Həkim Qəni

Vikipediya, açıq ensiklopediya
Jump to navigation Jump to search
Həkim Qəni
Fotoqrafiya
Doğum tarixi 16 fevral 1918(1918-02-16)
Doğum yeri Bakı, Flag of the Russian Empire (black-yellow-white).svg Rusiya İmperiyası
Vəfatı 10 iyun 2008 (90 yaşında)
Vəfat yeri Bakı, Flag of Azerbaijan.svg Azərbaycan
Fəaliyyəti şair

Həkim Qəni (azərb. Hüseynov Qəni Hüseynqulu oğlu‎, 16 fevral 1918, Bakı - 10 iyun 2008, Bakı) — şair, qəzəlxan, füzulişünas alim, tərcüməçi, tibb xidməti polkovniki, prezident təqaüdçüsü.

Həyatı[redaktə | əsas redaktə]

Həkim Qəni 16 fevral 1918-ci ildə Bakı şəhərində anadan olub[1].

Ali təhsilini Tibb İnstitutunda almışdır (1936-1941). İkinci Dünya Müharibəsinin iştirakçısı olmuş, müharibədə hərbi həkim kimi fəaliyyət göstərmişdir (1941-1945).

1967-ci ildə ordudan tərxis olunub və o, Mirqasımov adına Mərkəzi Xəstəxananın nevropotologiya şöbəsinə rəhbərlik edib. Uzun illər Azərbaycanın baş nevropotoloqu olub[2].

Şair Əliağa Vahidin şəxsi həkimi və yaxın dostu olmuşdur[3].

1990-cı ildən[4] (başqa məlumata görə 1993-cü ildən) etibarən Vahid poeziya evində “Vahid“ ədəbi şairlər məclisinə sədrlik etmişdir.

Həkim Qəni 10 iyun 2008-ci ildə Bakı şəhərində ürək çatışmazlığından vəfat etmiş və öz vəsiyyətinə uyğun olaraq Yasamal qəbiristanlığında dəfn olunmuşdur[4].

Ailəsi[redaktə | əsas redaktə]

Həkim Qəninin 4 övladı olmuşdur. 1983-cü ildə həyat yoldaşı rəhmətə gedib. Bundan sonra o başqa bir qadınla ailə həyatı qurub. 2003-cü ildə isə ikinci həyat yoldaşı ondan ayrılıb[2]. Şairə Solmaz Şirin Həkim Qənin həyat yoldaşı idi[5].

Yaradıcılığı[redaktə | əsas redaktə]

Gənc yaşlarından poeziya ilə maraqlanmış, ilk şerlərini 30-cu illərdə yazmışdır. Yüzlərlə qəzəlin, həmçinin heca vəznində olan şeirlərin (qoşmalar, bayatılar və s.), bir neçə dram əsərinin, poemanın, aforizmlərin və s. müəllifidir. Məhəmməd Füzulinin 120 qəzəlinə təxmis yazmış, 100-dən çox qəzəlini rus dilinə tərcümə etmişdir. 12-dən çox kitabı nəşr olunub.

M.Füzuli, S.Ə.Şirvani, Ə.Cavad, M.Ə.Sabir, H.Cavid, M.Şəhriyar, Ə.Vahid yaradıcılığının, Şərq ədəbiyyatının, o cümlədən, əruzvəznli Azərbaycan poeziyasının kamil bilicisi olmuşdur.

Kitabları[redaktə | əsas redaktə]

  1. Qənimətdir keçən hər gün. Təxmislər, qəzəllər, qoşmalar, bayatılar. Bakı, “İşıq”, 1992. 168 səh.
  2. Füzuliyə təxmislər. Bakı “Boz oğuz”, 1997. 156 səh.
  3. Söz-sənət məbədgahı. "Vahid" Ədəbi məclisi [almanax]. Bakı, “Təfəkkür”, 2000. 284 səh.
  4. Füzuliyə təxmislər. Bakı, “Şirvannəşr”, 2004. 200 səh.
  5. Qəzəllər. Bakı, “Şirvannəşr”, 2005. 432 səh.
  6. Bayatılar, Atmacalar, Qoşmalar. Bakı, “Adiloğlu”, 2008. 544 s

Filmoqrafiya[redaktə | əsas redaktə]

İstinadlar[redaktə | əsas redaktə]

  1. Həkim Qəni — Muğam Ensiklopediyası Yoxlanılıb: 01.08.2014
  2. 2,0 2,1 "ƏZİZBƏYOV MƏHKƏMƏSİNDƏ ŞƏRİƏT QƏRARI" (azərb.). musavat.com (18 Mart 2009 07:41).
  3. Elçin Qaliboğlu. "Əliağa Vahid poeziyası" (azərb.). anl.az (2009. - 29 oktyabr).
  4. 4,0 4,1 "Şair-qəzəlxan Həkim Qəni vəfat edib" (azərb.). meyxana.net (11.06.2008, 23:48).
  5. Məleykə Göyçəli. "Qismətini gözləyirdin, bu da qismətin, gəlib çatdı, tale səni yavaş-yavaş sənətin içinə atdı" (azərb.). solmazshirin.com (2012/09/03 11:34PM).

Xarici keçidlər[redaktə | əsas redaktə]

  1. Həkim Qəni - anl.az

Ədəbiyyat[redaktə | əsas redaktə]

  1. Elçin Qaliboğlu, Əliağa Vahid poeziyası (Şair-qəzəlxanın vəfatından 44 il ötür), Xalq Cəbhəsi. - 2009.- 29 oktyabr.- Səh.14.