Kamran Musayev

Vikipediya, açıq ensiklopediya
Jump to navigation Jump to search
Picto infobox med.png
Kamran Musayev
Musayev Kamran Kazım oğlu
Fotoqrafiya
Doğum tarixi 30 oktyabr 1973 (1973-10-30) (44 yaş)
Doğum yeri Ağbaba mahalı, Göllü
Vətəndaşlıq Azərbaycan
Elm sahəsi tibb, ürək-damar cərrahiyyəsi
İş yeri Mərkəzi Klinik Xəstəxana
Elmi dərəcəsi tibb elmləri doktoru
Elmi vəzifəsi Professor
MükafatlarıƏməkdar həkim
www.audcc.org.az www.kamranmusayev.az

Kamran Kazım oğlu Musayev - ürək-damar cərrahı, tibb elmləri doktoru, professor, Azərbaycan Respublikasının Əməkdar həkimi, Mərkəzi Klinik Xəstəxananın baş həkimi, Azərbaycan Ürək və Damar Cərrahiyyəsi Cəmiyyətinin sədri.

Həyatı[redaktə | əsas redaktə]

Kamran Kazım oğlu Musayev 30 oktyabr 1973-cü ildə Qərbi Azərbaycanın Ağbaba mahalının (Amasiya rayonu) Göllü kəndində ziyalı ailəsində anadan olub. 1990-cı ildə Bakıdakı kimya-biologiya təmayüllü məktəbi qızıl medalla bitirdib və həmin il Azərbaycan Dövlət Tibb İnstitutunun (indiki Azərbaycan Tibb Universiteti) müalicə-profilaktika fakultəsinə qəbul olunub. 2 il burada təhsil aldıqdan sonra, 1992-ci ildə təhsilini davam etdirmək üçün rektorluq tərəfindən müsabiqə yoluyla istedadlı tələbələr sırasında Türkiyənin İstanbul Universitetinin İstanbul Tibb Fakultəsinə göndərilir. 1996-cı ildə bu təhsil ocağında 6 illik tibb təhsilini uğurla başa vurub və elə həmin il (uzmanlıq) rezidentura təhsili üçün imtahan verir. İmtahandan müvəffəqiyyətlə keçən Dr. Kamran Musayev, İstanbul Universitetinin Cərrahpaşa Tibb fakultəsində illərdir xəyalını qurduğu ürək-damar cərrahiyəsi ixtisası üzrə rezidentura təhsilinə başlayır.

1996-2002-ci illər arasında adı çəkilən təhsil müəssisəsində rezidentura təhsilini davam etdirməklə yanaşı, Türkiyənin Kadir Has Universitetinin Florence Nightingale xәstәxanasında ürәk–damar cәrrahı olaraq işləyir. Nəhayət 2002-ci ildə tibb təhsilini yekunlaşdıraraq tam təkmilləşmiş şəkildə ürək-damar cərrahiyəsi mütəxəssisi olaraq vətənə qayıdır. Həmin ildən Mərkəzi Klinik Xəstəxanada ürək-damar cərrahı və klinikanın stasionar şöbə müdiri vəzifəsində işə başlayır. İngiltərə (Harefield Hospital) və Amerika Birləşmiş Ştatlarında (Mayo Clinic) ixtisasartırma kurslarında da iştirak edən Kamran Musayev 2005-ci ildə Beynəlxalq Bioqrafiya Mərkəzi (İngiltərə, Kembric) tərəfindən "XXI əsrin görkəmli ziyalıları" (2000 - Outstanding Intellectuals of the 21st Century) siyahısına daxil edilib.

