Kamran Əliyev (hüquqşünas)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Kamran Əliyev.
Kamran Əliyev
Bayraq
Azərbaycan Respublikasının
Baş prokuroru
İkinci bayraq
Vəzifədədir
1 may 2020-ci ildən
ƏvvəlkiZakir Qaralov
Bayraq
Azərbaycan Respublikasının
Baş Prokurorunun müavini
İkinci bayraq
14 avqust 2014 – 1 may 2020
Baş prokurorZakir Qaralov
Şəxsi məlumatlar
Doğum tarixi 18 noyabr 1965(1965-11-18) (59 yaş)
Doğum yeri
Təhsili
  • İrkutsk Dövlət Universiteti[d] (–1987)
Fəaliyyəti dövlət xadimi, hüquqşünas
Rütbəsi
I dərəcəli dövlət ədliyyə müşaviri
Elmi fəaliyyəti
Elmi dərəcəsi
Təltifləri "Azərbaycan Bayrağı" ordeni — 2008 2-ci dərəcəli "Vətənə xidmətə görə" ordeni — 2018
Vikianbarın loqosu Vikianbarda əlaqəli mediafayllar

Kamran Bayram oğlu Əliyev (18 noyabr 1965, Balakən) — Azərbaycan Respublikasının Baş prokuroru (2020-ci ildən), Beynəlxalq Prokurorlar Assosiasiyasının vitse prezidenti, I dərəcəli dövlət ədliyyə müşaviri (2021).

Həyatı və fəaliyyəti

[redaktə | vikimətni redaktə et]

Kamran Bayram oğlu Əliyev 1965-ci ilin noyabr ayının 18-də Balakən şəhərində anadan olmuşdur. 1987-ci ildə Rusiya Federasiyasının İrkutsk Dövlət Universitetinin hüquq fakültəsini fərqlənmə diplomu ilə bitirdikdən sonra təyinatla prokurorluq orqanlarına işə qəbul olunaraq Rusiya Federasiyasının Zabaykalye Nəqliyyat Prokurorluğunun Çita Nəqliyyat prokurorluğunun müstəntiqi vəzifəsi üzrə stajoru təyin edilmişdir. Daha sonra həmin prokurorluqda və Zabaykalye Nəqliyyat Prokurorluğunda böyük müstəntiq vəzifəsində işləmişdir.[1]

1990–1993-cü illərdə keçmiş SSRİ Baş Prokurorluğunun Elmi-Tədqiqat İnstitutunda əyani şöbə üzrə aspirantura təhsili almış, paralel olaraq həmin müəssisədə elmi işçi vəzifəsində işləmişdir. 1993-cü ildə həmin İnstitutda dissertasiya işini müdafiə edərək hüquq elmləri namizədi elmi dərəcəsini almışdır.

Daha sonra köçürülmə qaydasında Azərbaycan Respublikası Prokurorluğu orqanlarına işə qəbul olunmaqla Kadrlar idarəsinin prokuroru, Elm-Tədris Mərkəzinin rəisi, Baş Prokurorluğun İstintaq və ağır cinayətlərə dair işlər üzrə istintaq idarələrində müstəntiq və böyük müstəntiq, Baş prokurorun köməkçisi və böyük köməkçisi, Baş Prokurorluğun Dövlət İttihamının müdafiəsi idarəsinin rəisi, 2007-ci ildən isə Azərbaycan Respublikasının Baş prokuroru yanında Korrupsiyaya qarşı Mübarizə İdarəsinin rəisi vəzifələrində çalışmışdır.[1]

Azərbaycan Respublikası Prezidentinin 5 avqust 2014-cü il tarixli Sərəncamı ilə Azərbaycan Respublikası Baş prokurorunun müavini — Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəisi təyin edilib.[2]

23 noyabr 2021-ci ildən I dərəcəli dövlət ədliyyə müşaviri (Ədliyyə general-polkovniki) ali xüsusi rütbəsindədir. Azərbaycan Respublikasının Baş Prokurorluğu Kollegiyasının sədri, hüquq elmləri üzrə fəlsəfə doktorudur.

Beynəlxalq Prokurorlar Assosiasiyasının vitse prezidentidir.[3] Avropa Şurasının Korrupsiyaya qarşı Mübarizə Aparan Dövlətlər Qrupunda (GRECO) Azərbaycan nümayəndə heyətinin üzvüdür, habelə ölkəmizin Şərqi Avropa və Mərkəzi Asiya üzrə Antikorrupsiya Şəbəkəsinin İstanbul Fəaliyyət Planı üzrə İqtisadi Əməkdaşlıq və İnkişaf Təşkilatında (OECD) Milli Koordinatorudur.[1]

İngilis və rus dillərini sərbəst bilir. Ailəlidir, iki övladı var.[4]

Təltifləri

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 3 "Rəhbərlik — Əliyev Kamran Bayram oğlu". genprosecutor.gov.az. Azərbaycan Respublikası Baş Prokurorluğu. 2021-12-02 tarixində arxivləşdirilib. İstifadə tarixi: 2020-10-13.
  2. ↑ "Кямран Алиев назначен заместителем генпрокурора Азербайджана". trend.az (rus). 2014-08-05. 2022-01-21 tarixində arxivləşdirilib. İstifadə tarixi: 2020-10-13.
  3. ↑ "International Association of Prosecutors - About: International Association of Prosecutors". www.iap-association.org (ispan). 2022-01-24 tarixində arxivləşdirilib. İstifadə tarixi: 2020-10-13.
  4. ↑ "Кямран Алиев назначен генпрокурором Азербайджана". report.az (rus). Информационное Агентство Репорт. 2020-05-01. 2020-05-02 tarixində arxivləşdirilib. İstifadə tarixi: 2020-10-13.
  5. ↑ "Azərbaycan Respublikası Prokurorluğunun bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". e-qanun.az. 2008-09-27. 2018-12-20 tarixində arxivləşdirilib. İstifadə tarixi: 2020-10-13.
  6. ↑ "Azərbaycan Respublikası Prokurorluğunun bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". e-qanun.az. 2018-09-28. 2020-06-13 tarixində arxivləşdirilib. İstifadə tarixi: 2020-10-13.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Kamran_Əliyev_(hüquqşünas)&oldid=7474684"