Elbrus Cəfərov

Vikipediya, açıq ensiklopediya
Jump to navigation Jump to search
Elbrus Cəfərov
azərb. Cəfərov Elbrus Mahmud oğlu
Doğum tarixi 1946(1946-Şablondakı doğum və ya ölüm tarixində texniki yanlışlıq var!-00)
Doğum yeri Kərkibaş, Göyçə mahalı, Basarkeçər rayonu
Elm sahəsi cihazqayırma
İş yeri İstanbul Texniki Universiteti
Elmi adı professor
Alma mater Azərbaycan Dövlət Neft və Kimya İnstitutu
Təhsili Azərbaycan Dövlət Neft Akademiyası
Atası Mahmud
Mükafatları "Ən yaxşı ixtiraçı" (1981)

Elbrus Mahmud oğlu Cəfərovİstanbul Texniki Universitetinin Aero-Kosmik fakültəsinin kafedra müdiri (1996 – indi), professor (1987). "Ən yaxşı ixtiraçı" (1981), Leninqrad Beynəlxalq Texnologiya Kibernetika Akademiyasının üzvü (1988),

Həyatı[redaktə | əsas redaktə]

Elbrus Cəfərov 1946-cı ildə Göyçə mahalının Kərkibaş (Şəfəq) kəndində kolxozçu ailəsində anadan olub. Çaxırlı kənd orta məktəbini qızıl medalla bitirib, elə həmin ildə Azərbaycan Dövlət Neft və Kimya İnstitutuna daxil olaraq 1969-cu ildə institutu fərqlənmə diplomu ilə bitirmişdir. Oxuduğu illərdə o dövr üçün ən yüksək hesab olunan Lenin təqaüdçüsü olmuşdur.[1]

1969-cu ildən 1984-cü ilə kimi SSRİ cihazqayırma sənayesinin neft-kimya avto-maşınqayırma institutunda baş texnikdən laboratoriya müdiri vəzifəsinədək yüksəlmişdir.[1]

Elbrus Cəfərov Azərbaycanda ilk dəfə olaraq "Dəyişən quruluşlu avtomatik sistemlər" laboratoriyasını yaratmışdır. 1972-ci ildə "Kəsilmiş prosessorların çoxquruluşlu sistemlərinin idarə edilməsi" mövzusunda namizədlik, 1980-cı ildə isə Moskva şəhərində doktorluq dissertasiyası müdafiə etmişdir.[1]

1984-1996-cı illərdə Azərbaycan Texniki Universitetində Avtomatika və robot-texnika kafedrasına rəhbərlik etmişdir. Robottexniki sistemlər ixtisasını Azərbaycanda ilk dəfə Elbrus müəllim açmışdır. O, 1987-ci ildə SSRİ AK tərəfındən professor adını almış və bir il sonra Leninqrad Beynəlxalq Texnologiya Kibernetika Akademiyasının üzvü seçilmişdir.[1]

Elbrus Cəfərov bir çox ölkələrin elmi konfranslarında 200-dən çox elmi məqalələri ilə çıxış etmişdir. Keçmiş SSRİ dövründə 27 ixtiranın şəhadətnaməsini almışdır. Elə ona görə də, 1981-ci ildə ona SSRİ cihazqayırma sənayesinin "Ən yaxşı ixtiraçı" rütbəsi verilmişdir.[1]

1993-cü ildən Çinin dövlət universiteti Beyhanq Universitetində bir il dərs aparmış, universitetin fəxri professoru seçilmişdir.[2]

Elbrus Cəfərov İstanbul Texniki Universitetinin professorudur. Beynəlxalq səviyyəli universitetin Aerokosmik fakültənin professoru kimi ingilis dilində fakültənin bakalavr, magistratura və doktorantura pillələrində bütün ölkələrdən gəlib təhsil alan tələbələr qarşısında fundamental ixtisas fənlərindən dərs aparır. Onun rəhbərliyi altında 10 nəfərdən çox professor, 100-dən artıq bakalavr, magistr hazırlanmışdır.[1]

Onun ingilis dilində "Variable Structure Control and Time-Delay Systems" (türk. "Deyişken yapılı kontrol ve zaman gecikmeli sistemler") nəşr olunan kitabını dünya alimləri rəy verərək yüksək dəyərləndirmişlər. Kitab Aerokosmik fakültələr, kibernetika və tətbiqi riyaziyyat, avtomatika, robasot və robot-kontrol, magistr və doktorantura tələbələri, müəllim və araşdırmaçılar üçün nəzərdə tutulmuşdur. Həmin kitabı Dünya WSEAS Akademiyasının Amerika, Avropa, Avstraliya və Türkiyədəki ofislərindən şəxsi kitabxanaları zənginləşdirmək üçün sifariş edirlər.[3]

Maraqlı faktlar[redaktə | əsas redaktə]

Elbrus Cəfərov ustad Aşıq Alının nəslindəndir. Muğamatı, aşıq yaradıcılığını çox sevir.[4]

Bədii yaradıcılığı[redaktə | əsas redaktə]

Elbrus Cəfərovun 1995-ci ildə "Xəbər çata Ağrıdağa" şeirlər kitabı professor Camal Mustafayevin ön sözü ilə dərc olunub.[1]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 Məhəmməd Vəliyev. "Azərbaycan aliminin uğurları" (azərb.). "Respublika" qəzeti. anl.az (2010).
  2. Prof. Dr. Elbrus CAFEROV — Istanbul Technical University Faculty of Aeronautics and Astronautics
  3. "AZƏRBAYCANLI ALİMİN YENİ UĞURU" (azərb.). azertag.az (03.08.2010).
  4. Məhəmməd Vəliyev, "Azərbaycan aliminin uğurları", "Respublika" qəzeti. - 2010. - 3 sentyabr. - Səh. 7.