Kabrera Arxipelaqı Milli Parkı

Vikipediya, açıq ensiklopediya
Jump to navigation Jump to search

Kabrera Arxipelaqı Milli Parkı
isp. Parque Nacional Marítimo-Terrestre del Archipiélago de Cabrera
kat. Parc Nacional Maritimoterrestre de l'Arxipèlag de Cabrera
Kabrera arxipelaqı
Kabrera arxipelaqı
BTMB kateqoriyası — II (Milli park)
WLE Austria Logo (no text).svg
39°09′00″ şm. e. 2°57′00″ ş. u.
Ölkə İspaniya İspaniya
VilayətFlag of the Balearic Islands.svg Balear adaları
Sahəsi100 km2
Tarixi29 aprel 1991
Ziyarətçilər76.541 (2007)
Kabrera Arxipelaqı Milli Parkı (Balear adaları)
Green pog.svg
Commons-logo.svg Kabrera Arxipelaqı Milli Parkı Vikianbarda

Kabrera Arxipelaqı Milli Parkı (isp. Parque Nacional Marítimo-Terrestre del Archipiélago de Cabrera; kat. Parc Nacional Maritimoterrestre de l'Arxipèlag de Cabrera) — İspaniyanın Balear adaları muxtar birliyinin (isp. Islas Baleares; kat. Illes Balears) tərkib hissəsi olan Kabrera arxipelaqını əhatə edən milli park. Milli parkın sahəsi 100 km2-dir, amma sahəsinin 87 km2-lık hissəsi Aralıq dənizinin sularıdır. Buna görə də həm də dəniz milli parkıdır. Uzaqlığına görə milli parkın ziyarətçiləri azdır. Kabrera Arxipelaqı Milli Parkının daimi əhalisi yoxdur, lakin burada 100-ə yaxın milli park işçisi fəaliyyət göstərir.

Arxipelaq böyük təbii dəyərə malikdir. İzolyasiya olunmuş vəziyyətinə görə, arxipelaq demək olar ki, toxunulmamış qalmışdır. Kabrera arxipelaqının sahilləri İspaniyanın, hətta Aralıq dənizinin ən yaxşı qorunmuş sahilləri hesab olunur. Adalarda xeyli dəniz quş koloniyası vardır, burada endemik quş növləri aşkarlanmışdır. Quş növlərinin zənginliyinə görə milli park həm də Quşlar Direktivi tərəfindən "Xüsusi mühafizə bölgəsi" statusu qazanmışdır. Həmçinin Kabrera Arxipelaqı Milli Parkı "Natura 2000" layihəsi çərçivəsində "Cəmiyyət əhəmiyyətli yer" elan olunmuşdur. Milli park Barselona konvensiyasına görə "Aralıq dənizinin xüsusi qorunan ərazisi" statusu almışdır.

Uzaqlığına baxmayaraq, adalar inzibati cəhətdən Palma şəhərinin tərkibindədir.

Tarix[redaktə | əsas redaktə]

XIV əsrdən qaldığı düşünülən Kabrera qalası.

Arxipelaqın 1973-1986-cı illərdə İspaniya Silahlı Qüvvələri tərəfindən istifadə olunması onun qorunmasında çətinlik yaratmışdır. 1988-ci ildə Balear adaları bələdiyyəsi yekdillik nümayiş etdirərək Kabrera Arxipelaqı Milli Parkının təşkil edilməsi haqqında qətnamə hazırlamış və onu İspaniya hökumətinə göndərmişdir. 1991-ci ilin aprelin 29-unda Kabrera Arxipelaqı Milli Parkı qurulmuşdur.[1][2]

Məhdud da olsa, arxipelaqdan hələ də hərbi məqsədlər üçün istifadə olunur.

Ziyarət[redaktə | əsas redaktə]

Kabrera Milli Parkına çatmaq bir az çətindir, qayıqlar ancaq adaların limanında lövbər sala bilər. Milli park ətrafında Balear adalarında nadir görünən delfinləri və dəniz ilbizlərini görmək olar. Suya başvurma idmanı ilə məşğul olmaq məhduddur və bir günlük ziyarət xüsusi lisenziya tələb edir. Turist səfərləri çox nadir hallarda keçirilir. Piyada gəzintisi daha çox populyardır. Milli parkda ziyarətçi mərkəzi, XIV əsrdən qalma Kabrera qalası, muzey, kafe və hədiyyə mağazası yerləşir.

Həmçinin bax[redaktə | əsas redaktə]

İstinadlar[redaktə | əsas redaktə]

Biblioqrafiya[redaktə | əsas redaktə]

  • Moreno, Jorge; Ballesteros, Enrique; Amengual Ramis, José. Arxipièlag de Cabrera: parc nacional. Barcelona: Lunwerg Editores, 2001, ISBN 84-7782-798-2.  (kat.)  (ing.)

Xarici keçidlər[redaktə | əsas redaktə]

Vikianbarda Kabrera Arxipelaqı Milli Parkı ilə əlaqəli mediafayllar var.