Gülüstan Əliyeva

Vikipediya, açıq ensiklopediya
Jump to navigation Jump to search
Gülüstan Əliyeva
Gülüstan Həsən qızı Əliyeva
Gülüstan Əliyeva.JPG
Sənətçi məlumatları
Doğum tarixi 8 aprel 1967 (1967-04-08) (52 yaş)
Doğum yeri Yevlax, Azərbaycan SSR, SSRİ
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşəsi opera müğənnisi
Musiqi aləti vokal

Əliyeva Gülüstan Həsən qızı — Azərbaycanın opera müğənnisi, Azərbaycan Respublikasının Əməkdar artisti (2005)

Həyatı[redaktə | əsas redaktə]

Gülüstan Əliyeva 8 aprel 1967-ci ildə Yevlaxda doğulub. Kiçik yaşlarından musiqi ilə məşğuldur. Yevlaxda orta məktəbdə oxuyanda atası onu, bacılarını musiqiyə cəlb eləyib, "Pionerlər evi"ndə musiqi təhsili alıb. 1981-ci ildə keçirilən Cənc İstedadların Respublika Müsabiqəsində üç turun üçündən də əla qiymət alıb müsabiqənin qalibi olan Gülüstan 1982-ci ildə Yevlaxdan Bakıya - Bülbül adına Orta İxtisas Musiqi Məktəbinə təhsil almağa göndərilib. İslam Rzayevdən muğamın sirlərini öyrənib. 1985-ci ildə məktəbi fərqlənmə ilə bitirib. Elə həmin il Dövlət Konservatoriyasında açılan muğam sinfinin ilk tələbəsi və ilk məzunu olub. 1990-cı ildə konservatoriyanı fərqlənmə ilə bitirib. 1995-1996-cı illərdə Muğam Teatrında solist işləyib. 1997-ci ildən Akademik Opera və Balet teatrının solistidir. İlk dəfə "Leyli və Məcnun" operasında Məcnunun anası rolunu oynayıb. "Leyli və Məcnun"da Leyli, "Aşıq Qərib"də Şahsənəm, "Şah İsmayıl"da Ərəbzəngi, "Gəlin qayası"nda Sənəm, "Arşın mal alan"da Cahan, "O olmasın, bu olsun"da Sənəm, "Natəvan"da xanəndə qız obrazlarını yaradıb. Milli Konservatoriyanın və İncəsənət Gimnaziyasının müəllimidir. Əməkdar artistdir (2005). 1 may 2017-ci ildə[1], 9 may 2018-ci ildə[2]10 may 2019-cu ildə[3] Prezident Mükafatına layiq görülmüşdür.

Filmoqrafiya[redaktə | əsas redaktə]

  1. Qız qalası (film, 2000)
  2. Müəmmalı yubiley (film, 2007)
  3. Oyunçu (film, 2008)

İstinadlar[redaktə | əsas redaktə]

Xarici keçidlər[redaktə | əsas redaktə]