Kamal Talıbzadə

Vikipediya, azad ensiklopediya
Jump to navigation Jump to search
Kamal Talıbzadə
Kamal Abdulla Şaiq oğlu Talıbzadə
İsmayıl Talıbzadə.jpg
Doğum tarixi 14 avqust 1923(1923-08-14)
Doğum yeri Bakı
Vəfat tarixi 19 yanvar 2006 (82 yaşında)
Vəfat yeri Bakı
Vətəndaşlığı Azərbaycan AzərbaycanSSRİ SSRİ
Milliyyəti azərbaycanlı
Həyat yoldaşı Rəfiqə xanım Talıbzadə
Atası Abdulla Şaiq
Təhsili Azərbaycan Dövlət Universitetinin filologiya fakültəsini
Fəaliyyəti tənqidçi, ədəbiyyatşünas [1]
Mükafatları "Şöhrət" ordeni (Azərbaycan) Azərbaycan SSR dövlət mükafatı

Kamal Talıbzadə — (Tam adı: Kamal Abdulla Şaiq oğlu Talıbzadə; d.14 avqust 1923, Bakı - ö.19 yanvar 2006, Bakı) — tənqidçi, ədəbiyyatşünas, 1952-ci ildən Azərbaycan Yazıçılar Birliyinin üzvü, filologiya elmləri doktoru (1965), professor (1972), Azərbaycan SSR Elmlər Akademiyasının müxbir üzvü (1980), Azərbaycanın Əməkdar Elm xadimi (1982), Azərbaycanın Əməkdar Maarif xadimi (1983), Azərbaycan Dövlət mükafatı laureatı (1986), Azərbaycan uşaq ədəbiyyatının banilərindən biri Abdulla Şaiqin oğlu.[2]

Həyat və fəaliyyəti[redaktə | əsas redaktə]

Kamal Talıbzadə 1923-cü il avqust ayının 14-də Bakı şəhərində anadan olmuşdur. İlk təhsilini burada alan K.Talıbzadə sonralar Azərbaycan Dövlət Universitetinin filologiya fakültəsini bitirmiş və 1945-ci ildən etibarən Azərbaycan EA-nın Nizami adına Ədəbiyyat İnstitutunda elmi fəaliyyətə başlamışdır. Müharibə illərində Azərbaycan Radio komitəsində ştatdankənar müxbir olmuş, 1948-ci ildə o, aspirantura təhsilini başa vuraraq "Abbas Səhhətin həyat və yaradıcılığı" mövzusunda dissertasiya müdafiə edib filologiya elmləri namizədi elmi dərəcəsi almışdır. 1949-1952-ci illərdə İstitutda baş elmi işçi, 1952-1960-cı illlərdə XIX-XX əsrlər şöbəsinin müdiri, 1960-1981-ci illərdə elmi işlər üzrə direktor müavini, 1980-ci ildə Azərbaycan EA-nın müxbir üzvü seçilmiş, 1980-86-cı illərdə tənqid tarixi və nəzəriyyəsi şöbəsinin müdiri, 1987-94-cü illərdə yeni dövr Azərbaycan ədəbiyyatı şöbəsinin rəhbəri vəzifələrində çalışmışdır. 1991-ci ildən Abddulla Şaiq mənzil muzeyinin təşkilatçısı və direktoru olmuş, 1994-cü ildən isə AMEA-nın məsləhətçisi kimi işləmişdir. 1950-52-ci illərdə BDU-da, 1984-86-cı illərdə isə Azərbaycan Dövlət Pedaqoji İnstitutunda Yeni dövr Azərbaycan ədəbiyyatı və tənqid tarixindən dərs demişdir. 1965-ci ildə Azərbaycan ədəbi tənqidinin tarixi və inkişaf xüsusiyyətləri ilə bağlı doktorluq dissertasiyasını müvəffəqiyyətlə müdafiə edən T.Kamal 1957-1966-ci illərdə "Müasir dövrdə dünya ədəbiyyatının inkişaf qanunauyğunluqları" respublika Əlaqələndirmə Şurasının sədr müavini, 1966-71-ci illər sədri, 1968-ci ildə müvəqqəti olaraq institutun direktoru, 1973-74-cü illər AMEA Rəyasət Heyətinin nəzdində olan elmi kadrların hazırlığı şurasının və ictimai elmlər üzrə elmi məlumat mərkəzi elmi şurasının üzvü, 1960-81-ci illər institutun elmi Şurasının, doktorluq və namizədlik elmi şuralarının sədr müavini olmuşdur. O, 1954-cü ildən Azərbaycan Yazıçılar İttifaqı idarə heyətinin, 1965-1976-cı illərdə isə Rəyasət heyətinin üzvü olmuş, K.Talıbzadə müxtəlif illərdə "Azərbaycan" jurnalı və Azərbaycan KP MK-nın orqanı olan "Azərbaycan kommunisti" jurnalının (1971-1978) redaksiya heyətində, 1980-87-ci illərdə Sovet Türkoloqları komitəsinin üzvü kimi fəaliyyət göstərmişdir. 1972-ci ildə professor seçilmişdir. İlk mətbu əsəri - Sovet İttifaqı Qəhrəmanı Adil Quliyevə həsr etdiyi oçerki 1944-cü ildə "Azrəbaycanın şanlı oğulları" kitabında çap olunmuşdur. Alim 19 yanvar 2006-cı ildə dünyasını dəyişmişdir.[3]

