Frenk Darabont
| Frenk Darabont | |
|---|---|
| ing. Frank Darabont | |
 | |
| Doğum adı | Ferenc Árpád Darabont |
| Doğum tarixi | 28 yanvar 1959[1][2] (65 yaş) |
| Doğum yeri | |
| Vətəndaşlığı | |
| Fəaliyyəti | ssenarist, film prodüseri, kinorejissor, yazıçı, televiziya prodüseri[d], rejissor |
| Fəaliyyət illəri | 1981-ci ildən |
| IMDb | ID0001104 |
 Vikianbarda əlaqəli mediafayllar | |
Frenk Arpad Darabont (28 yanvar 1959[1][2], Monbelyar[d], Du, Fransa) — amerikalı film rejissoru. O, üç dəfə "Oskar" və bir dəfə "Qızıl Qlobus" mükafatına namizəd olmuşdur. Karyerasına başladığı ilk vaxtlarda qorxu filmləri "Qarağac küçəsində qarabasma 3", "The Blob" və "The Fly II" üçün ssenari yazmışdır. Frenk ən çox yazıçı Stiven Kinqin əsərlərini ekranlaşdırması ilə tanınma qazanmışdır. O, Kinqin müəllifi olduğu romanları əsasında "Şouşenkdən qaçış", "Yaşıl mil" və "Duman" filmlərini çəkmişdir. Frenk həmçinin "Gəzən ölülər" teleserialının ilk mövsümünün rejissorluğunu etmişdir.
Həyatı[redaktə | mənbəni redaktə et]
Frenk Darabont 1959-cu ildə Fransanın Monbelyar şəhərindəki qaçqın düşərgəsində anadan olub.[3][4] Onun valideynləri 1956-cı ildə Macar inqilabından sonra uşaqları ilə birlikdə Fransaya üz tutmuşdur. Frenk körpə olarkən ailəsi ABŞ-ə köçüb. Onlar Əvvəlcə Çikaqoya, daha sonra isə Frenkin beş yaşı olarkən Los-Ancelesə köçdülər.[5]
Frenkin filmə olan marağı gənc yaşlarında Corc Lukasın rejissoru olduğu "THX 1138" filmini görən zaman başladı.[6] O, orta məktəb təhsilini 1977-ci ildə Hollivud Liseyində başa vurmuşdur. Frenk ali təhsil almamışdır.[7]
Məktəbi bitirdikdən sonra Frenk, Hollivuddakı Qraumanın Misir Teatrında işə götürülüb. O, bu kinoteatrda çalışarkən pul ödəmədən çoxlu filmlərə baxmaq imkanı qazanmışdı. Frenk boş vaxtlarında yazı makinasında yazı yazıb, masa başında saysız-hesabsız saatlar keçirərək yazı bacarıqlarını inkişaf etdirdiyini deyir. O, həmçinin uşaqlıq dostu Kodi Hillsə yazıçı kimi inkişafına töhfə verdiyinə görə təşəkkür edir.
İstinadlar[redaktə | mənbəni redaktə et]
- ↑ 1 2 Frank Darabont // Internet Speculative Fiction Database (ing.). 1995.
- ↑ 1 2 Frank Darabont // Munzinger Personen (alm.).
- ↑ Elvy, Craig. "Why Frank Darabont Left The Walking Dead". ScreenRant. September 7, 2019. September 15, 2019 tarixində arxivləşdirilib. İstifadə tarixi: November 23, 2019.
- ↑ "Empire". Empire. August 14, 2015. September 4, 2019 tarixində arxivləşdirilib. İstifadə tarixi: November 23, 2019.
- ↑ ""Post Mortem with Mick Garris": Episode 1 -- Frank Darabont". IMDb. 2016-04-17 tarixində arxivləşdirilib. İstifadə tarixi: 2023-11-11.
- ↑ "A Conversation With Frank Darabont". October 17, 2015 tarixində orijinalından arxivləşdirilib.
- ↑ Frank Darabont Interview Arxivləşdirilib aprel 5, 2014, at the Wayback Machine
Xarici keçidlər[redaktə | mənbəni redaktə et]
- Frenk Darabont — IMDb səhifəsi
- Lilja, Hans-Åke. Interview Lilja's Library – The World of Stephen King, February 6, 2007