Faiq Hüsiyev

Vikipediya, açıq ensiklopediya
Jump to navigation Jump to search
Faiq Hüsiyev
Faiq Hüsiyev.JPG
Doğum tarixi 7 noyabr 1970 (1970-11-07) (48 yaş)
Doğum yeri Sumqayıt, Azərbaycan SSR
Commons-logo.svg Vikianbarda əlaqəli mediafayllar

Hüsiyev Faiq Nuruş oğlu (d.7 noyabr 1970, Sumqayıt, Azərbaycan SSR) — Azərbaycan Televiziya və Radio Verilişləri QSC-nin sədr müavini (2009-h/h)[1]; Azərbaycan Respublikasının əməkdar jurnalisti (2008).[2]

Həyatı[redaktə | əsas redaktə]

Faiq Hüsiyev 7 noyabr 1970-ci ildə Sumqayıt şəhərində anadan olub. Sumqayıt şəhər 30 saylı orta məktəbi bitirib. 1988-1990-cı illərdə hərbi xidmətdə olub. 1991-1997-ci illərdə Bakı Dövlət Universitetinin "Jurnalistika" fakültəsində ali təhsil alıb.

1993-1995-ci illərdə Azərbaycan Dövlət Televiziyasında müxbir işləyib. 1996-cı ildə Azərbaycan Dövlət Televiziyasının “Yurd” mübadilə proqramları Baş redaksiyasına redaktor vəzifəsinə təyin olunub. 1997-1998-ci illərdə Televiziyanın “Ədəbiyyat və publisistika” redaksiyasında redaktor vəzifəsində, 1998-2005-ci illərdə “Beynəlxalq proqramlar” redaksiyasında böyük redaktor vəzifəsində çalışıb.

2006-cı ildə Azərbaycan Televiziya və Radio Verilişləri QSC-nin “Müəllif proqramları” departamentinin rəisi vəzifəsində işləyib. 2007-2009-cu illərdə Azərbaycan Televiziya və Radio Verilişləri QSC-nin “Tv. İnformasiya proqramları” studiyasının direktoru olub.

2008-ci ildə “Azərbaycan Respublikasının əməkdar jurnalisti" fəxri adı ilə təltif edilib. Azərbaycan Respublikası Prezidentinin 16 avqust 2009-cu il tarixli sərəncamı ilə Azərbaycan Televiziya və Radio Verilişləri QSC-nin sədr müavini vəzifəsinə təyin edilib.

2015-ci ildən Televiziya və Radio Akademiyasının Rektorudur.

Filologiya üzrə fəlsəfə doktorudur. Rus və alman dillərində sərbəst, ingilis dilində orta danışır. 300-ə yaxın televiziya verilişinin, 10-a yaxın sənədli filmin müəllifidir.

Ailəlidir. Bir qızı və iki oğlu var.

Fotolar[redaktə | əsas redaktə]

İstinadlar[redaktə | əsas redaktə]

  1. F.N. Hüsiyevin «Azərbaycan Televiziya və Radio Verilişləri» Qapalı Səhmdar Cəmiyyəti sədrinin müavini təyin edilməsi haqqındae-qanun.az
  2. Azərbaycan Respublikasında televiziya işçilərinə fəxri adların verilməsi haqqında Azərbaycan Respublikasının Prezidentinin 4 noyabr 2008-ci il tarixli, 24 nömrəli Sərəncamı. e-qanun.az  (azərb.)
  3. Interview to Azerbaijan Television and Radio Broadcasting Company (AzTV) kremlin.ru  (ing.)
  4. Interview to Azerbaijan Television and Radio Broadcasting Company (AzTV) kremlin.ru  (ing.)

Həmçinin bax[redaktə | əsas redaktə]

Xarici keçidlər[redaktə | əsas redaktə]