redaktə]

3 yanvar 1898-ci ildə yaranmışdır.

Məqsədi[redaktə | əsas redaktə]

Konfederasiyanın əsas məqsədi işəgötürənlər və hakimiyyət orqanları ilə münasibətdə işçilərin mənafelərini rəhbər tutaraq onları müdafiə etməkdən ibarətdir. Müxtəlif assosiasiyalar və həmkarlar ittifaqları ilə əməkdaşlıq edən Konfederasiya ölkədə qanunvericilik bazasının təkmilləşdirilməsi, əmək bazarı ilə bağlı siyasətin hazırlanması və həyata keçirilməsi prosesində həm hökumətə, həm də siyasi partiyalara təsir etməyə çalışır.[1]

Kollektiv danışıqların aparılması zamanı Konfederasiya işçilərin sosial-iqtisadi maraqlarının təmin olunmasına səy göstərir.[1] Danimarka həmkarlar ittifaqları hərəkatı qarşısına qoyduğu məqsədlərin əksəriyyətinə nail ola bilər.[1] Lakin müasir cəmiyyətdə müntəzəm olaraq qarşıya yeni vəzifələr və problemlər çıxır.[1] Belə ki, hazırda həllinə çalışdığı ən mühüm məsələlərdən biri işçilərin iş və ailə həyatı arasında daha yaxşı harmoniya yaradılmasına köməklik göstərməkdən ibarətdir.[1] Konfederasiyanın strukturunda üzv təşkilatlar tam müstəqildir.[1] Konfederasiya ittifaqın yalnız ümumi siyasətini koordinasiya edir.[1]

İdarəçilik[redaktə | əsas redaktə]

Təşkilatın ən ali orqanı olan qurultay 4 ildən bir çağırılır.[1] 400 nümayəndənin iştirakı ilə keçirilən qurultayda ittifaqın əsas məqsəd və vəzifələri müəyyənləşdirilir.[1]

Bütün üzv təşkilatların nümayəndələrindən ibarət 47 nəfərlik Baş Şura formalaşdırılır.[1] Baş Şura qurultaylararası müddətdə ali orqan hesab edilir və il ərzində 4-6 dəfə çağırılır.[1]

İdarə Heyəti Baş Şuranın iclaslararası dövründə fəaliyyət göstərir və təşkilatın gündəlik fəaliyyətinə cavabdehdir.[1] İdarə Heyətinin üzvləri qurultayda seçilir.[1] Həftədə bir dəfə yığışan İdarə Heyəti prezident, vitse-prezident, iki katib seçilmiş 10 nümayəndədən ibarətdir.[1]

Tərkibi[redaktə | əsas redaktə]

Həm özəl, həm də dövlət sektorunda fəaliyyət göstərən işçilərin daha çox təmsil olunduğu bir təşkilat kimi tanınıb.[1] Konfederasiyanın 1,3 milyondan artıq ittifaq üzvü var. Bu isə işləyən əhalinin 50%-i deməkdir.[1]

Üzv təşkilatları[redaktə | əsas redaktə]

Rəhbəri[redaktə | əsas redaktə]

Konfederasiyanın hazırki prezidenti Harald Börstinqdir.

Xarici əlaqələri[redaktə | əsas redaktə]

Konfederasiya ölkədə mühüm fəaliyyət sahələrini əhatə edən digər həmkarlar ittifaqları konfederasiyaları ilə əlaqələrini səmərəli və məqsədyönlü şəkildə qurur.[1] Ümumilikdə Danimarkada əmək bazarında təşkilatlanma 80 faiz təşkil edir və bu da digər Avropa ölkələri ilə müqayisədə çox yüksək göstəricidir.[1]

Ədəbiyyat[redaktə | əsas redaktə]

İstinadlar[redaktə | əsas redaktə]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 Arzu ŞAHBAZİ. Danimarka Həmkarlar İttifaqları Konfederasiyası. "Ülfət" qəzeti, 29.07.2012.  (azərb.)

Xarici keçidlər[redaktə | əsas redaktə]