Elman İskəndərov

Vikipediya, açıq ensiklopediya
Jump to navigation Jump to search
Elman İskəndərov
Elman Xeyrulla oğlu İskəndərov
Elman İsgəndərov.jpg
Elman İsgəndərov
Doğum tarixi 31 oktyabr 1962 (1962-10-31) (56 yaş)
Doğum yeri Flag of the Azerbaijan Soviet Socialist Republic.svg Azərbaycan SSR, Lerik, Rvarud
Milliyyəti azərbaycanlı
Elm sahəsi Texniki elmlər
Elmi dərəcəsi texnika elmləri üzrə fəlsəfə doktoru
Təhsili ali
Elmi rəhbəri Elmlər doktoru, professor Tövsif Məmmədov

İskəndərov Elman Xeyrulla oğlu — texnika elmləri üzrə fəlsəfə doktoru, "İlin Vətənpərvər tədqiqatçı alimi" mükafatının və qızıl medalının laureatı.

Həyatı[redaktə | əsas redaktə]

Elman Xeyrulla oglu İskəndərov 1962-ci ilin 31 oktyabrında Lerik rayonunun Rvarud kəndində dünyaya gəlib. 1980-ci ildə Lerik qəsəbə orta məktəbini "əla" qiymətlərlə bitirib. Həmin ildə Azərbaycan mühəndis-inşaat (indiki Memarlıq və inşaat Universiteti) institutunun "inşaat fakültə"sinə ("sənaye və mülki-tikinti" ixtisası üzrə) qəbul olunub. Fərqlənən tələbə olub, ictimai işlərə irəli çəkilib. 1985-ci ildə ali təhsilini başa vuraraq təyinatla "Azərdövlətsənayelayihə" Dövlət Elmi-Tədqiqat Layihə İnstitutuna göndərilib, mühəndis kimi əmək fəaliyyətinə başlayıb. Az sonra ordu sıralarına çağrılıb. Hərbi xidməti başa vurduqdan sonra istehsalatda fəaliyyət göstərib. Azərbaycan Dövlət Qazlaşdırma Komitəsində çilingər, iş icraşısı, plan-iqtisad şöbəsinin rəisi vəzifələrində çalışıb. 1991-ci ildə Azərbaycan Dövlət Yanacaq Komitəsində baş mühəndis vəzifəsinə təyin edilib. 1997-ci ildən keçmiş sovetlər birliyi dağıldıqdan sonra bir sıra təşkilatların özəlləşdirilməsi ilə əlaqədar olaraq sahibkarlıq fəaliyyəti ilə məşgul olub və bir müddət "Ocaq" firmasında direktor işləyib. Əsas fəaliyyət istiqaməti Azərbaycanın qaz təsərrüfatı obyektlərində xüsusi icazə tələb olunan işlərin - qaz kəmərlərinin tikintisini, təmirini, istismarını, habelə, müxtəlif qaz nəzarət-ölçü cihazlarının və avadanlıqlqrının quraşdırılmasını həyata keçirib. 2008-ci ildə özünün müstəqil "Layihələrin texnolji təhlili və qiymətləndirilməsi" Məhdud Məsuliyyətli Cəmiyyətini təsis edərək, ona rəhbərlik edib. 2009-cu ilin mart ayından Azərbaycan Dövlət Neft Akademiyası ((indiki Azərbaycan Dövlət Neft və Sənaye Universiteti)) nəzdində Neftin, qazın geotexnoloji problemləri və kimya Elmi-Tədqiqat institutunda elmi fəaliyyətini davam etdirib. 2012-ci ildə həmin ETİ-nin Elmi Şurasında "Çoxfunksiyalı nanotərkibli inhibitorla quyularda kristalhidrat əmələgəlmə və qaz kəmərlərində eroziyanı tənzimləməklə istismar göstəricilərinin yaxşılaşdırılması" mövzusunda dissertasiya işini uğurla müdafiyə edərək texnika üzrə fəlsəfə doktoru elmi dərəcəsi alıb. Onun təklif etdiyi sinergetik təsirli kompozisiyanın tətbiqi bu sahədə mövcud olan mürəkkəbləşmələrin aradan qaldırılması istiqamətində mühüm əhəmiyyətli elmi yenilik kimi qiymətləndirilmişdir. Təbii qazların nəqlində onların qurudulması, hidrat əmələgəlmənin və metalların eroziyasının qarşısının almaq üçün işləyib hazırladığı yeni tərkibli bu kompozisiya inhibitoru Azərbaycan Respublikasının Patentinə layiq görülüb. E. İskəndərov 2016-cı ildən ADNSU-nun (("Neftin,qazın saxlanması və nəqli")) kafedrasında dosent vəzifəsində çalışır. 80-dən çox elmi əsərin, o cümlədən, 2 patent, 4 dərs vəsaiti, 2 monoqrafiya və 2 dərsliyin müəllifi olan E. İskəndərovun elmi əsərlərii Respublikamızda, habelə İngiltərə, Norveç, Bolqarıstan, Hindistan, Rusiya, Ukrayna və s. ölkələrdə nəşr olunan müxtəlif nüfuzlu elmi jurnallarda, məcmuələrdə və konfrans materiallarında işıq üzü görüb. Bir sıra nüfüzlu beynəlxalq elmi-praktiki konfranslarda, simpoziumlarda etdiyi çıxışlar elmi ictimaiyyət tərəfindən maraqla qarışlanıb. "Avropa Nəşr Mətbu Evi" mükafat komissiyasının qərarı ilə "Milli-mənəvi dəyərlərimizin qorunmasında səmərəli fəaliyyətinə, neftqazçıxarma sənayesi sahəsində apardığı uğurlu elmi-tədqiqatlarına, cəmiyyətdəki fəal ziyalı mövqeyinə və gənclərdə vətənpərvərlik hisslərinin aşılanmasında göstərdiyi xidmətlərinə görə" "Ən yaxşı vətənpərvər tədqiqatçı alim" qızıl medalı ilə təltif edilib. Ailəlidir. Üç övladı var.