Katsumi Kuroita

Vikipediya, azad ensiklopediya
Naviqasiyaya keçin Axtarışa keçin
Katsumi Kuroita
yap. 黒板勝美
Doğum tarixi 3 sentyabr 1874(1874-09-03)
Doğum yeri
Vəfat tarixi 21 dekabr 1946(1946-12-21)[1] (72 yaşında)
Vəfat yeri
Təhsili
Fəaliyyəti esperantoçu, tarixçi
Vikianbarın loqosu Vikianbarda əlaqəli mediafayllar

Katsumi Kuroita (黒板勝美, Kuroita Katsumi?, 3 sentyabr 1874, Hasami[d]21 dekabr 1946[1], Şibuya, Tokio)Yaponiya tarixçisi. O, Yaponiyada diplomatika elminin əsasını qoyan şəxslərdən biri olmuşdur.[2] O, qədim Yaponiya tarixi üzrə qabaqcıl tarixçilərdən biri olmuşdur.[3]

Həyatı və karyerası[redaktə | mənbəni redaktə et]

Katsumi Kuroita 1874-cü ilin sentyabrında Yaponiyanın Naqasaki prefekturasının Hasami qəsəbəsində doğulmuşdur.[4] O, Yohey və Mikiko Kuroitanın ən böyük oğlu olmuşdur.[5] 1890-cı ildə Omura orta məktəbini bitirmişdir.[6] 1896-cı ildə Tokio Universitetindən məzun olduqdan sonra Ukiçi Taquçinin redaktorluq etdiyi "Tokyo Keyzai" liberal iqtisadiyyat jurnalının heyətinə qatılmışdır.[3] Taquçi ilə birlikdə bir çox tarixi işin nəşrinə töhfə vermişdir: əhəmiyyətli klassik yazılar kolleksiyası olan "Qunşo Ruicu" və Yaponiya tarixi haqqında sənədlər kolleksiyası olan "Kokuşu Taykey".[2] 1905-ci ildə doktorat dərəcəsi əldə edərək Tokio Universitetinin köməkçi professoru olmuş[3]Təhsil Nazirliyinin redaktor-tərtibçisi seçilmişdir. Yaponiyadakı tarixi yerlərin və incəsənət xəzinələrinin mühafizəsi ilə məşğul olmuşdur.[2] 1903-cü ildə öz komonco nəzəriyyəsini təqdim etmişdir.[7]

Kuroita 1905-ci ildə təhsil məqsədilə Avropaya göndərilmişdir. Yaponiyaya qayıtdıqdan sonra Tokio Universitetinin professoru, 1919-cu ildə universitetin tarix fakültəsinin baş tarix tərtibçisi təyin olunmuşdur. 1927-ci ildə Amerika və Avropaya səyahət etmişdir.[3]

Kuroita Yaponiyada esperanto hərəkatının qabaqcılı olmuşdur.[2] O, 1906-cı ildə esperanto dilini öyrənməyə başlamış və yapon esperanto təşkilatının ilk lideri olmuşdur.[8] 1906-cı ildə ilk esperantoca–yaponca lüğətinin müəllifi olmuşdur.[3] O, 1920-ci illərin əvvəlinə qədər Yaponiyanın aparıcı esperantoçularından biri olmuşdur.[8]

Şəxsi həyatı[redaktə | mənbəni redaktə et]

Kuroita 1898-ci ilin dekabrında Tokyoite Kennosukenin qızı olan Mizuno Kiyo ilə evlənmişdir.[9]

İstinadlar[redaktə | mənbəni redaktə et]

  1. 1 2 黒板勝美 // https://www.tobunken.go.jp/materials/bukko/8733.html.
  2. 1 2 3 4 Kodansha Encyclopedia of Japan. səh. 316
  3. 1 2 3 4 5 The Japan Biographical Encyclopedia & Who's Who. səh. 746
  4. Yoshikawa. səh. 20
  5. Yoshikawa. səh. 23
  6. Yoshikawa. səh. 28
  7. Yoshikawa. səh. 67
  8. 1 2 Rapley, Ian. "Talking to the World: Esperanto and Popular Internationalism in Pre-war Japan" (PDF). Japan Society Proceedings. 2016: 76–89. 2023-03-26 tarixində arxivləşdirilib (PDF). İstifadə tarixi: 12 aprel 2023.
  9. Yoshikawa. səh. 60

Ədəbiyyat[redaktə | mənbəni redaktə et]

Xarici keçidlər[redaktə | mənbəni redaktə et]