Məzmuna keç

Kərim Benzema

Vikipediya, azad ensiklopediya
Kərim Benzema
fr. Karim Benzema
Ümumi məlumatlar
Tam adı fr. Karim Mostafa Benzema
Ləqəbi El Qato
Doğum tarixi 19 dekabr 1987(1987-12-19)[1][2][…] (37 yaş)
Doğum yeri
Vətəndaşlığı
Boyu 187 sm
Çəkisi 81 kq
Mövqeyi Hücumçu
Əsas ayağı sağ
Klub haqqında məlumat
Klub Səudiyyə Ərəbistanı Əl-İttihad
Nömrəsi 9
Karyerası
Gənclik karyerası
1995—1996 Fransa Bran Terrayan
1996—2004 Fransa Lion
Klub karyerası[* 1]
2004–2006 Fransa Lion B 20 (15)
2004—2009 Fransa Lion 112 (43)
2009—2023 İspaniya Real Madrid 439 (238)
2023—h.h. Səudiyyə Ərəbistanı Əl-İttihad 15 (9)
Milli yığma[* 2]
2002—2004 Fransa Fransa U-17 4 (1)
2004—2005 Fransa Fransa U-18 17 (14)
2005—2006 Fransa Fransa U-19 9 (5)
2006 Fransa Fransa U-21 5 (0)
2007—2022  Fransa 97 (37)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 16 yanvar 2024 tarixində redaktə olunub.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 16 yanvar 2024 tarixində redaktə olunub.
Vikianbarın loqosu Vikianbarda əlaqəli mediafayllar

Kərim Mustafa Benzema (fr. Karim Mostafa Benzema; 19 dekabr 1987[1][2][…], Lion[3][4]) — Əl-İttihad klubunda hücumçu mövqeyində oynayan fransalı futbolçu.

Həyatı

[redaktə | vikimətni redaktə et]

Kərim Mustafa Benzema 19 dekabr 1987-ci ildə Fransanın Lion şəhərində anadan olub. Əslən Kabili qəbiləsindən olan fransız futbolçu yeniyetmə yaşlarından tanınıb. Futbola "Lion" klubunun uşaq futbol məktəbində başlayıb. 17 yaşında ikən bu klubun əvəzedici komandasında ən yaxşı hücumçu olub. O rəqib qapısından 30-dan artıq top keçirib. 2004-cü ildə elə 17 yaşında ikən də "Lion"un əsas heyətində oynamağa başlayıb. Həmin dövrdə Fransanın gənclərdən ibarət yığma komandasının heyətində Avropa çempionu olan Kərim Benzemanı məşhur futbolçu David Trezeqe ilə müqayisə edirdilər. Lakin onun göstərdiyi parlaq oyununu görən futbol mütəxəssisləri sonrakı illərdə bu istedadlı gənci həmyerlisi Zinəddin Zidanla müqayisə etməyə başladılar. Tədricən "Lion"un heyətində möhkəmlənən Benzema 2007–2008-ci illər mövsümündə Fransa çempionatında 20 top vuraraq bombardir oldu. Bunu görən Avropanın tanınmış futbol klubları "Real", "Yuventus", "Liverpul" və "Çelsi" gənc ulduzun transferi üçün hərəkətə keçdilər. Lakin Benzema onların transfer təklifini rədd edərək: ""Lionl"a Çempionlar liqasının qalibi olmayana kimi komandamı tərk etməyəcəyəm" deyə bəyan etdi. 2008–2009-cu illər mövsümündə Fransa çempionatında Benzema 36 oyunda rəqib qapısından 17 top keçirərək yenidən bombardirlər sırasında oldu. Ümumiyyətlə "Lion"da oynadığı 149 oyunda Benzema rəqib qapılarından 66 top keçirdi. Benzemanın "Lion"u tərk etmək istəməməsinə baxmayaraq klub rəhbərliyi 2009-cu ildə "Real Madrid" tərəfindən futbolçunun transferi üçün təklif edilən 35 milyon avro qarşısında tab gətirə bilmədi. Klub rəhbərliyi çətinliklə də olsa Kərim Benzemanı "Real"a transfer olunmağa razı sala bildi. 2009-cu il iyul ayının 1-də Benzemanın 35 milyon avroya "Lion"dan "Real Madrid"ə transfer edilməsi barədə iki klub arasında rəsmi anlaşma imzalandı. Bu müstəvidə də Benzema ilə 6 illik anlaşma imzalandı. Benzema "Real"dan ildə 6,5 milyon avro alacaqdı. Vergi tutulandan sonra isə Benzemanın illik qazancı 5 milyon avroya endi. İlk mövsümdə Benzema 11 nömrə altında "Real"ın heyətində 33 oyunda meydana çıxdı və rəqib qapılarından 9 top keçirdi. Növbəti mövsümdə isə Raulun "Şalke"yə transfer olmasından sonra Ronaldu 7, Benzema isə "Real"ın heyətində 9 nömrə altında oynamağa başladı. 2010–2011-ci illər mövsümündə "Real"ın heyətində Benzema 48 oyunda rəqib qapısına 26 top vurdu. O mövsüm ərzində üç oyunda (hər oyunda 2 top) rəqib qapısından 2 top keçirərək dubl etdi. Ümumiyyətlə 2009–2015-ci illər mövsümündə Benzema "Real Madrid"in heyətində 281 oyunda meydana çıxıb və rəqib qapılarından 133 top keçirib. Bütün karyerası ərzində isə Kərim Benzema 450 oyunda oynayaraq 214 dəfə rəqib torunu silkələyib. Benzema 2011, 2012 və 2014-cü illərdə Fransada ilin futbolçusu elan edilib. Benzema Londonun "Arsenal" klubunun transfer təklifini qəbul edərək Arsen Vengerin komandasında oynamaq və karyerasını İngiltərədə davam etdirmək istəyirdi. Buna səbəb Arsen Vengerin fransız olması və Benzemaya komandada istədiyi şəraiti yaratmasını vəd etməsi idi. Lakin "Real Madrid" futbolçunun istəyinin əksinə gedərək onun "Arsenal"a keçməsinə razılıq vermədi.

