Fərhad bəy Məlikaslanov

Vikipediya, azad ensiklopediya
Jump to navigation Jump to search
Fərhad bəy Məlikaslanov
Fərhad bəy Məlik Aslan оğlu Məlikaslanov
Doğum tarixi 1805
Doğum yeri Tuğ, Dizaq mahalı, Qarabağ xanlığı
Vəfat tarixi 1889
Vəfat yeri Tuğ, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Vətəndaşlığı Rusiya İmperiyası Rusiya İmperiyası
Uşaqları Mehdi bəy, Aslan bəy, Sadıq bəy, Səlim bəy, Nobat xanım
Atası Məlik Aslan
Anası Xatay xanım
Fəaliyyəti hərbi qulluqçu

Fərhad bəy Məlik Aslan oğlu Məlikaslanov (1805, Tuğ1889, Tuğ, Yelizavetpol quberniyası) — Qarabağ atlı alayının zabiti, mülkədar.

Həyatı[redaktə | əsas redaktə]

Fərhad bəy Məlik Aslan oğlu 1805-ci ildə Dizaq mahalının Tuğ kəndində anadan olmuşdu. Mükəmməl mədrəsə təhsili almışdı. Şərq dillərini və rus dilini öyrənib.

Qarabağ atlı alayında xidmət edib. Praporşik rütbəsi vardı.

Fərhad bəy igidliyinə görə 1830-cu ildə mayın 11-də praporşik rütbəsi və 4-cü dərəcəli "Müqəddəs Anna" ordeni alıb. Fərhad bəy rus şairi Puşkinlə görüşmüşdü.

Fərhad bəy Məkkə-müəzzəmi ziyarət edib, şərəfli hacı ünvanını daşıyıb.

Hacı Fərhad bəy şair idi. Dövrünün şairləri ilə yazışmaları var. Aşıq Pəri ilə dostluq edirdi. Onların ilişkiləri haqqında Qasım bəy Zakir Məhəmməd bəy Aşiqə yazırdı:

Biri piri kamil, ikisi sadə,
Oynaş olmaz üçdən, dörddən ziyadə.
Tapşırıb qabağın Şirin Fərhadə,
Bəlkə fürsət ola geridən sana.

Cəfərqulu xan Nəva da Aşıq Pərini Hacı Fərhad bəyə qısqanırdı. O, Aşıq Pəriyə ünvanladığı qoşqusunda yazırdı:

Lənət gəlsin Fərhadın imanına,
Salıb Şirin kimi səni yanına,
Salacaqsan pomoşnikin canına,
Görəcəksən bişübhə vəlvələ sən.
 
Məhəmməd bəy Aşiq Hacı Fərhad bəyi Aşıq Pərinin gözündən salmaq üçün çox çaba xərcləyib. Təxmislərinin birində yazırdı:

Çün sənin qədrini Fərhad ilə Şirin bilməz,
Mirzəcan bilsə də, yüzdən birin bilməz...

Məhəmməd bəy Aşiq qoşmalarının birində yazırdı:

Hər kəs ki, yolunda çəkdi çox cəfa,
Bir gün vüsalından görmədi səfa,
Nə dilin var ey Pəriyi-bivəfa,
Fərhadi-şirinər Məlik Aslana...

Aşiq digər bir qoşmasında Hacı Fərhad bəyi Aşıq Pərinin gözündən salmaq üçün baltanı kökündən vururdu:

Dizaq mahalının Fərhadı olub,
Xosrovu Şirinin fəsadı olub,
Hiylə bazarının ustadı olub,
Nə deyəsən bu sevdayə, sevdiyim...

Ailəsi[redaktə | əsas redaktə]

Hacı Fərhad bəy Xatay xanımla yaşam qurmuşdu. Mehdi bəy, Aslan bəy, Sadıq bəy, Səlim bəy adlı oğulları, Nobat xanım adlı qızı vardı.

Mənbə[redaktə | əsas redaktə]

  • Ənvər Çingizoğlu. Məlik Yeqan və onun törəmələri. "Soy" еlmi-kütləvi dərgi, 2011, №3, səh.23-34.

Xarici keçidlər[redaktə | əsas redaktə]

Həmçinin bax[redaktə | əsas redaktə]