Fyodr Qaqloyev

Vikipediya, azad ensiklopediya
Jump to navigation Jump to search
Fyodr Qaqloyev
Doğum tarixi 11 (24) sentyabr 1913
Doğum yeri
Vəfat tarixi 12 avqust 1983(1983-08-12) (69 yaşında)
Vəfat yeri
Fəaliyyəti yazıçı
Əsərlərinin dili Osetin dili
Mükafatları "Qırmızı əmək bayrağı" ordeni "Qırmızı ulduz" ordeni "Vladimir İliç Leninin anadan olmasının 100 illiyi münasibətilə" yubiley medalı "1941–1945-ci illər Böyük Vətən müharibəsində Almaniya üzərində qələbəyə görə" medalı "1941–1945-ci illərdə Böyük Vətən müharibəsində qələbənin 20 illik yubileyi" medalı "1941–1945-ci illər Böyük Vətən müharibəsində qələbənin 30 illiyi" yubiley medalı "SSRİ Silahlı Qüvvələrinin 50 illiyi" yubiley medalı "SSRİ Silahlı Qüvvələrinin 60 illiyi" yubiley medalı

Fyodr Qaqloyev[1] (11 (24) sentyabr 1913, Bakı12 avqust 1983, Sxinval) — Cənubi Osetiya, Sovet yazıçısı, şairi, dramaturqu və ədəbiyyatşünası. oset. "Fidiuæg" ədəbi jurnalının redaktoru. Cənubi Osetiya Kosta Xetaqurov adına Dövlət Mükafatı laureatı.

Bioqrafiyası[redaktə | mənbəni redaktə et]

1913-cü il sentyabrın 11-də Bakıda neftçi ailəsində anadan olmuşdur. 1918-ci ildə Fyodr Qaqloyevin ailəsi doğma Osetiyanın Uanel kəndinə qayıdır. 1920-ci ildə Cənubi Osetiya üsyanı zamanı menşeviklərin silahlı dəstələrinin hücumu səbəbindən ailəsi Şimali Osetiyaya qaçır və bir il sonra vətənə qayıdır. Ailəsinin çətin maddi vəziyyəti səbəbindən çobanlıq edir. Tsxivalidə fermer işçilərinin məktəb kurslarını bitirir, sonra 1935-ci ildə bitirdiyi Tsxinvali Pedaqoji Texnikumuna daxil olur. 1934-cü ilin mayında SSRİ Yazıçılar Birliyinin Osetiya şöbəsinin qurulması üçün təşkilati toplantıda iştirak edir[2]. Texnikumdan sonra Leninqor rayonunun Orçosan kəndində səkkiz illik məktəbdə direktor olaraq çalışır. 1937-ci ilə qədər bu vəzifəni tutur. 1939-cu ildə Sovet İttifaqı Kommunist Partiyası üzvlüyünə qəbul edilir. Bundan sonra 1941-ci ilə qədər Cənubi Osetiyanın "Kommunist" qəzetinin redaksiyasında kənd təsərrüfatı şöbəsinin müxbiri işləyir.

Böyük Vətən müharibəsi başlayandan sonra Qırmızı Ordu sıralarına çağırılır. Bir atıcı bölüyündə komandir olaraq xidmət edir. 17 may 1942-ci ildə Kerç uğrunda gedən döyüşdə sol qolundan ağır yaralanır. Xəstəxanada müalicədən sonra 1943-cü ildə tərxis edilir. Bu döyüş üçün sonradan Qırmızı Ulduz ordeni alır. Tsxinvaliyə qayıdaraq "Kommunist" qəzetinin redaksiyasında çalışır. 1945-1950-ci illərdə Cənubi Osetiya oset. «Фидиуæг» ədəbi jurnalının məsul katibi olur. 1950-ci ildə o, Gürcüstan DTK-sı tərəfindən uydurulmuş Osetiya millətçilərinin işi üzrə məsələdən dolayı vəzifəsindən azad edilir. 1951-ci ildə Cənubi Osetiya Pedaqoji İnstitutunun osetin dili və ədəbiyyatı fakültəsinin qiyabi şöbəsinə daxil olur. 1954-cü ildə "Fidiuæg" jurnalının baş redaktoru təyin edilir.

1955-ci ildə SSRİ Yazıçılar Birliyinin Cənubi Osetiya şöbəsinin məsul katibi seçilir. 1972-ci ilə qədər bu vəzifədə çalışır. Cənubi Osetiya Dram Teatrının ədəbi şöbəsinin müdiri olur.

Ömrünün son illərində ağır xəstəlikdən əziyyət çəkir. 12 avqust 1983-cü ildə Tsxinvalida dünyasını dəyişir.

Yaradıcılığı[redaktə | mənbəni redaktə et]

İlk şeirlərini 1935-ci ildə nəşr etdirir. 1940-cı ildə oset. «Фæндыры зæлтæ» adlı ilk şeirlər toplusunu nəşr etdirir. Ən böyük şöhrəti ona 1948-ci ildə Böyük Vətən müharibəsinə həsr olunmuş oset. «Адджын у цард» şeir toplusu gətirir. Osetin ədəbiyyatı tarixində ilk lirik hekayəsi olaraq Aminutu yazır. 1961 -ci ildə oset. «Тулдзы къох» adlı ilk nəsr toplusunu və 1966-cı ildə oset. «Уæ бонтæ хорз, адæм!» ilk romanını nəşr etdirir.

Bir neçə dram əsərləri yazır. Tərcümə ilə məşğul olur.

Mükafatlar[redaktə | mənbəni redaktə et]

Qırmızı Əmək Bayrağı ordeni (04.17.1958).

"Qırmızı Ulduz" ordeni (11/06/1945)

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. Fyodr Qaqloyev[ölü keçid]
  2. "История в фотографии". 2015-12-08 tarixində arxivləşdirilib. İstifadə tarixi: 2021-10-17.

Xarici keçidlər[redaktə | mənbəni redaktə et]