2006-2009-cu illərdə adı çəkilən klinikanın icraçı direktorunun tibb işləri üzrə müavini, 2009-cu ildən indiyə qədər isə baş həkimidir. Eyni zamanda Azərbaycan Ürək-Damar Cərrahiyəsi Cəmiyyətinin sədridir. Çox sayda tibbi məqalələri milli və beynəlxalq mətbuatlarda yayınlanmış, dəfələrlə beynəlxalq konfranslarda çıxış etmişdir. Bunlardan biri də 2009, 2011, 2013, 2015 və 2017-ci ilin may aylarında onun təşəbbüsü ilə Bakıda keçirilən ümummilli lider Heydər Əliyevin anadan olmasının ildönümünə həsr olunmuş "Bakı Ürək Günləri" Beynəlxalq Konqresidir. Bundan başqa, 2009-cu ildən etibarən hər ilin sentyabr ayında Dünya Ürək Federasiyasının başlatdığı "Dünya Ürək Günü" məhz Dr. Kamran Musayevin təşəbbüsü ilə Azərbaycanda də qeyd edilir.

Əhalinin ürək-damar xəstəlikləri haqqında məlumatlandırılması və maariflənməsi üçün mütəmadi olaraq kütləvi informasiya vasitələrində çıxış edir. Məhz Dr.Kamran Musayevin ölkəyə gəlişi ilə ürək-damar xəstəliklərindən əziyyət çəkən pasiyentlərin xarici ölkələrə axını kəskin şəkildə dayanmışdır. O,Azərbaycanda fəaliyyət göstərdiyi 14 il ərzində 11 minə yaxın ürək-damar cərrahi əməliyyatı həyata keçirib. Bunların 60-65%-i aorta-koronar şuntlama əməliyyatı olub.

2013-cü ilin yanvar ayında Azərbaycanda ilk dəfə olaraq Mərkəzi Klinik Xəstəxanada süni ürək köçürülməsi əməliyyatı da məhz Kamran Musayev tərəfindən həyata keçirilib. 2017-ci ilin sentyabr ayında ölkəmizdə ilk dəfə olaraq Kamran Musayev və onun komandası tərəfindən qan dövranı dayandırılmaqla Ağciyər damarlarının endarterektomiyası adlanan əməliyyat icra olunub.

Bunlardan əlavə Dr.Kamran Musayev gənc həkimlərə verdiyi dəstəklə də tanınır.

Azərbaycan səhiyyəsinin inkişafındakı xidmətlərinə görə ölkə başçısı cənab İlham Əliyevin 16 iyun 2011-ci il tarixli sərəncamı ilə "Əməkdar həkim" fəxri adına layiq görülüb.

Azərbaycan Tibb Universitetinin professoru, tibb elmləri doktorudur. Azərbaycan Respublikasının Prezidenti yanında Ali Attestasiya Komissiyasının Tibb və əczaçılıq elmləri üzrə ekspert şurasının üzvüdür.

Ailəlidir, 3 övladı var.

Təhsili[redaktə | əsas redaktə]

  • 1990-1992-ci illərdə Azərbaycan Tibb Universiteti, Müalicə Profilaktika Fakultəsi (Azərbaycan,Bakı)
  • 1992-1996-cı illərdə İstanbul Universiteti,Tibb Fakultəsi (Türkiyə,İstanbul)
  • 1996-2002-ci illərdə Cərrahpaşa, Tibb Fakultəsi (Türkiyə,İstanbul)
  • 1996-2002-ci illərdə Qədir Xas Universiteti Florence Nightingale Xəstəxanası, Ürək-Damar Cərrahiyəsi (Türkiyə,İstanbul)

İş təcrübəsi[redaktə | əsas redaktə]

Üzvlük[redaktə | əsas redaktə]

Xarici keçidlər[redaktə | əsas redaktə]

Mənbə[redaktə | əsas redaktə]

  • "Xalq" qəzeti,8 dekabr 2010-cu il
  • "İki sahil" qəzeti 24 fevral 2007-ci il
  • "Əkinçi" qəzeti, 19 mart 2007-ci il, Zərdab rayon sakini əmək veteranı T.Bayramovun təşəbbüsü ilə yazılan "Dr.Kamran Musayev:Azərbaycanda ürəyin transplantasiyası(köçürülməsi)mümkündür" məqaləsi

Həmçinin bax[redaktə | əsas redaktə]