II Maksimillian

II Maksimillian
II Maksimillian
Müqəddəs Roma imperatoru
	25 iyul 1564 – 12 oktyabr 1576
Əvvəlki	I Ferdinand
Sonrakı	II Rudolf
Şəxsi məlumatlar
Doğum tarixi	31 iyul 1527[…]
Doğum yeri	Vyana, Habsburq monarxiyası;
Vəfat tarixi	12 oktyabr 1576[…] (49 yaşında)
Vəfat yeri	Regensburq, Yuxarı Pfalts, Bavariya;
Dəfn yeri	Müqəddəs Vit kafedralı;
Fəaliyyəti	imperator
Atası	I Ferdinand
Anası	Bohemiyalı Anna
Həyat yoldaşı	Avstriyalı Mariya (1548-ci ildən);
Uşaqları	Avstriyalı Anna,; II Rudolf,; Avstriyalı Elizabeta,; Matvey,; III Maksimilyan,; VII Albert;
Ailəsi	Habsburqlar sülaləsi
Dini	Roma-Katolik kilsəsi
Təltifləri
	Vikianbarda əlaqəli mediafayllar

II Maksimilyan (31 iyul 1527^[1]^[2]^[…], Vyana – 12 oktyabr 1576^[1]^[2]^[…], Regensburq) — 1562-ci ildə Bohemiya və Almaniya kralı, 1563-cü ildə Macarıstan və Xorvatiya kralı, 1564-cü ildə isə Müqəddəs Roma imperatoru olan siyasi xadim.

Həyatı

1527-ci ildə Vyanada dünyaya gəldi. Atası Macarıstan, Xorvatiya və Bohemiya kralı I Ferdinand, anası isə Macarıstan kralı II Vladislavın qızı Kraliça Annadır. Adını ulu babası I Maksimilyanın şərəfinə almışdır. Doğulduğu əsnada əmisi V Karl Müqəddəs Roma imperatoru və Habsburq imperiyasının başçısı, atası isə Macarıstan, Xorvatiya və Bohemiya kralı idi. Uşaqlıq illəri atasının İnsbrukdakı sarayında keçdi və təhsilinin böyük qismini İtalyan şəhər-dövlətlərində aldı. 17 yaşında etibarən əmisi V Karlın hərbi səfərlərində iştirak etdi və hərbi təcrübə qazandı.

13 sentyabr 1548-ci ildə Kastiliyadakı Valyadolid qəsrində əmisi V Karlın qızı İnfanta Mariya ilə evləndi. Bu tarixdən etibarən əmisinin İspaniyadakı naibi kimi bir neçə dəfə xidmət etdi. Atasının kiçik qardaşı İnfant Ferdinandı Bohemiya taxt-tacına namizəd göstərməsinin ardından atasıyla münasibətləri pisləşdi. Ardından Müqəddəs Roma imperatoru ünvanının varisliyi üçün 1550-ci ilin dekabrında Almaniyaya qayıtdı və müzakirələrə başladı. Ancaq bu illərdə əmisi ilə də münasibətləri pisləşdi. Belə ki, əmisi V Karl Müqəddəs Roma imperatoru ünvanını öz oğlu II Filipp üçün miras saxlamağı düşünürdü. Bu isə həm atası I Ferdinand, həm də Maksimilyanın etirazına səbəb oldu. Bu taxt mübarizəsi əmisi oğlu II Filipplə münasibətlərinin pisləşməsinə və Habsburq ailəsinin İspaniya və Avstriya qolları arasındakı soyuqluğa səbəb oldu.

1552-ci ildə təntənəli bir mərasimlə Vyanaya daxil olan Maksimilyan Hofburq sarayında məskunlaşdı. 1556-cı ildə əmisinin taxtdan çəkilməsinin ardından atası I Ferdinand Müqəddəs Roma imperatoru ünvnanı aldı. Bu dövrdə Maksimilyanın dini inancı müzakirəyə səbəb oldu. Çünki protestant alman əsilzadələriylə yaxın əlaqələri vardı və bu, həm atasını, həm də dövrün Roma papası IV Pavelin narajhatlığına səbəb olmuşdu. papanın təzyiqləri nəticəsində, atası oğlunun məzhəb dəyişdirməsi halında taxt hüququndan məhrum ediləcəyini yazılı şəkildə bəyan etdi. Bu səbəblə, 1560-cı ildən etibarən yenidən katolik dini ayinlərinə qatılmağa başladı.

