Faiq Zöhrabov

Vikipediya, azad ensiklopediya
Jump to navigation Jump to search
Faiq Zöhrabov
Faiq Ramazan oğlu Zöhrabov
Doğum tarixi
Vəfat tarixi (69 yaşında)
Vəfat yeri Bakı
Vəfat səbəbi ürək çatışmazlığı
Fəaliyyəti Aktyor

Faiq Ramazan oğlu Zöhrabov (16 iyul 19395 iyun 2009, Bakı) — Teatr rejissoru, aktyor.

Həyatı[redaktə | mənbəni redaktə et]

Faiq Zöhrabov 1939-cü il iyul ayının 16-da Bakı şəhərində anadan olmuşdur. 1957-1960-cı illərdə Azərbaycan Dövlət Musiqili Komediya Teatrında rəqqas kimi fəaliyyət göstərmişdir. 1963-1968-ci illərdə o, Azərbaycan Dövlət İncəsənət İnstitutunun rejissorluq fakültəsində təhsil almışdır.

İnstitututu bitirdikdən sonra, həmin təhsil ocağında "Aktyor sənəti" kafedrasında müəllim kimi fəaliyyətə başlamışdır. 1965-1972-ci illlərdə F.Zöhrabov Bakı Pioner və Məktəblilər Parkının direktoru işləmişdir.

1972-1975-ci illərdə o, Aktyor evinin direktoru, 1975-1977-ci illərdə Səyyahçılar və ekskursiya bürosunun direktoru işləmişdir.

1968-1985-ci illərdə F.Zöhrabov İncəsənət İnstitutunda aktyor sənətindən dərs demişdir.

1985-88-ci illərdə o, Dağıstan Dövlət Ləzgi Musiqili Dram Teatrına dəvət olunmuş və orada 4 il baş rejissor vəzifəsində çalışmışdır. Bu dövrdə rejissor A.P.Çexovun "Elçilik", A.Şirvanzadənin "Nakam qız", Q.Lezqinsovun "Dağlar oğlu", N.Hikmətin "Bayramın birinci günü", Ü.Hacıbəyovun "O olmasın, bu olsun" və s. dramaturqların əsərlərinə quruluş vermişdir.

1988-ci ildən F.Zöhrabov ADMİU-nun "Səda" Tədris Teatrının direktoru və Azərbaycan Dövlət Mədəniyyət və İncəsənət Universitetinin "Musiqili teatr" kafedrasının dosenti olmuşdur. 2000-ci ilə kimi pedaqoq kimi fəaliyyət göstərdiyi illər ərzində bir çox rejissorların, aktyorların yetişməsində müstəsna xidmətləri olub.

1999-cu ildən sənətçi Azərbaycan Dövlət Musiqili Komediya Teatrında quruluşçu rejissor kimi fəaliyyətini davam etdirir.

Burada F.Zöhrabov "Dəli dünya", "Bankir adaxlı", "Məhəbbət oyunu", "Talelər qovuşanda", "Aldın payını, çağır dayını" və s. kimi bir-birindən maraqlı tamaşalar hazırlamışdır.

5 iyun, 2009-cu ildə Bakıda ürək çatışmazlığından vəfat etmişdir.

Filmoqrafiya[redaktə | mənbəni redaktə et]

  1. Beşmərtəbəli evin altıncı mərtəbəsi (film, 1996)