Edin Ceko

Vikipediya, açıq ensiklopediya
Jump to navigation Jump to search
Futbol
Edin Ceko
20150331 2026 AUT BIH 2177 Edin Džeko.jpg
Ümumi məlumat
Doğum tarixi 17 mart 1986 (1986-03-17) (32 yaş)
Doğum yeri Sarayevo, Yuqoslaviya Sosialist Federativ Respublikası
Vətəndaşlıq Flag of Bosnia and Herzegovina.svg Bosniya və Herseqovina
Əsas ayağı sağ
Boyu 193 sm
Mövqeyi hücumçu
Komanda haqqında məlumat
Klub Flag of England.svg Mançester Siti FK
Vəzifəsi futbolçu
Karyerası
Həvəskar karyerası
1996-2003 Flag of Bosnia and Herzegovina.svg Jelezniçar
Peşəkar karyerası*
2003-2005 Flag of Bosnia and Herzegovina.svg Jelezniçar 40 (5)
2005-2007 Flag of the Czech Republic.svg Teplitse 43 (16)
2005 Flag of the Czech Republic.svg Usti nad Labem (icarə) 15 (6)
2007-2011 Flag of Germany.svg Volsburq 111 (66)
2011-h.h. Flag of England.svg Mançester Siti FK 125 (50)
1981—1998 Cəmi 506 (227)
Milli yığma**
2003-2004 Flag of Bosnia and Herzegovina.svg Bosniya və Herseqovina (19 yaşlılar) 5 (0)
2006-2007 Flag of Bosnia and Herzegovina.svg Bosniya və Herseqovina (21 yaşlılar) 5 (1)
2007-h.h. Flag of Bosnia and Herzegovina.svg Bosniya və Herseqovina 69 (38)

* Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı .

** Rəsmi oyunlarda milli yığmanın heyətində keçirdiyi oyunların və vurduğu qolların sayı.

Edin Ceko (d. 17 mart 1986, Sarayevo)2011-ci ildən Mançester Sitinin formasını geyən bosniyalı[1][2][3] futbolçu. Futbol karyerasına öz ölkəsində Jelezniçar klubunda başlamışdır. Jelezniçar forması[4] ilə 40 oyuna 5 qol atmış və Çexiyanın Teplitse klubuna transfer olmuşdur. Bu komandada 43 oyuna 17 qol vurmuşdur. Uzun boyu və texnikası ilə diqqət çəkən Ceko 2007-ci ildə ilk dəfə əsas milliyə çağırılmış və mövsümün sonunda Almaniyanın Volfsburq klubuna transfer olunmuşdur. İlk mövsümündə 28 oyuna 18 qol qeyd etmişdir. Əsil çıxışını 2008-09 mövsümündə göstərmiş və 32 oyunda 15 qol ötürməsi ilə birlikdə 26 dəfə rəqib qapılara yol taparaq 28 qol vuran və həmin mövsüm bombardir olmuş komanda yoldaşı Qrafite ilə birlikdə Volfsbuqun çempion olmasında böyük rol oynamışdır. Həmin mövsümdə UEFA Kuboku və Almaniya kubokunun 8 oyununda 12 qol vuran Ceko mövsümü 38 qolla bitirmişdir. Almaniyanın Ştutqart klubunda oynayan Vedad İbişeviç ilə birlikdə Bosniya millisinin əsas qol silahlarından biridir.

7 yanvar 2011-ci ildə İngiltərənin Mançester Siti klubuna transfer olunmuşdur.[5]

Karyerası[redaktə | əsas redaktə]

İlk illər[redaktə | əsas redaktə]

Edin Ceko karyerasına 2003-cü ildə yarımmüdafiəçi kimi yerli Jelezniçar klubunda başlamışdır. Ceko yarımmüdafiədə istənilən kmi çıxış etməmiş və satışa çıxarılmışdır. Ceko daha sonra Çexiyanın Teplitse klubunun baş məşqçi Jiri Plişekin istəyi ilə 25.000 € qiymətə çexiyanın 2-ci liqa komandasına keçmişdir. Burada 2 mövsüm keçirən Ceko hücumçu mövqeyində çıxış etməyə başlamışdır. 43 oyuna 16 qol atmışdır. Daha sonra eyni liqanın komansı Usti nad Labemə 2 mövsümlüyünə icarəyə verilmişdir. Burada çox oyun keçirməmiş və 16 oyunda 5 qol atmışdır.

Volfsburq[redaktə | əsas redaktə]

