GameSummit

Vikipediya, azad ensiklopediya
Naviqasiyaya keç Axtarışa keç
GameSummit
Loqonun şəkli
"GameSummit"in rəsmi loqosu.
Status davam edir
Janr videooyun, anime, komiks mədəniyyəti
Tezliyi ildə iki dəfə
Ölkə
Yaradılıb 11 iyun 2023 (10 ay əvvəl) (2023-06-11)
Əvvəlki İlk "GameSummit" Bakıda
Növbəti Baku Winter Edition
Tamaşaçılar ~3,000 (iyun, 2023-cü il)
Rəhbər Fuad Nəsir
gamesummit.ai

GameSummit — Azərbaycanda keçirilən videooyun konvensiyası. "GameSummit" bu istiqamətdə Azərbaycanda ilk konvensiyadır. Tədbirin əsas mövzunun videooyunlara fokuslanmağına baxmayaraq, burada anime, komiks və kospley sahələrinə də yer ayrılmışdır.

Konvensiyanın tərkibində videooyun və kospley müsabiqələri, sərgilər, Yaponiya və Koreya mədəniyyətinə aid suvenir satışları, videooyun istehsalçıları ilə görüşlər, biznes konfransları, retro videooyunlara və konsollara giriş, müxtəlif texnoloji avadanlıqların nümayiş etdirilməsi, VR zona var.

"GameSummit"in birinci buraxılışı 11 iyun 2023-cü ildə ayında keçirilmişdir. İkinci buraxılışın 9 dekabr 2023-cü ildə keçirilməsi planlaşdırılır.

Tarixi[redaktə | mənbəni redaktə et]

Birinci buraxılış[redaktə | mənbəni redaktə et]

Rəsmi olaraq "İlk "GameSummit" Bakıda" adlanan "GameSummit"in birinci buraxılışı haqqında elan 2023-cü ilin aprel ayında verilmişdir. Burada müxtəlif kompüter və stolüstü oyunları, canlı kospley şousu, kospley və K-pop ilə bağlı musiqi performanslarının həyata keçirilməsi nəzərdə tutulmuşdur. "GameSummit" bu istiqamətdə Azərbaycanda ilk konvensiyadır.[1][2] "GameSummit"in birinci buraxılışı 11 iyun 2023-cü ildə Bakıda, Əl Oyunları Sarayında keçirilmişdir.[3] Burada 3,000-ə yaxın iştirakçı olmuşdur.[4] Tədbirin keçirilməsindəki məqsədlərdən biri kimi Azərbaycanda yeni sənətkarları dəstəkləmək və sənayenin inkişafına kömək etmək göstərilmişdir.[5]

Tədbir Azərbaycanın və Cənubi Qafqazın ən böyük kiberidman təşkilatı olan "Gaming League Azerbaijan" (GLA), Azərbaycanı təmsil edən kiberidman brendi "Guardians of the Maiden Tower" (GMT), blokçeyn və metakainat texnologiyalarından istifadə edərək onlayn tədbirlər üçün platforma olan "Metavibe"s, Azərbaycanın oyun studiyalarının birliyi olan Azərbaycan Oyun Tərtibatçıları Assosiasiyası,[6] "CityNet" internet provayderi,[7][8] "Bizimyol.info" internet portalı,[9] eləcə də kospley sahəsində təcrübəli mütəxəssislər[6] ilə əməkdaşlıq çərçivəsində təşkil olunmuş, ümumiyyətlə 70-dən çox şirkət, təşkilat və sponsor konvensiyaya dəstək göstərmişdir.[4]

"GameSummit" müasir oyun nutbukları və fərdi kompüterlərlə təmin olunmuşdur. Tədbirin iştirakçılarına istənilən çempionatda pulsuz iştirak etmək və sərgidə təqdim olunan tamamilə istənilən videooyunu oynaya bilmək imkanı təmin edilmişdir.[6] Burada iştirakçıların yerli tərtibatçılarla tanış olması və oyun çempionatlarında iştirak etməsi üçün şərait yaradılmış, VR zonası təşkil olunmuşdur. Həmçinin, konvensiyada retro oyunlara da diqqət yetirilmiş, NES, SEGA və "PlayStation 1" kimi konsollarda klassik oyunlar təqdim edilmişdir.[1]

Təqdim olunan stendlər arasında "Azerbaijan Technologies" firmasının 2 böyük stendi nümayiş etdirilmişdir. Burada ASUS, LENOVO və MSI brendlərinin geyminq notbuk və kompüterləri sərgilənmişdir.[10] Bundan başqa, "GameSummit"də Səhiyyə Nazirliyi İctimai Səhiyyə və İslahatlar Mərkəzi (İSİM) də iştirak etmiş, burada məktəblilərin internet portalı üçün İSİM tərəfindən yaradılmış maarifləndirici videooyunlar da təqdim olunmuşdur. Tibbi maarifləndirmə məqsədilə İSİM tərəfindən yaradılan "Tütündən imtina et", "Sağlam qida", "Şəkərli diabet", "Ürəyinizi qoruyun" və digər mobil tətbiqlər də iştirakçılara təqdim edilmşdir.[11]

