Elşad Nəsirov (siyasətçi)
| Elşad Nəsirov | |
|---|---|
 | |
Vəzifədədir | |
| 28 dekabr 2005-ci ildən | |
| Şəxsi məlumatlar | |
| Doğum tarixi | 29 sentyabr 1960 (65 yaş) |
| Doğum yeri | |
| Fəaliyyəti | iş adamı |
| Atası | Mustafa Nəsirov |
| Təltifləri |
 |
 Vikianbarda əlaqəli mediafayllar | |
.svg){kind=small}
Elşad Mustafa oğlu Nəsirov (29 sentyabr 1960, Bakı) — Azərbaycan Respublikası Dövlət Neft Şirkətinin Sərmayələr və Marketinq üzrə vitse-prezidenti.
Həyatı
[redaktə | vikimətni redaktə et]Elşad Mustafa oğlu Nəsirov 1960-cı ildə Bakı şəhərində anadan olmuşdur. 1982-ci ildə Moskva Dövlət Beynəlxalq Əlaqələr İnstitutunu bitirmişdir. 1981–1982-ci illərdə SSRİ-nin Əfqanıstandakı səfirliyində, 1982–1985-ci illərdə SSRİ Elmlər Akademiyasının Şərqşünaslıq İnstitutunda, 1985–1989-cu illərdə SSRİ Xarici İşlər Nazirliyində müxtəlif vəzifələrdə çalışmışdır.
1989–1992-ci illər ərzində SSRİ-nin Hindistandakı səfirliyində işləmişdir. Azərbaycan müstəqillik əldə etdikdən sonra 1992–1995-ci illər ərzində Azərbaycan Respublikasının BMT yanındakı Daimi Nümayəndəliyində çalışmış[1], 1995–1997-ci illərdə Azərbaycan Respublikası Xarici İşlər Nazirliyi aparatında şöbə müdiri vəzifəsinə irəli çəkilmişdir. 1997–2003-cü illərdə Azərbaycan Respublikası Dövlət Neft Şirkətinin Xarici İqtisadi Əməliyyatlar İdarəsinin, 2003–2005-ci illərdə isə Marketinq və İqtisadi Əməliyyatlar İdarəsinin rəisi vəzifəsində işləmişdir.
Azərbaycan Respublikası Prezidentinin 28 dekabr 2005-ci il tarixli Sərəncamı ilə Azərbaycan Respublikası Dövlət Neft Şirkətinin Sərmayələr və Marketinq üzrə vitse-prezidenti vəzifəsinə təyin olunmuşdur.
2003-cü ildən Azərbaycan Futbol Federasiyaları Assosiasiyasının vitse-prezidentidir. 2010-cu ildə Prezident İlham Əliyevin Sərəncamı ilə "Şöhrət" ordeni ilə təltif edilmişdir.
Rus, ingilis, fars, hind dillərini bilir.
İstinadlar
[redaktə | vikimətni redaktə et] | Bu məqalədəki istinadlar müvafiq istinad şablonları ilə göstərilməlidir. |
- ↑ "Bu şəkildəkilərdən biri indi nazirdir". 9 fevral 2013 tarixində arxivləşdirilib. İstifadə tarixi: 6 fevral 2013.
Mənbə
[redaktə | vikimətni redaktə et]Xarici keçidlər
[redaktə | vikimətni redaktə et]- "Elşad Nəsirov: "Mən "Neftçi"nin sahibi yox, AFFA-nın vitse-prezidentiyəm" - See more at". rekord.az (Azerbaijani). 10 noyabr 2014 tarixində orijinalından arxivləşdirilib. İstifadə tarixi: 15 noyabr 2014.