Eduardo Neri

Vikipediya, azad ensiklopediya
Naviqasiyaya keç Axtarışa keç
Eduardo Neri
port. Eduardo José Nery de Oliveira
Doğum tarixi 2 sentyabr 1938(1938-09-02)[1][2]
Doğum yeri
Vəfat tarixi 2 mart 2013(2013-03-02)[1] (74 yaşında)
Vəfat yeri
Fəaliyyəti yazıçı, rəssam, fotoqraf
Mükafatları Grand Officer of the Order of Prince Henry
Vikianbarın loqosu Vikianbarda əlaqəli mediafayllar

Eduardo Xose Neri da Oliveyra (port. Eduardo José Nery de Oliveira; 2 sentyabr 1938[1][2], Fiqeyra-da-Foş[d][3] – 2 mart 2013[1], Lissabon[3]) – Portuqaliya rəssamı və sənətkarı.

Həyatı və karyerası[redaktə | mənbəni redaktə et]

Lissabon metrosunun Kampu-Qrandi stansiyası üçün hazırladığı azuleju panelləri.

1938-ci ildə Fiqeyra-da-Foş şəhərində doğulmuşdur. Anası yazıçı, atası isə mühəndis idi. 1939-cu ildə ailəsi ilə birlikdə Lissabona köçmüşdür. 1948–1954-cü illərdə Kamoeş liseyində oxumuşdur.[4]

Abstrakt illüzionizm və op-art hərəkatlarının nümayəndəsi olan Neri rəssamlıq, qravüra, boyakarlıq, fotoqrafiya, qobelen, kirəmit, mozaika, vitraj, divar relyefi kimi incəsənət sahələri ilə məşğul olmuşdur. Şəhərdə piyada yolların dizaynı və memarlıq komplekslərinin fasadları üçün rəng layihələrində işləmişdir.[5] Onun əsas işlərindən biri Lissabon metrosunun Kampu-Qrandi stansiyası üçün 1993-cü ildə hazırladığı azuleju panelləri olmuşdur.[6] Makao Beynəlxalq Hava Limanının terminalı üçün hazırladığı azuleju panelləri 1998-ci ildə Makaoda buraxılmış poçt markalarının üzərində təsvir olunmuşdur.[7]

Neri 1964-cü ildən etibarən Lissabonda 40-dan çox fərdi sərgisini keçirmiş, 1958-ci ildən bəri isə Portuqaliyada 300-dən çox qrup sərgisində iştirak etmişdir. Onun işləri Portuqaliya, ABŞ, Tayvan, Kanada, Norveç və başqa ölkələrin muzeylərində sərgilənmişdir.[5]

Mükafat və təltifləri[redaktə | mənbəni redaktə et]

Eduardo Neri fəaliyyətinə görə bir sıra mükafatlara layiq görülmüşdür. Portuqaliyada Bordalo mükafatı, Plastik İncəsənət Mükafatı və Bento Pessoa–Kasino Fiqeyra milli mükafatlarından birini qazanmışdır. İtaliya (1975/1977) və İspaniyada (1977) 6 mükafata layiq görülmüşdür. 1969-cu ildə Portuqaliya Tənqidçilər Mükafatını qazanmışdır. 1987, 1991, 1992 və 1995-ci illərdə Lissabon Şəhər Şurası tərəfindən "Jorje Kolazu" kirəmit mükafatına layiq görülmüşdür.[5]

8 iyun 2012-ci ildə Portuqaliya prezidenti Anibal Kavaku Silva tərəfindən "Şahzadə Henri" ordeni ilə təltif olunmuşdur.[8]

İstinadlar[redaktə | mənbəni redaktə et]

  1. ↑ 1 2 3 4 Bibliothèque nationale de France Eduardo Nery // BnF identifikatoru (fr.): açıq məlumat platforması. 2011.
  2. ↑ 1 2 Eduardo Néry // Artists of the World Online, Allgemeines Künstlerlexikon Online, AKL Online (alm.). / Hrsg.: A. Beyer, B. Savoy B: K. G. Saur Verlag, Verlag Walter de Gruyter, 2009. ISSN 2750-6088 doi:10.1515/AKL
  3. ↑ 1 2 3 4 Deutsche Nationalbibliothek Record #1013829735 // Ümumi tənzimləmə nəzarəti (GND) (alm.). 2012—2016.
  4. ↑ "Biografia" (PDF). Rəsmi saytı (portuqalca). 8 oktyabr 2017 tarixində arxivləşdirilib (PDF). İstifadə tarixi: 6 aprel 2024.
  5. ↑ 1 2 3 "Eduardo Nery". Centro Português de Serigrafia (ingiliscə). 2024-03-07 tarixində arxivləşdirilib. İstifadə tarixi: 6 aprel 2024.
  6. ↑ "Campo Grande". Lissabon metrosunun rəsmi saytı (portuqalca). 6 aprel 2024 tarixində arxivləşdirilib.
  7. ↑ "Painéis de azulejo no aeroporto de Macau". RTP Arquivos (portuqalca). 29 aprel 1996. 2024-04-06 tarixində arxivləşdirilib. İstifadə tarixi: 6 aprel 2024.
  8. ↑ "A cultura esteve em grande no Dia de Portugal". Descla (portuqalca). 11 iyun 2012. 16 aprel 2013 tarixində arxivləşdirilib. İstifadə tarixi: 6 aprel 2024.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Eduardo_Neri&oldid=7577735"