Bundan başqa, tədbirdə müxtəlif janrlarda videooyun turnirləri keçirilmiş, iştirakçılar arasında ən yaxşı geymerlər müəyyən edilmişdir.[12] Müsabiqələr "Valorant", "Mortal Kombat 2", "Mortal Kombat 9", "Mortal Kombat X", "FIFA 23", "Rocket League", "CS:GO", "Dota", "League of Legends", "Tekken 3", "Soul Calibur", "Need for Speed" videooyunları üçün keçirilmişdir.[9] "GameSummit"də keçirilən əsas tədbirlərdən biri hər kəsə açıq olan kospley müsabiqəsi olmuşdur. Burada iştirakçılar oyunlar, anime, komikslər və gik mədəniyyətinin digər sahələrində ən yaxşı kostyumlarını nümayiş etdirərək yarışmışlar. Tədbirdə bir əcnəbi kospleyer də iştirak etmiş və müsabiqənin qaliblərini seçmişdir. Tədbirdə həmçinin, videooyunlara, animelərə, komikslərə və ümumilikdə Yaponiya və Koreya mədəniyyətinə aid müxtəlif aksesuarlar və suvenirlər satışa çıxarılmışdır.[1] "GameSummit"in birinci buraxılışının giriş haqqı 20 manat olmuşdur.[13]

İkinci buraxılış[redaktə | mənbəni redaktə et]

2023-cü ilin noyabrında "GameSummit"in ikinci buraxılışı haqqında elan verilmişdir. Bu, rəsmi olaraq "Baku Winter Edition" adlandırılmışdır. Tədbirin 9 dekabr 2023-cü ildə "Fairmont Flame Towers"da keçiriləcəyi açıqlanmışdır. İlk dəfə olaraq bu tədbirdə Azərbaycanın yerli oyun tərtibatçıları üçün müsabiqə və ayrıca bir biznes konfransı təşkil olunmağı nəzərdə tutulmuşdur.[4] Konvensiyada videooyun, kiberidman, kospley, K-pop, indi oyunlar, stolüstü rol oyunları, VR, blokçeyn, NFT, yerli qrupların rok konserti, K-pop rəqsləri, işıq şousu, mükafatlar və hədiyyələr nəzərdə tutulmuşdur Tədbirdə ümumi mükafat fondu 5,000 manat olaraq müəyyən edilmişdir. Giriş haqqı verilən təkliflərdən asılı olaraq 25, 50 və 100 manat olaraq təyin edilmişdir.[14]

Keçirilmiş tədbirlər[redaktə | mənbəni redaktə et]

Ad Tarix Məkan İstinad
İlk "GameSummit" Bakıda 11 iyun 2023 Bakı İdman Sarayı [3]
Baku Winter Edition 9 dekabr 2023 Fairmont Flame Towers

İstinadlar[redaktə | mənbəni redaktə et]

  1. ↑ 1 2 3 "Azərbaycanda ilk genişmiqyaslı oyun tədbiri - Gamesummit.ai". 20 apr 2023. 5 June 2023 tarixində arxivləşdirilib. İstifadə tarixi: 6 November 2023.
  2. ↑ "Azerbaycan'ın İlk Büyük Oyun Festivali GameSummit Başlıyor - MisteRNOOB". 27 may 2023.
  3. ↑ 1 2 "Bakıda GameSummit tədbiri keçiriləcək - Tech.az". tech.az.
  4. ↑ 1 2 3 "Oyunun "zirvə"sini axtaranlar üçün 9 dekabr tarixində "Gamesummit" oyun festivalı keçiriləcək".
  5. ↑ "11.06.2023. Bakı İdman Sarayı. "Game Summit"". AzTech. 2023-05-28 tarixində arxivləşdirilib. İstifadə tarixi: 2023-11-06.
  6. ↑ 1 2 3 "GameSummit – первое крупное игровое мероприятие в Азербайджане". haqqin.az. 25 may 2023. 26 May 2023 tarixində arxivləşdirilib. İstifadə tarixi: 6 November 2023.
  7. ↑ "CityNet GameSummit festivalının əsas tərəfdaşıdır". Apa.az.
  8. ↑ "CityNet - general partner of GameSummit festival". Trend.Az. 10 iyn 2023. 2023-06-11 tarixində arxivləşdirilib. İstifadə tarixi: 2023-11-06.
  9. ↑ 1 2 "«GameSummit» tədbir çərçivəsində keçiriləcək oyun çempionatları elan edildi - Siyahı". 2023-11-06 tarixində arxivləşdirilib. İstifadə tarixi: 2023-11-06.
  10. ↑ "Game Summit 2023 baş tutdu!". AzTech. 2023-11-06 tarixində arxivləşdirilib. İstifadə tarixi: 2023-11-06.
  11. ↑ info@aztibb.az, aztibb az. "İSİM". aztibb.az.
  12. ↑ "Azərbaycanın ilk oyun tədbiri olan GameSummit baş tutacaq!". BAKU.WS - Azərbaycanın xəbər saytı. 2023-05-23 tarixində arxivləşdirilib. İstifadə tarixi: 2023-11-06.
  13. ↑ "Bakıda ilk böyük oyun tədbiri - Gamesummit.ai". 17 apr 2023. 22 April 2023 tarixində arxivləşdirilib. İstifadə tarixi: 6 November 2023.
  14. ↑ "Game Summit Winter 2023". azerbaijan.travel. 2023-11-06 tarixində arxivləşdirilib. İstifadə tarixi: 2023-11-06.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=GameSummit&oldid=7331183"