2021-ci ilin oktyabrında, Mathieu Valbuena sextape işi üzrə Karim Benzemanın mühakiməsində, Versal prokurorluğu cinayət məhkəməsindən Kərim Benzemaya qarşı on aylıq şərti həbs və 75.000 avro cərimə kəsilməsini istədi.

2023-cü ilin oktyabrında Benzema Qəzzada İsrailin hava hücumlarının qurbanları ilə həmrəy olduğunu bildirib. Buna cavab olaraq Fransanın daxili işlər naziri Gerald Darmanin Kərim Benzemanı “Müsəlman Qardaşlar” kimi tanınan qrupla “əlaqə saxlamaqda” ittiham edib. Və Buş-du-Rhône Respublikaçılar Partiyasından olan senator Valeri Boyer, ittihamlar təsdiqlənərsə, oyunçunun Fransa vətəndaşlığından və "Qızıl top"dan məhrum edilməsini tələb etdi.

İstinadlar

[redaktə | vikimətni redaktə et]
  1. ↑ 1 2 Karim Benzema // Transfermarkt (çd.). 2000.
  2. ↑ 1 2 Karim Benzema // Roglo. 1997.
  3. ↑ 1 2 Benzema, l’arme fatale de l’OL (fr.).
  4. ↑ 1 2 magazine L. P. Le Point – Actualité Politique, Monde, France, Économie, High-Tech, Culture (fr.).
  5. ↑ 1 2 https://rmcsport.bfmtv.com/football/accuse-de-lien-notoire-avec-les-freres-musulmans-par-darmanin-benzema-peut-il-vraiment-etre-dechu-de-sa-nationalite-francaise-et-prive-de-son-ballon-d-or_AV-202310190335.html#:~:text=%22Karim%20Benzema%20est%20fran%C3%A7ais%2C%20il,aupr%C3%A8s%20de%20RMC%20et%20BFMTV.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Kərim_Benzema&oldid=7648606"