Fərrux bəy Ağakişibəyov

Vikipediya, açıq ensiklopediya
Jump to navigation Jump to search
Fərrux bəy Ağakişibəyov
Doğum tarixi 1879(1879-Şablondakı doğum və ya ölüm tarixində texniki yanlışlıq var!-00)
Doğum yeri Şuşa qəzası, Pərioğlular kəndi
Vəfat tarixi 1956(1956-Şablondakı doğum və ya ölüm tarixində texniki yanlışlıq var!-00)
Vəfat yeri Bakı
Təhsili Novorossiya İmperator Universiteti[1]
Fəaliyyəti həkim

Fərrux bəy Əlikişi oğlu Ağakişibəyov — Azərbaycanın əməkdar həkimi (1942) Ağdam MRX-nin həkim-terapevti

Həyatı[redaktə | əsas redaktə]

Fərrux bəy Əlikişi oğlu Ağakişibəyov 1879-cu ildə Şuşa qəzasının Pərioğlular (indiki Ağdam rayonunun Pərioğlular kəndi) kəndində anadan olmuşdur. 1899-cu ildə İrəvan Müəllimlər Seminariyasını bitirmişdir.

Fərruxbəy Ağakişibəyov Zəngəzur qəzasının Lənbəran, Qaraqışlaq, Minkənd kənd məktəblərində, Gəncə şəhər məktəbində dərs demişdir.

Fərruxbəy Ağakişibəyov 1909-1914 illərdə Odessa Universitetinin tibb fakültəsində ali təhsil almışdır. Odessa qəzasında həkim, Odessa-Poltava cəbhəsində həkim işləmişdir. 1915-ci ildə Odessa cərrahi qospitalına ordinator qəbul edilmişdir.

Fəaliyyəti[redaktə | əsas redaktə]

Fərrux bəy Ağakişibəyov 1918-ci ildə Azərbaycana qayıtmış, Vətənində adlı-sanlı cərrah olaraq tanınmışdır. Ağdamda həkim işləmək istəsə də, orada xəstəxana olmadığından Şuşa xəstəxanasında cərrah işləmişdir. Azərbaycan müstəqilliyini itirdikdən sonra 1920-ci ildə Şuşa səhiyyə şöbəsinin müdiri işləmişdir.

Fərrux bəy Ağakişibəyovun təşkilatçılığı ilə 1922-ci ildə Ağdamda xəstəxana, ambulatoriya yaradılmış, əhaliyə cərrahi yardımın təməli qoyulmuşdur. Onun təşəbbüsü ilə 1925-ci ildə Ağdamda üçkorpuslu xəstəxana və yardımçı binalar tikilmişdir. Ağdamda tibb məktəbinin 1936-cı ildə yaranması Fərrux bəy Ağakişibəyovun adı ilə bağlıdır. O, 1941-1945 illərdə Ağdam hərbi komissarlığı tibb komissiyasının sədri olmuşdur.

Fərrux bəy Ağakişibəyov 1925-ci ildə sahə həkimlərinin Moskvada keçirilən birinci Ümumittifaq qurultayına nümayəndə seçilmişdir. Ona 1942-ci ildə Azərbaycan SSR-nin əməkdar həkimi fəxri adı verilmişdir.

Fərrux bəy Ağakişibəyov 1956-cı ildə Bakıda vəfat etmişdir.

Mənbə[redaktə | əsas redaktə]

  • Ənvər Həmidov. Loğmanlar yurdu. Bakı, 1991

İstinadlar[redaktə | əsas redaktə]

Xarici keçidlər[redaktə | əsas redaktə]