Ceko daha sonra Almaniyanın Volfsburq klubuna 2007-ci ildə 4 milyon € qarşılığında transfer olunmuşdur.[6] İlk oyununa 1:3 uduzduqları Arminiya ilə oyuna sonradan çıxmışdır. İlk qolunu isə səfərdə 2:1 udduqları Enerjiya komandası qarşısında atmışdır. İlk mövsümdə yaxşı oynamayan Edin Ceko ilk 11-likdə çıxdığı 17 oyunda 8 qol və 7 qol ötürməsi ilə yadda qalmışdır. 2008-09 mövsümündə ilk oyununa evdə 2:2 bərabərə qaldıqları Ayntraxt Frankfurt qarşısında çıxmışdır. İlk qolunu isə səfərdə 2:2 oynadıqları Şalke-04-ə atmışdır. Kubokda 7:0 məğlub etdikləri Obernualda isə 4 qol atmışdır. Ceko evlərində 4:1 qalib gəldikləri Ştutqarta 2 qol atmış və ilk dəfə bir liqa oyununda 1-dən çox qol vurmuşdur. İlk UEFA Kuboku oyununda isə Herenvenə (5:1) də 2 qol atmışdır. Boxumu 2:0, Herta Berlini 2:1 qalib gəldikləri oyunda 2 qol atar və baş məşqçi Feliks Maqatın gözünə girməyə başlar. Bavariyanı 5:1 udduqları oyunda inanılmaz oyunu ilə yanaşı 2 qolla da yadda qalmışdır. Ceko Hoffenhaymı 4:0 məğlub etdikləri oyunda isə ilk dəfə bir liqa oyununda het-rik etmişdir. Hannover-96-nı səfərdə 5:0 udduqları oyunda da het-rik etmişdir. Mövsümün sonunda isə Volfsbuq ilə Almaniya çempionu olmuşdur. Həmin mövsüm o, liqada 32 oyunda 26 qol ataraq və 15 qol ötürməsi ilə əla performans sərgiləmiş və bombardirlik cədvəlində sadəcə komanda yoldaşı Qrafitedən geri qalmışdır. (25 oyun 28 qol). Avropa oyunlarında isə 6 oyuna 5 qol qeyd etmişdir. 2009-10 mövsümünə 2:0 qalib gəldikləri Ştutqart oyunu ilə başlamışdır. İlk qolunu isə 3:1 məğlub edilən Kölnə atmışdır. UEFA Çempionlar Liqasında ilk qolunu isə 1:2 uduzduqları Mançester Yunaytedə atmışdır. Səfərdə Beşiktaşı 3:0 məğlub etdikləri oyunda 2-ci qolunu atmışdır. Liqada Boxum, Borussiya Münxenqladbax, Hoffenhayma 2 qol atar. Ceko liqada 34 oyunda 22 qolla bombardir olmuş və Avropada 12 oyuna 5 qol vurmuşdur. Mövsümü isə 46 oyunda vurduğu 27 qolla tamamlamışdır. Həmin il "İlin bosniyalı futbolçusu" seçilmişdir. 2010-11 mövsümünün ilk dövrəsində 17 oyuna 10 qol atmış və qış fasiləsində Mançester Siti klubuna keçmişdir.

Mançester Siti[redaktə | əsas redaktə]

ÇSKA Moskva-Mançester Siti oyunundan.

2010-11 mövsümü[redaktə | əsas redaktə]

Ceko 7 yanvar 2011-ci ildə qış fasiləsində 32.5 milyon £ kimi yüksək qiymətə Mançester Sitiyə transfer olmuşdur. İlk oyununa 4:3 udduqları Vulverhəmpton Uonderersə qarşı çıxmış və Yaya Tureyə bir məhsuldar ötürmə vermişdir. İlk qolunu isə Blekbern Roverslə səfər matçında qeyd etmişdir. UEFA Avropa Liqasının 2-ci mərhələsində Aris klubuna qarşı dubl etmişdir. Ceko həmin mövsüm İngiltərə kubokunun finalında Stok Sitini 1:0 məğlub etdikləri oyunla kuboku qazanar. Mövsümün sonuncu oyununda Bolton Uonderersə vacib qol vuraraq klubunun 2:0 qalib gəlməsində rol oynamışdır. Ceko mövsümü 21 oyunda 6 qolla bağlamışdır.

2011-12 mövsümü[redaktə | əsas redaktə]

İngiltərə Superkubokunda Mançester Siti Mançester Yunaytedə 2:3 uduzmuş və Edin Ceko komandasının 2-ci qoluna imza atmışdır. Mövsümün ilk oyununda Suonsi Sitiyə bir qol vurmuşdur. Səfərdə Tottenhemi 5:1 darmadağın etdikləri oyunda ilk dəfə Siti forması ilə poker etmişdir. Ceko həmçinin poker edən yeganə Mançester Sitili oyunçu olaraq tarixə keçərək avqust ayının oyunçusu seçilmişdir. Mançester Yunaytedi 6:1 udduqları oyunda isə 2 qol vurmuşdur. Avropa Liqasının 1/16 finalında isə Portuya (4:0) 1 qol atmışdır. Blekbern Roversi 3:0 məğlub etdikləri oyunda gözəl qolla yaddaşlarda qalmışdır. Liqanın son oyunu — çempionluq oyununda isə KPR-ə 90-cı dəqiqəyə qədər 2:1 uduzarkən Ceko və Serxio Aquero atdığı qollarla Mançester Siti 3:2 qalib gəlmiş və çempion olmuşdur.

İstinadlar[redaktə | əsas redaktə]

  1. http://www.edindzeko.com/
  2. http://www.thesun.co.uk/sol/homepage/features/3363599/Edin-Dzeko-recounts-his-childhood-in-Bosnia.html
  3. https://www.vfl-wolfsburg.de/8555.html
  4. http://www.theguardian.com/football/blog/2011/jan/05/edin-dzeko-transfer-manchester-city?CMP=twt_gu
  5. http://www.klix.ba/sport/nogomet/shine-on-you-crazy-diamond/110115091
  6. http://www.goal.com/en/news/725/bundesliga/2009/05/23/1282105/bundesliga-comment-grafite-and-dzeko-a-match-made-in-heaven