DokuBaku Beynəlxalq Sənədli Film Festivalı

Vikipediya, azad ensiklopediya
Naviqasiyaya keçin Axtarışa keçin
DokuBaku Beynəlxalq Sənədli Film Festivalı
YerBakı, Azərbaycan
YaranıbOktyabr 2017
Saythttps://www.dokubaku.az

DokuBaku Beynəlxalq Sənədli Film Festivalı (BSFF) 2017-ci ilin oktyabr ayından etibarən hər il Bakı, Azərbaycanda keçirilən film festivalıdır. Azərbaycanın ilk müstəqil, sənədli film festivalı olan DokuBaku BSFF onlarla film nümayişindən və xarici kino peşəkarlarının iştirakı ilə ustad dərslərindən ibarət olur. Keçirildiyi ilk ildə festival 15 uzunmetrajlı və 15 qısametrajlı filmin nümayişinə 1000-ə yaxın izləyici cəlb etmişdir. Festivalın əsas məqsədi Azərbaycanda sənədli filmin özünüifadə və düşüncə vasitəsi kimi inkişaf etdirmək, bu janrda fəaliyyət göstərən yerli rejissorlara dəstək olmaq və ölkənin film səhnəsini beynəlxalq film icması ilə birləşdirməkdir.

Tarixçə[redaktə | mənbəni redaktə et]

Festival 2017-ci ildə bir qrup kino peşəkarı və həvəskarı tərəfindən könüllü əsaslarla təşkil olunmağa başlamışdır. Festivalın ideyası və təsisçiləri azərbaycanlı rejissor İmam Həsənov (festivalın direktoru) və çexiyalı rejissor və prodüser Veronika Yanatkovaya (proram tərtibçisi) aiddir[1]. Festival birinci ildə çoxsaylı könüllülərin və festivala təmənnasız töhfə vermiş yerli və xarici təşkilatların köməyi ilə ərsəyə gətirilmişdir[2]. Belə ki, göstərilən filmlərin bir çoxunun haqları festivala ianə verilmiş, nümayişlərin keçirildiyi müxtəlif kafe və barlar təmənnasız şəkildə məkan dəstəyi vermişdirlər. Bundan əlavə, çox sayda Azərbaycan ziyalısı və ictimai fəalı nümayişlərdən sonrakı müzakirələrin aparılmasında iştirak etmişdir.[3]

Festivalın bölmələri[redaktə | mənbəni redaktə et]

Festivalın bölmələri ildən-ilə dəyişsə də, aşağıdakı bölmələr festivalda fərqli vaxtlarda təşkil olunmuşdur.

Beynəlxalq Uzunmetrajlı Filmlər[redaktə | mənbəni redaktə et]

Burada dünyanın müxtəlif yerlərində mükafatlar almış filmlər nümayiş olunur.

Beynəlxalq Qısametrajlı Film Müsabiqəsi[redaktə | mənbəni redaktə et]

Dünyanın hər yerindən göndərilmiş qısametrajlı sənədli filmlərin nümayiş olunduğu müsabiqə bölməsidir.

Yerli Qısametrajlı Film Müsabiqəsi[redaktə | mənbəni redaktə et]

Yerli rejissorların qısametrajlı sənədli filmlərinin nümayiş olunduğu müsabiqə bölməsidir.

SciDocs[redaktə | mənbəni redaktə et]

Elmi Spektr jurnalı ilə birgə təşkil olunan və elmi sənədli filmlərin nümayiş olunduğu, müsabiqədənkənar bölmə.

Mükafat alan filmlər[redaktə | mənbəni redaktə et]

Yerli Qısametrajlı Film Müsabiqəsi Qalibləri
İl Filmin adı Rejissor Ölkə Bölmə
2017 Dəhliz İqrar Qurban Azərbaycan Azərbaycan Yerli Qısametrajlı Film Müsabiqəsi
2017 Humble Room ADO Leyli Qafarova Azərbaycan Azərbaycan Yerli Qısametrajlı Film Müsabiqəsi
2017 Monikaya Oktay Namazov Azərbaycan Azərbaycan Yerli Qısametrajlı Film Müsabiqəsi

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]