Disentra

Vikipediya, azad ensiklopediya
Jump to navigation Jump to search
Disentra
Dutchman'sBreeches040815.jpg
Elmi təsnifat
Beynəlxalq elmi adı

Cinsin adı yunancadan "ikimahmızlı" kimi tərcümə olunur. Adı çiçəyin quruluşu ilə izah olunur. Bu cinsə 20 növ daxildir. Vətəni Asiya və Şimali Amerikadır. Gülçülükdə təxminən 10 növündən istifadə olunur. Onlardan 3 növü xüsusilə geniş yayılmışdır. Gözəl disentra (D.spectabilis) gövdəsinin hündürlüyü 60 sm-ə çatan bitkidir. Sallaq gülləri salxımşəkilli çiçək qrupunda toplanmışdır. Çiçək tacının rəngi çəhrayı, ya da qırmızıdır. Bu bitkinin vətəni Çin və Koreyanın dağ rayonlarıdır. 1810-cu ildən gülçülükdə istifadə olunur. Növün bağ forması var: alba hort. çiçəklərinin ağ rəngi ilə fərqlənir. Şimali Amerika gülçülüyündə disentranın 2 alçaqboylu növündən istifadə edilir: gözəl disentra (D. formosa) və görkəmli disentra (D. eximina). Disentra yaşıl qələmlərlə çoxaldılır. Bitkini yazda kök qələmləri ilə də çoxaltmaq olar. Yazda çiçəkləməsi üçün onu payızda dibçəyə köçürmək və fevrala qədər sərin otaqda saxlamaq lazımdır.

Növləri[redaktə | mənbəni redaktə et]

Məlumat mənbəsi[redaktə | mənbəni redaktə et]

  1. Tofiq Məmmədov (botanik) "Gülçülük ensiklopediyası": Bakı: "Azərbaycan"-2016. http://dendrologiya.az/?page_id=112 Arxivləşdirilib 2019-11-17 at the Wayback Machine

İstinadlar[redaktə | mənbəni redaktə et]

Disentra:The Plant List saytında takson barədə məlumat. (ing.)