Fikrət Məmmədov (general)

Vikipediya, azad ensiklopediya
Jump to navigation Jump to search
Fikrət Məmmədov
Şəkil yoxdur.jpg
Doğum tarixi 9 dekabr 1961(1961-12-09)
Doğum yeri Lənkəran rayonu
Vəfat tarixi 15 may 2002(2002-05-15)
Vətəndaşlığı Azərbaycan Azərbaycan
Qoşun növü Azərbaycan Quru Qoşunları,Azərbaycan Silahlı Qüvvələri
Xidmət illəri 1980- 2002
Rütbə 16.AzLF-MG.png General-mayor
Təltifləri Azərbaycan Bayrağı ordeni - lent (1993-2013).png, "Qırmızı Ulduz" ordeni

Fikrət Məmmədov (d. 9 dekabr 1961, Lənkəran, Azərbaycan SSR, SSRİ – ö. 15 may 2002, Gədəbəy, Azərbaycan)— Azərbaycan Silahlı Qüvvələrinin generalı, Üçüncü Ordu Korpusunun komandiri, "Qırmızı Ulduz", "Azərbaycan Bayrağı" ordeni kavaleri.

Həyatı[redaktə | əsas redaktə]

Fikrət Seyfulla oğlu Məmmədov 9 dekabr 1961-ci ildə Lənkəran şəhərində anadan olub. 1978-ci ildə Lənkəran şəhər 4 saylı beynəlmiləl orta məktəbi bitirib. Elə həmin il Azərbaycan Dövlət Neft və Kimya İnstitutunun Qaz və neft istehsalı fakültəsinə daxil olub. Lakin, institutun II kursunun birinci semestrini bitirən Fikrət Məmmədov sənədlərini geri götürüb. Bir müddət Lənkəran 7 saylı avtobazada çilingər işləyib və 1980-ci ildə Bakı Ali Komandirlər məktəbinə daxil olub. 1985-ci ilin avqust ayından Əfqanıstan Demokratik Respublikasında desant qırıcı tağım komandiri, desant qırıcı bölük komandiri vəzifələrində xidmət edən Fikrət Məmmədov 1990-1993-cü illərdə Moskvada M.Frunze adına Hərbi Akademiyada təhsil alıb. 1993-cü ildən Azərbaycan Ordusunun tərkibində birbaşa cəbhəyə yollanıb və briqada komandiri təyin olunub. 1998-ci ilin mayında isə Fikrət Məmmədova general-mayor rütbəsi verilməklə Üçüncü Ordu Korpusunun komandiri vəzifəsinə təyinat alıb. Vətənin müdafiəsində göstərdiyi xidmətlərə görə "Qırmızı Ulduz" , "Azərbaycan Bayrağı" orden və medalları ilə təltif olunub. General-mayor Fikrət Məmmədov 2002-ci il mayın 15-də xidməti vəzifəsini yerinə yetirərkən avtomobil qəzasında faciəli şəkildə həlak olub. II Fəxri Xiyabanda dəfn olunub.

Fikrət Məmmədovun əbədiləşdirilməsi üçün Lənkəranda şəhərin mərkəzi küçələrindən birinə onun adı verilib. Oxuduğu Lənkəran şəhər 4 nömrəli hümanitar təmayüllü məktəb-liseydə tunc büstü qoyulub, doğulduğu evə isə xatirə lövhəsi vurulub.

Mükafatları[redaktə | əsas redaktə]

İstinadlar[redaktə | əsas redaktə]