Fərman Gülməmmədov
| Fərman Gülməmmədov | |
|---|---|
| Fərman İbrahim oğlu Gülməmmədov | |
 | |
| Doğum tarixi | 7 noyabr 1939 |
| Doğum yeri |
Darvaz, Bolnisi, Gürcüstan SSR .svg){kind=small} Gürcüstan SSR |
| Vətəndaşlığı |
Azərbaycan  Ukrayna  Gürcüstan  Gürcüstan |
| Atası | İbrahim Gülməmmədov |
| Milliyyəti | Azərbaycanlı |
| İxtisası | Həkim |
| Fəaliyyəti | Tibb sahəsi |
| Fəaliyyət illəri | 1964-cü ildən |
| Mükafatları |
SSRİ Tibb Əlaçısı Ukraynanın Əməkdar Elm Xadimi |
Fərman Gülməmmədov (Gülməmmədov Fərman İbrahim oğlu) — SSRİ Tibb Əlaçısı və Ukraynanın Əməkdar Elm Xadimi.[1][2]
Mündəricat
Həyatı[redaktə | əsas redaktə]
Fərman Gülməmmədov 1939-cu il noyabrın 7-də Borçalı mahalında – Gürcüstanın o vaxtkı Lüksemburq, indiki Bolnisi rayonunun Darvaz kəndində anadan olub.[3]
Təhsili[redaktə | əsas redaktə]
1947-ci ildə Darvaz kənd orta məktəbinin birinci sinfinə gedib, sonra təhsilini Bolnisi qəsəbəsində rus orta məktəbində davam etdirib. 1958-ci ildə orta məktəbi bitirib və elə həmin ildə Ukraynanın Donetsk Tibb İnstitutuna qəbul olunub.[4]
Peşə fəaliyyəti[redaktə | əsas redaktə]
1964-cü ildən Donetsk vilayət xəstəxanasında həkim kimi fəaliyyətə başlayıb. Az sonra isə Klinik-cərrahiyyə şöbəsinin müdiri vəzifəsinə təyin olunub.
1971-ci ildə dissertasiya müdafiə edərək, tibb elmləri namizədi elmi dərəcəsi qazanıb. 1984-cü ildə “Yoğun bağırsaq xəstəliklərində cərrahi müalicə” mövzusunda doktorluq dissertasiyası müdafiə edərək, ttibb elmləri doktoru elmi dərəcəsinə yüksəlib.
Fərman Gülməmmədov 1991-1994-cü illərdə Azərbaycanda — Bakı şəhərində işləyib və Azərbaycan Elmi Tədqiqat Qastroenterologiya İnstitutunda bağırsaq xəstəliklərinin cərrahi əməliyyatları sahəsinə rəhbərlik edib. 1995-ci ildə yenidən Donetskə qayıdıb və Tibb Universitetinin "Ümumi cərrahlıq” kafedrasının müdiri vəzifəsində fəaliyyətə başlayıb.[2]
Mükafatları və əsərləri[redaktə | əsas redaktə]
Fərman Gülməmmədov məhsuldar elmi tədqiqat və praktiki tibbi fəaliyyətinə görə SSRİ Tibb əlaçısı və Ukraynanın Əməkdar elm xadimi fəxri adlarına layiq görülmüşdür. Onun rəhbərliyi altında 1 doktorluq və 6 namizədlik dissertasiyası müdafiə edilib. Professor Gülməmmədovun elmi və pedoqoji fəaliyyətinin nəticələri 300-dən çox elmi əsərdə, o cümlədən 2 fundamental monoqrafiyada öz əksini tapıb. Tanınmış alim 50-dən artıq beynəlxalq, ittifaq və respublika səviyyəli elmi konqres, müşavirə və konfranslarda çıxış edib, onlarla elmi məqalənin müəllifidir.[1]
Həmçinin bax[redaktə | əsas redaktə]
İstinadlar[redaktə | əsas redaktə]
- ↑ 1 2 Professor FƏRMAN GÜLMƏMMƏDOV (1939)
- ↑ 1 2 Гюльмамедов Фарман Ибрагимович
- ↑ Bağıyeva, Mətanət (2016). Xaricdə yaşayan azərbaycanlılar. Qısa bioqrafik məlumat kitabçası (PDF) (azərb.). Bakı: "Papirus NP". ISBN 978-9952-8299-1-4. 2017-10-21 tarixində orijinalından (PDF) arxivləşdirilib. İstifadə tarixi: 2017-10-21.
- ↑ FƏRMAN GÜLMƏMMƏDOV
