Elmira Ramazanova

Vikipediya, azad ensiklopediya
Jump to navigation Jump to search
Elmira Ramazanova
Ramazanova Elmira Məmmədəmin qızı
Elmira Ramazanova.jpg
Doğum tarixi 28 oktyabr 1934 (1934-10-28) (85 yaş)
Doğum yeri Bakı şəhəri
Elmi dərəcəsi Texnika elmlər doktoru
Elmi adı Professor
Alma-mater Azərbaycan Sənaye İnstitutu
Təhsili Azərbaycan Dövlət Neft və Sənaye Universiteti
Mükafatları Əməkdar elm xadimi
"Şöhrət" ordeni (Azərbaycan)
"Şərəf Nişanı" ordeni

Elmira Ramazanova (azərb. Elmira Məmmədəmin qızı Ramazanova‎, 28 oktyabr 1934(1934-10-28), Bakı) — Texnika elmlər doktoru, Professor, Azərbaycan Dövlət Neft Akademiyasının nəzdində “Neftin, qazın, geotexnoloji problemləri və kimya” Elmi Tədqiqat İnstitutunun direktoru, AMEA-nın müxbir üzvü (2007).[1]

Həyatı[redaktə | əsas redaktə]

Elmira Ramazanova 1934-cü il oktyabrın 28-də Bakı şəhərində anadan olmuşdur.

Təhsili[redaktə | əsas redaktə]

1952-ci ildə 134 saylı orta məktəbi qızıl medalla, 1957-ci ildə isə Azərbaycan Sənaye İnstitutunun (Azərbaycan Dövlət Neft Akademiyasının) Energetika fakültəsini fərqlənmə diplomu ilə bitirib.

Fəaliyyəti[redaktə | əsas redaktə]

Alim əmək fəaliyyətinə Azərbaycan Respublikasının Energetika İdarəsində başlayıb, 1992-ci ildən indiyədək Azərbaycan Dövlət Neft Akademiyasının nəzdində “Neftin, qazın, geotexnoloji problemləri və kimya” Elmi Tədqiqat İnstitutunun direktorudur.[2]

O, 1965-ci ildə “Qazkondensat sistemlərdə qazların separasiya şəraitlərinin hesablanma metodunun işlənməsi və tədqiqi” mövzusunda namizədlik, 1975-ci ildə “Adaptasiya metodlarının tətbiqinə əsasən neftqaz-kondensat yataqlarının termodinamiki tədqiqatları“ mövzusunda doktorluq dissertasiyalarını müdafiə edib, 1978-ci ildə professor elmi adını alıb. 2007-ci ildə AMEA-nın müxbir üzvü seçilib.

Elmira Ramazanova neft-qaz və qazkondensat yataqlarının səmərəli işlənməsinin təmini istiqamətində kompleks praktiki və elmi-tədqiqat işləri aparan tanınmış alimdir. Onun elmi fəaliyyətinin əsas istiqamətini neft-qaz, qaz kondensat çıxarmada yaranan mürəkkəbləşmələrə qarşı mübarizə, işlənmə rejiminin tənzimlənməsi üçün lazım olan parametrlərin seçilməsi, nanokompozitlərin alınması, nanotexnologiyaların işlənib hazırlanması və onların istehsalata tətbiqi, neftlə çirklənmiş torpaqların təmizlənməsi təşkil edir.

2004-cü ildə alimin rəhbərliyi ilə ölkəmiz “Qara Dəniz İqtisadi Əməkdaşlıq Təşkilatı”, “Xəzər, Qara dəniz regionunun, tədqiqatlar, energetika və iqlim dəyişilməsi siyasəti” regional layihələrində təmsil olunub. O, Ümumdünya Bankının dəstəyi ilə neftlə çirklənmiş torpaqların təmizlənməsi üzrə qrant layihəsinin rəhbəri və qalibi olub. Eyni zamanda, bir sıra beynəlxalq səviyyəli ekoloji layihələrin rəhbəridir.

O, Afina Milli Kapodistrian Universitetinin “Avrasiya” jurnalının redaksiya heyətinin üzvü, “Azərbaycan Neft Təsərrüfatı” jurnalının və “Vışka” qəzetinin redaksiya heyətinin üzvü, AMEA Yer Elmləri Bölməsinin büro üzvü, Azərbaycan Respublikasının Milli Neft Komitəsinin vitse-prezidentidir.[2]

Təltif və mükafatları[redaktə | əsas redaktə]

  • “SSRİ Neft sənayesi əlaçısı” (1981).
  • “Şərəf nişanı” ordeni (1986).
  • Əməkdar elm xadimi (1990).
  • “SSRİ – nin Fəxri neftçisi” (1990).
  • Vyetnamın Neft Sənayesinin Fəxri Neft Xadimi” (2010).
  • İqtisadi Əməkdaşlıq Təşkilatının “11-ci sammit ECO-2010”.
  • “Şöhrət” ordeni (2014)

Elmi əsərləri[redaktə | əsas redaktə]

Alim 400-ə yaxın elmi əsərin, o cümlədən 3 monoqrafiya, 11 tədris-metodiki vəsait, 34 patent və ixtiranın müəllifidir. Onun rəhbərliyi ilə 25 fəlsəfə doktoru, 2 elmlər doktoru hazırlanıb.

  1. Термокинетические особенности процессов образования газогидратных кристаллов с учётом их структуры, АNT №6, 2009.
  2. О контролировании давления в нефтепроводах при транспортировке высоковязких нефтей. Нефтепромысловое дело, №1, 2011.
  3. Новый подход к исследованию газлифтных скважин в решение устано­вивших из отборов. Нефтепромысловое дело №6, 2010.
  4. Нанометаллкомпозиты, подготовленные на краун эфирах и макроциклических соединениях. Конференция «Энергия и изменение климата», Афины, 2011.
  5. Расширение технологических возможностей автоматизированных систем управления непрерывным газлифтом. Автоматизация, телемеханизация и связь в нефтяной промышленности.
  6. Многокомпонентные композиционные составы для повышения эффективности при добыче и транспортировании асфальтосмолопарафиновых нефтей. Ухтинский Государственный Технический Университет, «Рассохинские чтения», материалы межрегионального семинара, 2012.
  7. Описание свойств и фазовых равновесий систем, содержащих сверхкритический флюид диоксида углерода и нефтяные компоненты. АНХ, №12. 2012.
  8. P –V– T Dependences in the fluid of the carbon dioxide and calculation of oil components properties. Azerbaijan Journal of Physics, № 2, July, 2013.
  9. Сепарационная система внутритрубного исполнения. Нефте газовые технологии №6 июнь 2015.
  10. Композит нанострукторных поликристаллических порошков ВАФ-1 ВАФ-2- современная технология. Международная Научно-Техническая Конференция УФА, Ноябрь, 2016.

İstinadlar[redaktə | əsas redaktə]

  1. "Ramazanova Elmira Məmmədəmin qızı" (azərb.). science.gov.az. 2017. İstifadə tarixi: 2017-04-08.
  2. 1 2 "AMEA-nın müxbir üzvü Elmira Ramazanovanın 85 yaşı tamam olur" (Azərbaycan dili). science.gov.az. 14 noyabr 2019 tarixində orijinalından arxivləşdirilib.