Elxan Nuriyev (dövlət xadimi)

Vikipediya, azad ensiklopediya
Jump to navigation Jump to search
Elxan Nuriyev
Эльхан Нуриев 2014-06-22 13-16.jpg
Doğum tarixi 15 may 1969(1969-05-15) (52 yaş)
Doğum yeri
Vətəndaşlığı
Təhsili
Vikianbarın loqosu Vikianbarda əlaqəli mediafayllar

Elxan Eldar oğlu Nuriyev (15 may 1969, Bakı) — siyasi elmlər doktoru, Azərbaycan Republikasının Prezidenti yanında Strateji Araşdırmalar Mərkəzinin direktoru (2008-2011).

Həyatı[redaktə | mənbəni redaktə et]

Elxan Eldar oğlu Nuriyev 15 may 1969-cu ildə Bakı şəhərində anadan olmuşdur.

1992-ci ildə Azərbaycan Dillər Universitetini bitirmişdir. 1993-cü ildə Pakistan Xarici İşlər Nazirliyinin Diplomatiya Akademiyasında, 1993-1996-cı illərdə Rusiya Elmlər Akademiyasında, 2000-ci ildə Almaniyadakı Höte İnstitutunda və 2002-ci ildə Corc Marşal adına Avropa Təhlükəsizlik Mərkəzində təhsil alıb.

1990-cı illərin əvvəllərində Azərbaycan Respublikası Xarici İşlər Nazirliyinin məsul əməkdaşı olub.

1996-1997-ci illər ərzində ABŞ-ın Fulbrayt Təqaüd Proqramının iştirakçısı kimi Corc Vaşinqton Universitetinin baş elmi işçisi vəzifəsində çalışıb.[1]

1998-1999-cu illərdə Kaliforniyadakı Beynəlxalq Araşdırmalar üzrə Monterey İnstitutundaVudro Vilson adına Beynəlxalq Mərkəzdə aparıcı elmi işçi vəzifəsində çalışıb[2].

2000-ci ildə Almaniyanın Aleksandr von Humboldt adına elmi tədqiqat mükafatına layiq görülmüşdür. 2000-2003-cü illərdə Almaniyanın Sülh və Münaqişələr İnstitutunda aparıcı elmi işçi vəzifəsində çalışmışdır. Eyni zamanda, 2001-2004-cü illər ərzində Corc Marşal adına Təhlükəsizlik Məsələlərinin Araşdırılması üzrə Avropa Mərkəzinin nəzdindəki Cənubi Qafqaz üzrə beynəlxalq ekspert qrupunun həmsədri olub.

2005-2006-cı illərdə Almaniyanın Beynəlxalq Siyasət və Təhlükəsizlik İnstitutunda aparıcı ekspert kimi işləmişdir.[3]

2004-2010-cu illərde Qərb Universitetinin Siyasi Elmlər və Beynəlxalq Münasibətlər kafedrasının professor vəsifəsində çalışmışdır.

Azərbaycan Respublikası Prezidentinin 8 fevral 2008-ci il tarixli Sərəncamı ilə Azərbaycan Respublikasının Prezidenti yanında Strateji Araşdırmalar Mərkəzinin direktoru vəzifəsinə təyin edilmişdir.[4] 21 yanvar 2011-ci ildə vəzifəsindən azad edilmişdir.[5]

2013-cü ildən bu günə kimi Corc Marşal adına Təhlükəsizlik Məsələlərinin Araşdırılması üzrə Avropa Mərkəzinin nəzdindəki Cənubi Qafqaz beynəlxalq ekspert qrupunun regional təhlükəsizlik strategiyası üzrə müşaviridir.

2014-cü ildə Berlində yerləşən Almaniyanın tanınmış beyin mərkəzlərindən olan Beynəlxalq Əlaqələr üzrə Alman Şurasında (DGAP), 2015-ci ildə Almaniyanın Beynəlxalq Siyasət və Təhlükəsizlik İnstitutunda (SWP), 2019-cu ildə ZOIS - Şərqi Avropa və Beynəlxalq Tədqiqatlar Mərkəzində və 2020-ci ildə Leipzig Universitetin nəzdində olan Qlobal Dinamika üzrə Tədqiqat Mərkəzində (ReCentGlobe) ekspert məsləhətçi kimi işləmişdir.

2021-ci ildə Elxan Nuriyev Macarıstanın Xarici İşlər və Ticarət İnstitutunda (IFAT) dəvət olunmuş ekspert kimi çalışıb.

Yerli və beynəlxalq mətbuata mütəmadi olaraq siyasi şərhlər verir [6], 100-dən çox elmi-analitik məqalələrin və monoqrafiyaların habelə The South Caucasus at the Crossroads: Conflicts, Caspian Oil and Great Power Politics, (LIT, Germany, 2007) və Azerbaijan and the European Union: New Landmarks of Strategic Partnership (Routledge, Taylor & Francis, London, UK, 2008) kitabların müəllifidir.[7][8].

Xarici dillərdən ingilis, alman, türk və rus dillərini bilir.

Evlidir, iki övladı var.

İstinadlar[redaktə | mənbəni redaktə et]

  1. "Arxivlənmiş surət". 2014-04-21 tarixində orijinalından arxivləşdirilib. İstifadə tarixi: 2014-04-16.
  2. http://www.bu.edu/globalbeat/syndicate/Baku041499.html[ölü keçid]
  3. http://gpf-europe.com/participants/profile.php?id=1593
  4. http://az.trend.az/news/politics/1130393.html[ölü keçid]
  5. "Arxivlənmiş surət". 2011-02-19 tarixində orijinalından arxivləşdirilib. İstifadə tarixi: 2014-04-16.
  6. http://www.themoscowtimes.com/sitemap/authors/451718.html
  7. http://www.lit-verlag.de/isbn/3-8258-6216-9
  8. "Arxivlənmiş surət". 2014-04-14 tarixində orijinalından arxivləşdirilib. İstifadə tarixi: 2014-04-16.