Nəhayət, 1562-ci ildə Frankfurtda baş tutan seçimdə Roma və Almaniya kralı elan olundu. Tacqoyma mərasimi Aaxendə olmayan ilk Roma kralı oldu. Qısa zaman sonra 1563-cü ildə Macarıstan və Xorvatiya kralı elan olundu. Atasının ölümünün ardından isə 1564-cü ildə Müqəddəs Roma imperatoru ünvanına sahibləndi. Taxta çıxmasının ardından tarixi alman torpaqlarındakı lüteran əsilzadələrə dini azadlıq verdi. Osmanlılara qarşı mübarizə apardı. 1566-cı ildə Zigetvar qalası qısa mühasirənin ardından Osmanlılar tərəfindən ələ keçirildi. Ancaq mühasirə davam edərkən Osmanlı sultanı Sultan Süleyman Qanuni yaşlılığı səbəbilə vəfat etdi. Ardından başlayan sülh müzakirələri 1568-ci ildə Ədirnədə bağlanan atəşkəslə nəticələndi. Beləcə, II Maksimilyan Osmanlı sultanının Transilvaniya, Valaxiya və Moldova üzərindəki taxt haqqını tanımalı oldu.

Bu illər ərzində əmisi oğlu olan İspaniya kralı II Filipplə münasibətləri yaxşılaşmışdı. Hətta, 1570-ci ildə böyük qızı hersoginya Annanı II Filipplə evləndirdi və bu, kralın dördüncü evliliyi oldu. Polşaya qarşı hərbi səfərə hazırlıq davam edərkən, 12 oktyabr 1576-cı ildə Regensburqda vəfat etdi. Ölüm döşəyində ikən son dini ayinlərdən imtina etdi. Vəfatının ardından Praqadakı Müqəddəs Vit kafedralına dəfn edildi.

Şəcərəsi

Övladları	Doğum tarixi	Ölüm tarixi	Evliliyi	Nəvələri
Anna İspaniya kraliçası	2 noyabr 1549	26 oktyabr 1580 (30 yaşında)	II Filipp (4 may 1570)	III Filipp
II Rudolf Müqəddəs Roma imperatoru	18 iyul 1552	20 yanvar 1612 (59 yaşında)	-	yoxdur
Ernest	15 iyun 1553	20 fevral 1595 (41 yaşında)	-	yoxdur
Elizabeta Fransa kraliçası	5 iyul 1554	22 yanvar 1592 (37 yaşında)	IX Karl (26 noyabr 1570)	Valualı Mariya Elizabet
Matvey Müqəddəs Roma imperatoru	24 fevral 1557	20 mart 1619 (62 yaşında)	Avstriyalı Anna (4 dekabr 1611)	yoxdur
III Maksimilian	12 oktyabr 1558	2 noyabr 1618 (60 yaşında)	-	yoxdur
VII Albrext	13 noyabr 1559	13 iyul 1621 (61 yaşında)	İzabella Klara Yevgeniya (18 aprel 1599)	yoxdur
Vençeslaus	9 mart 1561	22 sentyabr 1578 (17 yaşında)	-	yoxdur
Marqarita	25 yanvar 1567	5 iyul 1633 (66 yaşında)	-	yoxdur

Mənbə

Ədəbiyyat

Gulyás, Borbála. The Fight Against the Ottomans in Hungary and the Court Festivals of the Habsburgs in the Sixteenth Century // Fodor, Pál; Ács, Pál (redaktorlar ). Identity and Culture in Ottoman Hungary. De Gruyter. 2020. 277–300. ISBN 9783112209301.293
Wilson, Peter H. Heart of Europe: A History of the Holy Roman Empire. The Belknap Press of Harvard University Press. 2016. ISBN 9780674058095.

Fichtner, Paula Sutter. Emperor Maximilian II (Yale University Press, 2001) ISBN 978-0-30008-527-3
Fichtner, Paula Sutter. Historical Dictionary of Austria (Scarecrow Press, 2009) ISBN 978-0-81085-592-2

İstinadlar

1 2 3 4 Maximilian II // Encyclopædia Britannica (ing.).
1 2 3 4 5 Lundy D. R. Maximilian II von Habsburg, Holy Roman Emperor // The Peerage (ing.).
1 2 3 4 5 Kindred Britain.

[_c43c7e4d480a338d-1] 1 2 3 4 Maximilian II // Encyclopædia Britannica (ing.).

[_5b72860c269574b3-2] 1 2 3 4 5 Lundy D. R. Maximilian II von Habsburg, Holy Roman Emperor // The Peerage (ing.).

[_1558dff11e7437ea-3] 1 2 3 4 5 Kindred Britain.

[1]

[2]

[3]