Fərid Əsgərov

Vikipediya, azad ensiklopediya
Jump to navigation Jump to search
Fərid Əsgərov
Şəxsi məlumatlar
Doğum tarixi
Doğum yeri Qaçaqkənd kəndi, Neftçala rayonu, Azərbaycan
Vəfat tarixi (24 yaşında)
Vəfat yeri Qubadlı, Azərbaycan
Vəfat səbəbi Şəhid olmuşdur.
Dəfn yeri Qaçaqkənd kəndi, Neftçala rayonu
Vətəndaşlığı Azərbaycan Azərbaycan
Atası Əsgərov Ərəstun
Anası Əsgərova İlkanə
Hərbi fəaliyyəti
Mənsubiyyəti Azərbaycan Azərbaycan Silahlı Qüvvələri
Xidmət illəri 2017-2018
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Vətən müharibəsi (2020)
 • Cəbrayıl döyüşləri
 • Zəngilan döyüşləri
 • Füzuli döyüşləri
 • Qubadlı döyüşləri
Təltifləri "Cəbrayılın azad olunmasına görə" medalı — 2020 "Qubadlının azad olunmasına görə" medalı — 2020 "Vətən uğrunda" medalı — 2020

Fərid Ərəstun oğlu Əsgərov (21 may 1996; Qaçaqkənd kəndi, Neftçala rayonu, Azərbaycan — 4 noyabr 2020; Qubadlı, Azərbaycan) — Azərbaycan Silahlı Qüvvələrinin əsgəri, Vətən Müharibəsinin şəhidi.

Həyatı[redaktə | mənbəni redaktə et]

Fərid Əsgərov 21 may 1996-cı il tarixində Neftçala rayonunun Qaçaqkənd kəndində hərbçi ailəsində anadan olmuşdur. 2002-ci ildə Şəki şəhər 11 saylı tam orta məktəbin 1-ci sinfinə daxil olmuşdur. 2007-ci ildə Lənkəran şəhər 6 saylı liseydə 6-cı sinfə başlamış və 2012-ci ildə həmin liseyin məzunu olmuşdur. 2013-cü ildə Lənkəran Dövlət Universitetinin İngilis dili müəllimliyi ixtisasına daxil olaraq təhsilini davam etdirmişdir. Fərid 2017-ci ildə Lənkəran Dövlət Universitetinin məzunu olmuşdur. Hərbi xidmətdən qayıtdıqdan sonra Bakı şəhərində mühafizə idarəsində işləmişdir.

Hərbi xidməti[redaktə | mənbəni redaktə et]

Fərid Əsgərov 2017-ci ildə həqiqi hərbi xidmətə çağırılmışdır. Xidmətini Beyləqan rayonunda yerləşən "N" saylı hərbi hissədə müddətli həqiqi hərbi xidmət etmişdir. 2018-ci ildə xidmətini başa vurmuşdur. Fərid AzərbaycanErmənistan arasında başlanan Vətən müharibəsi zamanı könüllü olaraq ordu sıralarına yazılmışdır. 3 oktyabr 2020-ci il tarixində döyüşlərə qatılmışdır. Füzuli, Cəbrayıl, ZəngilanQubadlının azad olunması uğrunda gedən döyüşlərdə iştirak etmişdir. Fərid Əsgərov 4 noyabr 2020-ci il tarixində Qubadlı uğrunda gedən döyüşlərdə qəhrəmancasına vuruşaraq şəhid olmuşdur. Fərid Əsgərov Neftçala rayonunun Qaçaqkənd kəndində dəfn olunmuşdur.[1]

Təltiflər[redaktə | mənbəni redaktə et]

İstinadlar[redaktə | mənbəni redaktə et]

  1. ""Dedi ata, dünən dostum şəhid oldu, sabah mən şəhid ola bilərəm, özünə dərd etmə..."" (aze). İstifadə tarixi: 8 sentyabr 2021.
  2. "Azərbaycan Respublikası Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı" (aze). İstifadə tarixi: 8 sentyabr 2021.
  3. "Azərbaycan Respublikası Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı" (aze). İstifadə tarixi: 8 sentyabr 2021.
  4. "Azərbaycan Respublikası Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Respublikası Prezidentinin Sərəncamı" (aze). İstifadə tarixi: 8 sentyabr 2021.