Mükafatları[redaktə | əsas redaktə]

K.Talıbzadə 1983-cü ildə isə ona "Əməkdar elm xadimi" fəxri adı verilmişdir. Elmi işindəki müvəfəqiyyətlərinə görə, xüsusilə, milli tənqidi fikrin tarixi mənzərəsini əks etdirən "Azərbaycan ədəbi tənqidinin tarixi" adlı əsərinə görə 1986-cı ildı ona Azərbaycan SSR Dövlət mükafatı təqdim edilmişdir. 1985-ci illərdə “Bilik Cəmiyyəti”, mükafına lyiq görülmüş, 1993-cü ildə Azərbaycan Elmlər Akademiyası alimi fəxri fərmanlarla təltif edib, onun nəşr olunan əsərləri beş dəfə mükafatlandırılıb. Kamal Talıbzadə 1970-ci ildə “Fədakar əməyə görə”, 1984-cü ildə SSRİ-nin, 1987-ci ildə Azərbaycanın “Əmək veteranı” medalları ilə təltif edilib, “Qabaqcıl maarif xadimi” (1983) fəxri adlarını alıb. Azərbaycan Jurnalistlər İttifaqı isə 1998-ci ildə tədqiqatçıya “Qızıl Qələm” mükafatını və “Kamaliyyə” diplomunu təqdim edib. [4]

Əsərləri[redaktə | əsas redaktə]

  • "Azərbaycan sovet ədəbiyyatı sülh və demokratika uğrunda" (1951);
  • "Abbas Səhhət" (1955);
  • "Qorki və Azərbaycan" (1959);
  • "Ədəbi irs və varislər" (1974);
  • "XX əsr Azərbaycan tənqidi" (1966);
  • "Tənqidimiz haqqında qeydlər" (1967);
  • "Vətəndaş şair" (1975);
  • "Sənətkarın şəxsiyyəti" (1978);
  • "Azərbaycan ədəbi tənqidinin tarixi" (1984);
  • "Abbas Səhhət" (1986);
  • "Tənqid və tənqidçilər" (1989);
  • "Seçilmiş əsərləri" (I cild) (1991);
  • "Seçilmiş əsərləri" (II cild) (1994)

Xarici keçidlər[redaktə | əsas redaktə]

Mənbə[redaktə | əsas redaktə]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.

İstinadlar[redaktə | əsas redaktə]

  1. "Kamal Talıbzadə". 22 Apr 2016 tarixində orijinalından arxivləşdirilib. İstifadə tarixi: 2019-07-15.
  2. "Tarixdə iz buraxanlar: Kamal Talıbzadə". 25 Apr 2018 - 11 Dec 2018 tarixində orijinalından arxivləşdirilib. İstifadə tarixi: 2019-07-15.
  3. "KAMAL ABDULLA ŞAİQ OĞLU TALIBZADƏ". 16 Jul 2019 tarixində orijinalından arxivləşdirilib. İstifadə tarixi: 2019-07-15.
  4. "Talibzadə Kamal Abdulla Şaiq oğlu". 12 Sep 2018 tarixində orijinalından arxivləşdirilib. İstifadə tarixi: 2019-07-15.