Füruğ Fərruxzad

Vikipediya, açıq ensiklopediya
Keçid et: naviqasiya, axtar
FÜRUĞ FƏRRUXZAD
Forough Farrokhzad.JPG
Doğum tarixi: 5 yanvar 1935(1935-01-05)
Doğum yeri: Tehran, İran
Vəfatı: 13 fevral 1967 (32 yaşında)
Vəfat yeri: Tehran, İran
Peşələri: Şairə, rejissor


Füruğ Fərruxzad (5 yanvar 1935, Tehran, İran13 fevral 1967, Tehran, İran) (farsca: فروغ فرخزاد) İran şairəsi və rejissoru idi.

Həyatı[redaktə]

Füruğ Fərruxzad 1935-ci il yanvar ayının 5-də Tehranda, hərbi xidmətçi ailəsində dünyaya gəlib. Ailədə ondan başqa daha 6 uşaq var idi. 9-cu sinfi bitirəndən sonra Fərruxzad orta sənət məktəbinə daxil olub. 17 yaşında məzhəkəçi Pərviz Şapur ilə evlənib və Əhvaza köçüb. Oğlu Kamyar dünyaya gələndə ona "Sənin üçün bir şeir" adlı əsəri həsr edib. İki ildən sonra şairə həyat yoldaşından ayrılıb və yeganə oğlunu keçmiş ərinin himayəsinə buraxmalı olub. Tehrana qayıdarkən 1955-ci ildə "Əsir" adında şeirlər məcmuəsini çap etdirib. 1958-ci ildə Fərruxzad Avropada filosof İbrahim Gülüstan ilə tanış olub və "Ev qaradır" adlı filmin ideyasını ondan alıb (bu vaxta qədər şairənin daha iki kitabı işıq üzü görmüşdü – "Divar" və "Üsyan"). Cüzam xəstəliyindən əzab çəkənlərdən bəhs edən bu film Təbrizdə çəkilib və tezliklə bütün dünyada şöhrət qazanıb. Füruğ Fərruxzad bir xəstə uşağı oğulluğa götürüb. 1963-cü ildə "Başqa bir doğuluş" adında son şeirlər məcmuəsini nəşr etdirib.

Füruğ Fərruxzad 1967-ci ildə avtomobil qəzasında həlak olub. Uşaqlarla dolu avtobusla toqquşmamaq üçün o idarə etdiyi maşını divara çırpıb və xəstəxanaya aparılarkən yolda dünyasını dəyişib.

Kitabları[redaktə]

Fərruxzadın əsərləri Azərbaycan dilinə Səməd Behrəngi tərəfindən tərcümə edilib.

  • Əsir (1952)
  • Divar (1957)
  • Üsyan (1959)
  • Başqa bir doğuluş (1964)
  • Soyuq mövsümün başlanğıcına inanaq (bu kitabı bitirməmiş vəfat edib)

Mükafatları[redaktə]

  • 1962-ci ildə Fərruxzadın çəkdiyi "İtaliya" sənədli filmi sənədli filmlər festivalında birinci yer qazanıb.
  • 1963-cü ildə "Qara ev" filmi Almaniya Oberhausen Film Festivalinda ən yaxşı film seçilib.

Xarici keçidlər[redaktə]