Elmar Qasımov (rektor)

Elmar Qasımov
Bakı Ali Neft Məktəbinin rektoru Vəzifədədir 10 aprel 2012-ci ildən
Sələfi	Vəzifə təsis edildi.
Şəxsi məlumatlar
Doğum tarixi	8 sentyabr 1973(1973-09-08) (48 yaş)
Partiya	YAP
Təhsili	Bakı Dövlət Universitetinin Coğrafiya fakültəsi
Təltifləri
Vikianbarda əlaqəli mediafayllar

Elmar Eldar oğlu Qasımov (8 sentyabr 1973) — Bakı Ali Neft Məktəbinin rektoru (2012-ci ildən).

Həyatı

Elmar Qasımov 8 sentyabr 1973-cü ildə anadan olub. 1990-cu ildə orta məktəbi gümüş medalla, Bakı Dövlət Universitetinin coğrafiya və hüquq fakültəsini Fərqlənmə diplomu ilə bitirib. Coğrafiya elmləri namizədidir.

1995–1999-ci illərdə Bakı Dövlət Universitetinin Tələbə Həmkarlar Komitəsinin sədri olaraq fəaliyyət göstərib. 1999–2016-ci illərdə Bakı Dövlət Universitetində müəllim, baş müəllim, dosent vəzifələrində çalışıb.

Ailəsi

Ailəlidir, iki övladı var.

İctimai-siyasi fəaliyyəti

1999-cu ildə, 26 yaşında təhsil nazirinin müavini təyin edilmişdir. 1999-2011-ci illərdə Azərbaycan Respublikası Təhsil Nazirinin müavini vəzifəsində çalışıb.

2011–2012-ci illərdə Azərbaycan Respublikası Dövlət Neft Şirkətinin vitse-prezidentinin müavini vəzifəsində çalışıb.

10 aprel, 2012 tarixində Azərbaycan Respublikasının Prezidenti cənab İlham Əliyevin Sərəncamı ilə Bakı Ali Neft Məktəbinin rektoru təyin edilib.

Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.

Təltiflər

• 3 oktyabr 2008 — Tərəqqi medalı
• 19 sentyabr, 2014 — Əməkdar müəllim
• 27 may 2019 — "Azərbaycan Xalq Cümhuriyyətinin 100 illiyi (1918–2018)" yubiley medalı